Wëëlö Mana Göör Pøølli Baŋ Jø Röm 1:8 - Wëël Jwøk

⁸ 'Ba kawaane a pwøya Jwøa ki køør Jecu Krictø kiperu bëët, kiper gïr ŋäädhe maru akøp piny bäre.

Wëëlö Mana Göör Pøølli Baŋ Jø Röm 1:8 Iomraidhean Croise

Mathiew 24:14

'Ba luumma nyään na met mar buya käl maal okøp dï piny bäre nee gïre wïny wïth juurre bëët. Køøre aŋuun piny oööi.

Luk 2:1

'Ba yïth nïrögø da dwøl ma aöö ki baŋ Cidhar Agacta, ni jø mïëri bëët nyeŋge doo göörö.

Moa Tïïc Nyïïatwieli 11:28

'Ba dhaanhø aciel dïge mo cwøl ni Agaba aö maal ni køp gïna nyooth Jwïëc Jwøki jïre, ni piny bäre jïtö ki meel. 'Ba gïnögø täga ri nïr nyeya ma Kalødia.

Moa Tïïc Nyïïatwieli 28:22

'Ba ennø, wa manynya man wïnywa mano caanï. 'Ba luum jöör lam manøgø, ŋäcwa ni piny bäre wø cara gïï mo reyø kipere.»

Wëëlö Mana Göör Pøølli Baŋ Jø Röm 10:18

'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

Wëëlö Mana Göör Pøølli Baŋ Jø Röm 16:19

Teeŋ ka man bëët mwölli maru ni ŋäc jø bëëti ni mïn yia ki maru, a doo manynya man bëëdu thuwø ni wïthu leer ki man laaru gïno beer ŋäc, ni kuyu raay.

Wëëlö Mana Göör Pøølli Baŋ Jø Röm 6:17

'Ba pwøc en jï Jwøk kiper uuni na kwøŋ bëëtö na laaŋe mo raay, uuna tïmö nou leŋa pwöc ki cwïnynyu bäre, mana cïp jïïu,

1 Körin 1:4

Met yia wø dwøga baŋ Jwøk kiperu cooth, ki køør met yi Jwøk na cïbe jïïu ki ri Krictø Jecu,

2 Körin 2:14

'Ba pwøc en jï Jwøk, ni wø bwøth waani cooth ni dïïmwa jammi bëët ki nyeŋ Krictø, ni tïïc nyeŋ gø ni ŋäc yi piny bäre ki køørwa, ni caala gïn mo ŋwäänynye met.

Epeca 1:15

Kiper manøgø nø, na wïnynya gøøni ni Kwäärö ma Jecu you ŋäädhö møn, nou mëër ki jø Jwøk bëët,

Epeca 1:16

pwøc mara man pwøa Jwøk kiperu kära wiiø, naa lääŋŋa uuni ki yïth laam 'moa cooth,

Epeca 3:21

Ajiem en jïre ki ya acooŋ Jwøk ki ri Krictø Jecu ki yïth beenhnhe bëët këël na bäre bäre. Enøgønø.

Epeca 5:20

nou dwøga met ec jï Jwøk na näk Wuuö cooth ki yïth jammi bëët, ki nyeŋ Kwääyø ma Jecu Krictø.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Pilipay 1:3

'Ba Jwøa wø pwøa pwøø kany wø para gïru

Köløcia 1:3

Cooth Jwøk na näk Wää Kwääyø ma Jecu Krictø, wø pwøcwa pwøø kany wø lämwa kiperu.

1 Thecalönika 1:2

'Ba met ec wø dwøkwa dwøgø cooth jï Jwøk kiperu bëët, ni wa cara nyeŋŋu cooth yïth laam mowa.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

2 Thecalönika 1:3

'Ba nyïïmera, met ec marwa ba maarwa wec ki man dwøkwa gø jï Jwøk cooth kiperu, ni beeye mana beer ki man tïïcwa gø, kiper mana tïm ŋäädhe maru ni päl, ni ö mëërri maru mana mëërru ki røgu ni meet ree.

2 Timöthi 1:3

Jwøk apwøa, eni na tïnynya ni cwïnya leer bäre, kaawat mana tïïc kwäya, kany wø caara gïrï cooth yïth laam 'moa.

Piliman 1:4

'Ba aani, Jwøa wø pwøa pwøø cooth, kany wø para gïrï ki yïth laam 'moa.

Ibaru 13:15

Kiper manøgønø, beerra man cïpø ki pwøc na muuce cooth jï Jwøk ki ri Jecu, ni beege gïï wø ööi ki dhøgi mo wø jïëc nyeŋŋe.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.