Wëëlö Mana Göör Pøølli Baŋ Jø Röm 1:9 - Wëël Jwøk

⁹ Kiper Jwøk beeye ni ŋäc mara, ŋat wø tïnynya ki cwïnya bäre ki ri luumma nyään na met mar Wääde, naa wø cøøra nyeŋŋu cooth ki yïth laam 'moa, naa ba kääŋi.

Wëëlö Mana Göör Pøølli Baŋ Jø Röm 1:9 Iomraidhean Croise

Jööp 16:19

'Ba ennø, lïŋi mara ena maal, ni bee eni ni wø ŋøl luumma.

Maak 1:1

Täk luumma nyään na met mar Jecu Krictø na näk O Jwøk,

Luk 18:1

'Ba kanyøgø, Jecu bääge acäänne ki luubö mo keda leer ni nyootha gø jïge ni ge doo lämö cooth, ni cwïnyge ba jøøm.

Moa Tïïc Nyïïatwieli 12:5

Kiper manøgønø Piter awii øt twöc. 'Ba jø acooŋ Jwøk, Jwøk akwaacge døøc kipere ki cwïnyge bäre.

Moa Tïïc Nyïïatwieli 19:21

'Ba ki køør gïïögø bëët, acaar Pøølli ki ri Jwïëc Jwøk na en kur keere, ni eni doo cøøa Jerucalem, ni cøra Macedönia ka Akeea, ni kööe, ni «Noo nø bëëda kaace, a cøøa kuna neena Röm thuwø.»

Moa Tïïc Nyïïatwieli 24:14

'Ba mano jïëa jïrï beeye ni a wø lämö ki Jwøk mar kwäcwa ki Jöör Lam man wø cwølge ni teeŋ lam mør, ni aano jïëy ki jammi bëët moa näk ocaanø ri ciik Jwøk ki moa näk ogöörö yïth weet nyïïkuk Jwøk.

Moa Tïïc Nyïïatwieli 27:23

Kiper yawïtïn kiree, nyïïatwiel maal mør mar Jwøk, ni näga dhaanhnhe en ni wø wøøra, acuŋŋö buuta.

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Wëëlö Mana Göör Pøølli Baŋ Jø Röm 9:1

'Ba a caana gïn ma adïëri ki nyeŋ Krictø, naa ba caan tööt, ni beeye gïn mo ŋääa ki cwïnya ki køør Jwïëc Jwøk na en kur keere,

2 Körin 1:23

'Ba acaara mara ŋäc Jwøki kiree, ki man näk mo gïna kääŋa ki ööny yi Körin, a kääŋi kaper nou ba cäänna ki dwøl mo teek.

2 Körin 11:31

'Ba Jwøk na näk Wää Kwäärö ma Jecu, ŋata näk opwøø na bäre bäre, ŋääe ki man näk maa ba caan tööt.

Galeecia 1:20

'Ba luup moi ni gööra baŋu ii, nyïm Jwøk, a ba caan tööt.

Epeca 6:18

Lämu cooth ki ri Jwïëc Jwøk, ki teeŋ laam bëët ki kwac. Kiper manøgønø, bëëdu ni nyeŋŋu you jabø ni dëëtu you gwøø, nou kwaaya Jwøk kiper jø Jwøk bëët,

Pilipay 1:3

'Ba Jwøa wø pwøa pwøø kany wø para gïru

Pilipay 1:4

ki yïth laam 'moa bëët, naa wø lämö cooth ni yia met.

Pilipay 2:22

'Ba beeny Timöthi ŋäyu, kaawat mana bëëde ni tïïö ki aani na aciel ri luumma nyään na met, ni eni bëëdö keda nyilaal mo ena buut wänni.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

1 Thecalönika 1:2

'Ba met ec wø dwøkwa dwøgø cooth jï Jwøk kiperu bëët, ni wa cara nyeŋŋu cooth yïth laam mowa.

1 Thecalönika 3:10

Ni wa lämö ki cwïnywa bäre ki yïth cääŋŋe ki wärre bëët, kiper nee wa cäŋwa røømmø ki uuni, nou kønywa ki gïno many ŋäädhe maru.

1 Thecalönika 5:17

Ni lämu cooth.

1 Timöthi 2:7

Ni beeye gïna jier aani kipere, naa tïma naa køpa luum Jwøk, ni näga nyïïatwiel, ni aana dïpööy jï juurre, ki man pwönynya geni ki ŋäädhe ka adïëri. 'Ba a caana adïëri, naa ba caan tööt.

2 Timöthi 1:3

Jwøk apwøa, eni na tïnynya ni cwïnya leer bäre, kaawat mana tïïc kwäya, kany wø caara gïrï cooth yïth laam 'moa.

Piliman 1:4

'Ba aani, Jwøa wø pwøa pwøø cooth, kany wø para gïrï ki yïth laam 'moa.

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.