Wëëlö Mana Göör Pøølli Baŋ Jø Röm 11:1 - Wëël Jwøk

¹ 'Ba a pëëö nø, «?Jwøk jiye akwiere?» Ba doo løny. Aani ki dëëra, aana nyï Icriel, ni aana nyikwaar Eeberam naa käla dhi øt Benjamen.

Wëëlö Mana Göör Pøølli Baŋ Jø Röm 11:1 Iomraidhean Croise

2 Nyeye 23:27

Køøre Wuuö Jwøk aköö, ni «Aani jø Juuda daaa daaø buuta thuwø, kaawat mana daaa jø Icriel. Ni kwiera Jerucalem, pääny man ni yaa nø jier en, ki øt Jwøk man ni aano köö ni nyeŋŋa bëëde ni ŋäc yie.»

Odheea 9:17

'Ba geni, ge kwier Jwøki mara kwierø, kiper gena kweer ki man cekge ïthge jï gø. 'Ba geno put bëëtö ni ge thääyö yïthakic wïth juurre.

Luk 20:16

Eni öö ni 'näk jø puur moøgø ni cïp pwöthögø ceŋ jø møøk.» 'Ba na wïnyge gïnögø, gena köö, «Wui, gïnögø kär tägö!»

Moa Tïïc Nyïïatwieli 22:3

ni «Aana ŋat Juuth, naa nywølla Tarca yi Cilicia. 'Ba a piitha paani en, ni aano pwönynyö cer Gameeliel ki pwöc mo teek kiper ciik Jwøk mar kwäyø, ni cwïnya wø caya Jwøk kaawat man tïïyu dïcäŋi en.

Moa Tïïc Nyïïatwieli 26:4

«Bëëtö mara kanya ööa ki thïnhö na bëëda dï jø powa, ki kanya bëëda yi Jerucalem, ŋäc jø Juuthi bëët.

Wëëlö Mana Göör Pøølli Baŋ Jø Röm 11:11

?Kiper manøgønø, a pëëö, ?Jø Icriel, tietge acwanyge ni päthge na bäre bäre? Ba doo løny. 'Ba beeye dhal luubö marge na tïm pïëmmi man piem jiy ki gø ni pïï baŋ juurre, kiper nee jø Icriel døøc mo këëö.

Wëëlö Mana Göör Pøølli Baŋ Jø Röm 3:4

Ba doo løny. Jootu joodø, ni Jwøk poot bëëdö kare na adïëri këël jiy bëët doo tïmö ni ge ba maar ŋääth, kaawat mana gööri, ni «Kiper manøgønø, luummï na caanï beeye adïëri, ni tïm marï na kare ki køør luummï noo ŋølï.»

Wëëlö Mana Göör Pøølli Baŋ Jø Röm 9:3

Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa.

2 Körin 11:22

?Aŋø, gena jø Ibaru? ?A aani? ?Gena jø Icriel? ?A aani? ?Gena nyïïkwaac Eeberam? ?A aani?

Pilipay 3:5

Kiper aana daŋ ri bäc nïne, ni aana thwønh ki yi Icriel, ni aana nyï dhi øt Benjamen, ni aana ŋat Ibaru, naa nywöli ni aana Ibaru. 'Ba nee kiper Ciik Jwøk, aana ŋat Paricith.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.