Wëëlö Mana Göör Pøølli Baŋ Jø Röm 10:18 - Wëël Jwøk

¹⁸ 'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

Wëëlö Mana Göör Pøølli Baŋ Jø Röm 10:18 Iomraidhean Croise

1 Nyeye 18:10

Ŋëët Wuuö Jwøk, Jwøï na kwøw, bäŋ tier paac mo odööŋ ni nyeya mara kär jääk yie kuna many ïïni. 'Ba kany wø köge, ni ‹Ilaaja tøør kany,› eni jø paaneca wø pute ka tïïc nee kööŋge niï kärge joodø.

Aydheea 24:16

'Ba øøni, dudi owïnynyø bäät piny bäre, mo köö, na «Ajiem en jï Jwøa beer.» 'Ba aani, aana köö, «Otïmö ni leth jïra! Otïmö ni leth jïra møn! Aana ränynyö! Jø wø tïïc gïï mo reyø ki piny, ge poot bëëdö ni ge tïïya gïï mo reyø; ni ge bëëdö ni ge cäätha maal ki tïï gïï mo reyø.»

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Mathiew 24:14

'Ba luumma nyään na met mar buya käl maal okøp dï piny bäre nee gïre wïny wïth juurre bëët. Køøre aŋuun piny oööi.

Mathiew 26:13

Adïëri møn a cäänna uuni, ni kanyo wäro køp luumma nyään na met yie bäät piny bäre, gïna tïïc dhaagø manøgø enø, wø wäro caan ni parra wïc ki eni.»

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Mathiew 4:8

'Ba kanyøgø, ena cäŋ anägö kïth bäät kïdi mo bäär døc ni nyuth gø buc piny bëët ki beenyge.

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Maak 16:20

Ni aacge ni køpge luumma nyään na met yïth mïëri bëët, ni Wuuö tïïö ka geni, ni nyootha gø ni luummögø ni wø køpge beeye adïëri ki køør ŋïïce mo wø cäädhi ki gø na aciel. Enøgønø.]

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Moa Tïïc Nyïïatwieli 28:23

'Ba na nø cïpge piny ki cäŋ man öge baŋe yie, gena put ö baŋe kanya bëëde yie ni ge thööth døc. Ni par tier luummögø jïge, ni tägi ka amöölla këël abøøya, ni køpa gïr buc Jwøk, ni nyootha luum Jecu jïge ni beeye adïëri, ni nyoodhe ka ri luup moa en ri ciik Modhe ki mo nyïïkuk Jwøk.

Wëëlö Mana Göör Pøølli Baŋ Jø Röm 1:8

'Ba kawaane a pwøya Jwøa ki køør Jecu Krictø kiperu bëët, kiper gïr ŋäädhe maru akøp piny bäre.

Wëëlö Mana Göör Pøølli Baŋ Jø Röm 15:19

ki teek mar ŋïïce ki gïï mo rëëma ec, ki køør teek Jwïëc Jwøk na en kur keere. Ni køba luumma nyään na met mar Krictø dï paac bäre, ni tägi ka yi Jerucalem këël mana këët Ilirikam.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

1 Thecalönika 1:8

Kiper patha jø Macedönia ki jø Akeea keerge na wïny luum Wuuö baŋu, 'ba luum ŋäädhe maru na ŋääthu Jwøk, apööth kany mo bäär, ni bäŋ gïn mo caanwa kipere këët.