Wëëlö Mana Göör Pøølli Baŋ Jø Röm 11:22 - Wëël Jwøk

²² Neen bäth yi Jwøk ki teek dwøre, ni beeye dwøl mo teek kiper jøøa pädhö, 'ba beeye bäth yi Jwøk kiperï, ni näk miï puta bëëtö yi bäth ec mare. 'Ba ni näk miï ba bëëdö ree, ï ŋula wøk thuwø.

Wëëlö Mana Göör Pøølli Baŋ Jø Röm 11:22 Iomraidhean Croise

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Edhikiel 18:24

«'Ba ni näk ŋat mo bëëte tiir bëëtö mare na tiir wiie wiiø, ni tïïe ki gïï mo yia raac ki ge mo caala moa tïïc ŋata bëëte raac, ?eni bëëdö ni kwøw? Ba løny; eni japa beyø bëët na tïïe, bäŋgø mo wïc di parø ki gø. 'Ba eni thøw, kiper mana bëëde ni bëëte patha kare, ki køør bääyö mare, ki raay moa temme.

Edhikiel 3:20

«'Ba maya thuwø, ni näk ŋat mo bëëte tiir, bëëtö mare na tiir wiie wiiø ni tïïe ki raay, ni cïpa nyïme ki gïn mo cwaanya tiere, eni thøw. Eni thøw yïth raay moe, ki køør mana kärï gø köömmö, ni ö japa beyø na tïïe ni ba par wïc ki geni; 'ba aani, remø mare pëënynya pëënynyö ki ïïni.

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Jøøn 15:2

'Ba bäät jenni bëët moa näk 'moa, mo wø ba nywøl ki nyïëdi, wø käla wøk. Ni bäät jenni bëët mo wø nywøl ki nyïëdi, wø goora goorø nee nywølge ki nyïëdi mo thööth.

Jøøn 8:31

Kanyøgø nø Jecu aköö jï jø Juuth moa näk ojïëy ki eni ni ŋääthge gø, ni «Ni näk mo pwöc 'moa wø kïthu bäät tïïc cooth, uuna bääga møn.

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Wëëlö Mana Göör Pøølli Baŋ Jø Röm 11:21

Kiper ni näk Jwøk bäät jaadha näk jaath paac käre wiiø, ï ba wiie thuwø.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

1 Körin 15:2

ni beeye mana piem uuni ki køøre, ni näk mo you maa ni teek. 'Ba ni näk ba magu ni teek, ŋäädhe maru tïmö ni bäŋ tiere.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

1 Thecalönika 3:5

Kiper manøgønø, na tïm cwïnya ni ba maara mak këët, aana jääk baŋu, kiper bëët ŋäädhe maru nee wïnynya, kiper na lwäya ni kanymør ŋat wø pääny jiy, u ee päänynyö, ni tïm öölö marwa no oaay jaak.

1 Thecalönika 3:8

'Ba kawaane, waana kwøw nø, ni näk mou puta bëëtö nou teek ki ri Wuuö.

Ibaru 10:23

Beerra man putø ŋäädhe marø mar yi nyïm mana jïëø ki gøøni maa cwïnynyø ni ø ba dääŋi. Kiper wää buuki dwøre ba dak.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.

Mana Nyooth 2:5

Caar wïïï ki gïna døøï cään ki gø. Løk cwïnyï, ni tïïyï tïïe moa wara tïïyï dïkwøŋ. 'Ba ni näk ba tïïyï, ni ba løgï cwïnyï, a ööa baŋï, ni lwøra lamba marï kare, ni daaa gø.