Wëëlö Mana Göör Pøølli Baŋ Jø Röm 11:14 - Wëël Jwøk

¹⁴ kiper nee jø powa ma jø Juuth døøya mo këëö, nee møøk dïge piema ki jöörögø.

Wëëlö Mana Göör Pøølli Baŋ Jø Röm 11:14 Iomraidhean Croise

Wïlöölö 29:14

Ni kö Leeban jïgø, ni «Ka adïëri møn, ïïna tuuŋwa mana näk rem dëëra kiree.» Ni ö Jeekapi ni put bëëdö ki dwääy aciel buut Leeban.

2 Camiel 19:12

Kee uuna nyïïmera, ni øøna remø aciel, ni ø käla ri dëël aciel. ?Aŋø nø, ni dööŋu cään en ki man dwøgu nyeya paare?›

Wëëlö Mana Göör Pøølli Baŋ Jø Röm 10:19

'Ba a cäŋa pëëö. ?Aŋø, kär wïny jø Icrielli ni beer? Kiper Modhe akwøŋ köö, ni «Uuno tïïa nou këëö kiper jiy mo bäŋ karge, ni wëëga u wëër ki køør wï jur mo bäŋ gïn ŋääe.»

Wëëlö Mana Göör Pøølli Baŋ Jø Röm 11:11

?Kiper manøgønø, a pëëö, ?Jø Icriel, tietge acwanyge ni päthge na bäre bäre? Ba doo løny. 'Ba beeye dhal luubö marge na tïm pïëmmi man piem jiy ki gø ni pïï baŋ juurre, kiper nee jø Icriel døøc mo këëö.

Wëëlö Mana Göör Pøølli Baŋ Jø Röm 9:3

Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa.

1 Körin 1:21

'Ba Jwøk, ki køør leec wïc mare, jø piny amäne ki man ŋäcge eni ki køør leec wïthge. 'Ba eni yie amïnnö ki man piem jø wø jïëy ni ŋääthge ki køør luum bøøl ni wø køpwa.

1 Körin 10:33

keda mara ni manynya man døøya yïth jiy mo met ki yïth jammi bëët mo wø tïïa, naa ba caar mara a keera. 'Ba a caara gïr jiy mo thööth, nee ge piem.

1 Körin 7:16

?A ï na dhaagø, ŋäyï gø nidïï, ni cwørï ba piemï? ?A ï na dïcwøø, ŋäyï gø nidïï, ni cïïï ba piemï?

1 Timöthi 1:15

'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

1 Timöthi 2:4

ŋat wø many man piem jiy bëët, ki man kwanyge gïïa näk adïëri.

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

Tayta 3:5

øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

Piliman 1:12

A duua eni baŋï, keda a jääŋŋa cwïnya kiree.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Ibaru 2:3

?a øøni, øøno bødhø nidïï, ni näk teeŋ pïëm man piem jiy ki gø manø ni dwøŋ enø yøø wiiø? Kiper akwøŋ Kwäärö køp, ni ö jøøa wïny dwøre ni nyoothge gø jïïø ni beeye adïëri.

Jeemeth 5:20

wär ŋääe ni ŋat wø duu ŋat raay kare, ni mäna gø ki jööre na raac, piema jwïëc ŋatøca ki thøø, ni raay mo thööth ogëëŋe.