Wëëlö Mana Göör Pøølli Baŋ Jø Röm 10:15 - Wëël Jwøk

¹⁵ ?A jiy a dege pöö nidïï ni näk mo ge kär jääŋŋö? Kaawat mana gööri, na «A teeŋ öönynya ŋø ni beer en jï jø wø køp luumma nyään na met!»

Wëëlö Mana Göör Pøølli Baŋ Jø Röm 10:15 Iomraidhean Croise

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 52:7

A teeŋ met ec mo nyïëdi ki man joot dhaanhø mo ööi ka bäät kïte ni käla luubö mo nyään mo met, ŋat mo køpa luum bëët-mëër, mo käla luubö mo nyään mo met mo beer, ŋat mo gøøa luum pïëm piny man piem jiy ki gø, ni kööe jï jø Dhayan, ni «Jwøk maru beeye ni wø käär piny na nyeya!»

Aydheea 57:19

ni tïïa ge naa pwøcge ki dhøkge, a na Jwøk. 'Ba bëët-mëër en jï jø wø kwörge bäyö ki jï jø wø kwörge cärö! Aani ge kønya kønyø.» Luummögø caana Wuuö Jwøki.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 23:32

Ka adïëri møn, a na Wuuö Jwøk, mara caana caanø dëët nyïïkuk Jwøk mo wø car lääk jaak mo bäŋ tietge jï jiya, ni løøge wïth jiya wøk ki køør tööt ki diwaŋ marge; 'ba ge kära jääŋŋö, ni ge kära köömmö, ni bäŋ gïn mo thiinh mo ege kønyø ri jiy moi.

Neeyam 1:15

Raŋŋu tiet dhaanhø ni ööi enø, ni cura bäät kïdi, na ŋat mo käla luubö mo nyään mo køpa luum bëët-mëër. Wui jø Juuda, bëëdu nou wøøra ajwöm mou, ni cïpu gïïa kööŋŋu ki ge jï Wuuö Jwøk. Kiper jø raay moøgø u ba cäŋge tugö këët. Geni wïthge di dïïrö na bäre bäre.

Mathiew 9:38

Kiper manøgønø, kwaayu Wää pwöthögø no ociek enø, nee jääk yi pwödhö mare ki jø tïïc.»

Luk 10:1

'Ba køør manøgø Kwäärö ajëëdö ki jiy ma pïërabïriiø møøk, ni jääŋ geni nyïme no oriewi oriewi, yïth mïëri ki kwöra dee ci yïthge bëët.

Luk 2:10

Ni kö nyïïatwiel maalli jïge, ni «Käru lwäyö, kiper a käla luubö mo nyään mo met jïïu, mano mïn yïth jiy bëët ki gø.

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Luk 8:1

'Ba na tïme na køør nïne mo nøk, Jecu aay ni caatha dï mïëri moa døøŋŋø ki moa therø, ni pöö, ni køpa luumma nyään na met kiper buc Jwøk. 'Ba bääge na näk apaar kurriiø nut ki eni,

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Moa Tïïc Nyïïatwieli 10:36

'Ba luumma jääŋ Jwøki baŋ jø Icriel ŋäyu, ni køpa luumma nyään na met mar bëët-mëër ki køør Jecu Krictø, ŋata näk Kwääc jiy bëët,

Moa Tïïc Nyïïatwieli 13:26

«Nyïïmera, u na wäät nyïïkwaac Eeberam, ki jøø ni en dïïu ni wø lwäär Jwøk yøø, beeye øøni na wëëk luum piem man.

Moa Tïïc Nyïïatwieli 22:21

«'Ba ena köö ki aani, ni ‹Tïŋŋï, kiper ïïno jääŋŋa kany mo bäär baŋ juurre.› »

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 1:15

Ni beeye ni tïm cwïnya ni caya gø døc ki man køba luumma nyään na met jïïu thuwø, u ni en yi Röm.

Wëëlö Mana Göör Pøølli Baŋ Jø Röm 15:20

Ni mana manynya ki cwïnya døøc, a manynya man køba luumma nyään na met kany mo nyeŋ Krictø poot kär wïnyö yie, kiper naa ba tïma naa läwa kar tïï ŋat mør.

Epeca 2:17

Ni ööe ni køp luum bëët-mëër jïïu, u na karu bäär, këël jï jøøa karge cään.

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

Epeca 6:15

ni jap luumma nyään na met mar bëët-mëër you røø tietu.

1 Piter 1:12

'Ba anyooth jïge, ni ge ba tïny dëëtge, 'ba ge tïnynya uuni kanya cäänge kar kanyaca, 'ba poot na luupögø na køp jøøa caan luumma nyään na met jïïu yïth nïne moi en, ki køør Jwïëc Jwøk na en kur keere na jääŋŋi ki maal, ni beeye gïïa many cwïny nyïïatwiet maalli nee tiet gïïögø neenge.