Wëëlö Mana Göör Pøølli Baŋ Jø Röm 10:17 - Wëël Jwøk

¹⁷ Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.

Wëëlö Mana Göör Pøølli Baŋ Jø Röm 10:17 Iomraidhean Croise

Jööp 42:5

'Ba aani, luup moï awïnynya ki ïtha, 'ba ennø ïïna jooda ki waŋa kiree.

Maak 4:24

Ni cäŋ köö jïge, ni «Cegu ïthu døøc ki gïn wïnynyu en. Rumi man wø cïpu, beeye rumi mano duu baŋu, ni moo cïp jïïu ocäŋ meetø.

Luk 11:28

'Ba aløøe ni kööe, ni «Gwïëth doo ena ri jø wø wïny luum Jwøk ni gwøkge gø.»

Luk 8:11

'Ba tier leer manøgø beeye en. Köödhi beeye luum Jwøk.

Luk 8:21

'Ba ena kö jïge, ni «Mera ki nyïïmera beege jø wø wïny luum Jwøk ni kïthge gø bäät tïïc.»

Jøøn 1:37

'Ba na wïnynyi ya bääŋi riet ni caana gïnögø, gena läp køør Jecu.

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 10:14

?'Ba jiy nyeŋŋe a dege gø cwølø nidïï, ŋat mo kärge jïëö ni ŋääthge gø? ?Na a dege gø jïëö ni ŋääthge gø nidïï, ŋat mo luumme kärge wïnynyö bäre bäre? ?A luumme a dege gø wïnynyö nidïï, ni bäŋ ŋat mo okøp gø?

2 Körin 2:17

Kiper wa ba caal jøø ni thööth yøø ni wø køp luum Jwøk kiper gwel. 'Ba waana jiy mo bäŋ atade cwïnywa, mo jiera Jwøki, ni wa cäänö ka nyeŋ Krictø nyïm Jwøk.

Galeecia 3:2

'Ba wïnynyu mara, nou pëënynya ki gïrpiny aciel keere. ?Jwïëc Jwøk, jootu kaper tïïe moa en ri ciik Jwøk wala jootu kaper mana wïnynyu ni ŋääthu gø?

Galeecia 3:5

?Eni ni wø cïp Jwïëc Jwøk jïïu, ni tïïc gïï mo døøŋŋø mo rëëma ec dïïu, wø tïïe ka køør tïïe moa en ri ciik Jwøk, wala tïïe kaper mana wïnynyu ni ŋääthu gø?

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

Ibaru 4:2

Kiper luumma nyään mar jwömö aö baŋø kaawat mana ö baŋge. 'Ba luubö mana wïnyge bäŋ gïn mo beer mo ege joodø ree, kiper mana kärge jïëy ni ŋääthge gø.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.