Wëëlö Mana Göör Pøølli Baŋ Jø Röm 10:9 - Wëël Jwøk

⁹ Kiper ni näk mo iï caanø ki dhiï, ni «Jecu beeye Kwäärö,» ni jïëyï ki cwïnyï ni ena tïŋ Jwøki maal ki yi thøø, ï di piemø.

Wëëlö Mana Göör Pøølli Baŋ Jø Röm 10:9 Iomraidhean Croise

Luk 12:8

«'Ba a cäänna uuni, ni jøw bëët mo wø jïëc aani nyïm jiy, ojïëa thuwø, a na Wär Dhaanhø, nyïm nyïïatwiet maal mo Jwøk.

Jøøn 9:22

Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Moa Tïïc Nyïïatwieli 16:31

Ni løkge gø, ni «Jïëyï ki Kwäärö ma Jecu ni ŋääthï gø. Ïïno piem ki jø paarï bëët.»

Moa Tïïc Nyïïatwieli 2:24

'Ba ena tïŋ Jwøki maal ki yi thøø ni pät gø cer thøø, kiper ba doo løny jï thøø ki man mak gø.

Moa Tïïc Nyïïatwieli 2:32

'Ba beeye Jecu manøgø na tïŋ Jwøki maal, ni gïnögø aneenwa bëët.

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [

Wëëlö Mana Göör Pøølli Baŋ Jø Röm 10:10

Kiper dhaanhø wø jïëy ka cwïnye ni läwi jïëc ni mare beer. Ni caan mare ki dhee, ni läwi piem.

Wëëlö Mana Göör Pøølli Baŋ Jø Röm 14:11

Kiper ogöörö, ni «Wuuö Jwøk aköö, ni ‹Kaawat man kwøa en, cøŋŋi bëët okëël piny nyïma, ni ö lëëpi bëët ni pwøcge aani na Jwøk.› »

Wëëlö Mana Göör Pøølli Baŋ Jø Röm 14:9

Ni beeye na thøw Krictø kipere ni cäŋ kwøw, kiper nee tïme na Kwääy jøøa thøw ki moa kwøw.

Wëëlö Mana Göör Pøølli Baŋ Jø Röm 4:24

'ba göör kaperø thuwø. 'Ba øøno jïëc thuwø ni marø beer, ø na näk ojïëy ni ŋääth ŋata tïŋ Kwääyø ma Jecu maal ki yi thøø,

Wëëlö Mana Göör Pøølli Baŋ Jø Röm 8:34

?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

1 Körin 12:3

Kiper manøgønø, a manynya man ŋäyu gø, ni bäŋ dhaanhø mo cäänö ki ri Jwïëc Jwøk mo köö, ni «Jecu cien.» Ni bäŋ dhaanhø mo maara köö, ni «Jecu beeye Kwäärö,» ni näk ba caan ka ri Jwïëc Jwøk.

Pilipay 2:11

Ni ö lëëpi bëët ni caange gø, ni Jecu Krictø beeye Kwäärö, ni jiemma Jwøk na näk Wuuö.

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Jøøn 4:15

'Ba ŋat wø jïëc Jecu ni ena O Jwøk, Jwøk wø bëëdö dëëre, ni en dëër Jwøk.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.