Wëëlö Mana Göör Pøølli Baŋ Jø Röm 10:3 - Wëël Jwøk

³ 'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Wëëlö Mana Göör Pøølli Baŋ Jø Röm 10:3 Iomraidhean Croise

Neemiya 9:33

'Ba ïïni, marï adïëri ki røk gïïa tägö dëëtwa bëët, kiper ï bëëdö niï tïïya adïëri; ba waani, waana bëëdö ni wa tïïya gïï mo reyø.

Jööp 33:27

Køøre nø, eni wär ki duut nyïm jiy, ni kööe, ni ‹Aana bääyö møn, ni raanynya gïna näk adïëri, 'ba ajäla mana dee aani jäälö ki gø kär tïïc Jwøki.

Aydheea 51:1

U ni wø caath køør bëënynyö, ni wø many Wuuö Jwøk, wïnynyu mara. Neennu kïdi mana kälu ree, ni neennu kïdi mana kuuny uuni wøk ki dëëre.

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Aydheea 57:12

Aani, bëënynyö maru manø ni ŋääthu enø, ki tïïe mou, tïïa tïïö nee ŋäc, ki man näk mo bäŋ gïn mo kønyge dëëtu.

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Wëël Kïmmö 3:22

ni beeye mëër mar Wuuö Jwøk ni wø ba jøøl na kärø ränynyö en, kiper bäth ec mare bëëdö na bäre bäre ni ba ränynyi.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Ciik Kiper Dïlämme 26:41

na tïïcge aani naa gëëma ki geni thuwø, ki man kïtha geni yi ŋööm nyïïmän moge; wala ni näk mo cwïnyge na näk kär daŋø ki man cïpge ge jïra, ege døøc mo mwöl, ni jïëcge gïïa bacge,

Luk 10:29

'Ba na tïme ni manynya man piem dëëre, ena köö jï Jecu, ni «?Ŋat mør aŋa ni daa mëër ki gø?»

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 10:2

'Ba marge ŋääa ni ge caya Jwøk døøc, 'ba mar Jwøk kärge ŋiiø.

Wëëlö Mana Göör Pøølli Baŋ Jø Röm 10:20

Ni Aydheea cwïnye da cer kanya caan gø, ni «Aana joot jøøa kär many aani, ni nyoodha raa jï jøøa kär pëëny aani.»

Wëëlö Mana Göör Pøølli Baŋ Jø Röm 11:7

?'Ba agïnaŋø nø? Icriel akääŋö ki gïna caye. Jøøa näk ojierø beege na joot gø, 'ba jø møga cwïnyge adøøc mo teek,

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 3:26

Ni eni nyootha gø ennø ni eni ki dëëre ŋøl luup mare beeye adïëri, ni ŋat wø ŋääth Jecu wø jïëe jïëö ni mare beer nyïme.

Wëëlö Mana Göör Pøølli Baŋ Jø Röm 5:19

Ni beeye leŋ luubö mar dhaanhø aciel noo tïïc jiy mo thööth ni marge beer, kaawat mana ö bäŋ leŋ luubö mar dhaanhø aciel na tïïc jiy mo thööth na jø raay.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Tiet Ciik 6:25

'Ba ni näk wïthø yøø koorø, ni gwøø ciik moi nyïm Wuuö Jwøk na näk Jwøø, kaawat mana kööm øøni, marø doo tïmö ni beer nyïme.›

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.