Wëëlö Mana Göör Pøølli Baŋ Jø Röm 1:30 - Wëël Jwøk

³⁰ na dïkïth luup bäät jø møøk, na jø män ki Jwøk, na jø adhala, na jø koorrø, na jø atöör, na dïcwøny raay, na dïdhal luup mo jøøa nywøl geni,

Wëëlö Mana Göör Pøølli Baŋ Jø Röm 1:30 Iomraidhean Croise

1 Nyeye 20:11

'Ba aløk nyeny Icrielli ni kööe, ni «Caannu jïre, ni ‹Ŋat mo poot lwøra jap leny ba doo ŋwöö kaamar dhaanhø mo onø käädhö.› »

2 Luup Nyeye 19:2

'Ba Jiyu wär Anani, ŋat wø joot jammi ki køør man wø nyooth Jwøki jïre, aci wøk kuna røømge ki nyeya ma Jøcapat ni kööe jïgø, na «?Aŋø, ï kønya jøøa reyø ni mëërï ki jø wø män ki Wuuö Jwøk, niï käla wëëc Wuuö Jwøk bäätï keerï?

2 Luup Nyeye 25:19

'Ba ennø møn, ïïna köö ni jø Ëdöm anø böötï ni jït cwïnyï ka atöör. Ennø, bëëdï paarï. ?Aŋø ni manynyï gïn mo raac en, mo ïïni ki jiyï ma jø Juuda u thum ki gø?»

Dut Pwøc 52:1

Pwöc Leec Wïc 24:8

Ŋat wø cädö nee tïïe ki gïï mo reyø wø cwøl ni ŋat riek waŋ mo raac.

Pwöc Leec Wïc 25:23

Da jamø mo kwödö mo wø kännö ki køth, ni leep mo waya nyeŋ wø duua agääde.

Pwöc Leec Wïc 30:17

Ŋat mo waŋe ena dëër wänni ni buua gø, ni taak ciik mo menni, nyeŋŋe ogöön agääe wøk moa en ya agäm-kïte, ni cami ya cøre.

Pwöc Leec Wïc 8:36

'Ba ŋato ba joot aani raanynya dëëre keere, ni jø wø män ki aani bëët, mëër ka thøø.»

Luup Dïpööy 7:29

Ka adïëri møn, gïna jooda keere beeye en. Jwøk jiy acwääe ni cwïnyge waany, 'ba jiy atïmö ni ge manynya tïïe mo thööth mo riek waŋ.»

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Edhikiel 22:7

Jiy moï bäŋ wödö mo tïïcge kiper wëëe ki mëëe yi paayø; ge bëëdö ni wëëlle caarge caarø, ni ge tïïö ki gïï mo reyø dëët kïïe ki määr thuunhnhi.

Kwään Jiy 10:35

'Ba kany wø näk ma acanduk tïŋŋö, Modhe wø köö, «Wui Wuuö Jwøk, ö maal, ni wëëgï nyïïmännï keethø, ni tïïyï jø wø män ki ïïni nee bwøkge nyïmï.»

Mathiew 15:4

Kiper Jwøk aköö, ni ‹Wøør wäru ki meru.› Ni ‹Ŋato cäänö ki gïn mo raac dëër wänni wala menni wär eni 'näk.›

Mathiew 16:21

Ki mana täge kar kaace nø, Jecu atägö ki man cään bääge ni eni cøøa Jerucalem ni jwør gïï mo thööth ceŋ jaae ki kwääc laam ki dïpööye mo ciik Jwøk, ni nääi, ni cäŋi tïŋ maal ri dää nïne.

Luk 21:16

'Ba këël jøøa nywøl uuni, ki nyïïmëëgu, ki tuuŋu, ki nyïïawäätu, uuno kïthge ceŋ jø møøk, ni 'näkge møøk dïïu.

Jøøn 7:7

'Ba jø piny ba doo maara männö ki uuni, 'ba beeye aani na mänge ki gø, kiper na caana moa reyø na tïïcge.

Moa Tïïc Nyïïatwieli 5:36

Kiper nïr acääŋŋe Thuda ree athïïŋe ni døøc dëëre mo dwøŋ. Ni ö jiyi mo jïtö ki kar dïpe aŋween ni cige dëëre. 'Ba ena 'näk, ni ö jøøa cäädhö køøre ni keethge, ni tïm gïnöca ni bäŋgø.

Wëëlö Mana Göör Pøølli Baŋ Jø Röm 2:17

?'Ba ni näk riï iï cwølø ni ïïna ŋat Juuth, ni ïïno göök ri ciik Jwøk, niï töödö kiper Jwøk,

Wëëlö Mana Göör Pøølli Baŋ Jø Röm 2:23

?Ï ni wø töödö kiper ciik Jwøk, nyeŋ Jwøk diï raanynyø niï dhala ciik Jwøk?

Wëëlö Mana Göör Pøølli Baŋ Jø Röm 3:27

?Ni näk ma enøgønø, gïna døø töödö kipere, age eni? Bäŋgø. ?A køør ŋø? ?Køør tïïe? Patha eni. 'Ba beeye ki køør ŋäädhe.

2 Körin 10:15

Wa bäŋ wø töödö ka atöör mo okadhø ki køør öölö mar jø møøk. 'Ba ewa ŋäädhö ni kanyo døøŋ ŋäädhe maru, karwa opälli dïïu døc,

2 Körin 12:20

Kiper a lwäär ni kanymør no ööa, u cwäna cwänö ki bëëtö mo patha mana manynya, ni jootu aani naa cäänö ki dwøl mo ba manynyu. Ni kanymør kanyøca jïtö ki pïëm, ki keec, ki wëër, ki ŋäc røk, ki raany nyeŋ ŋat mør, ki waac nyeŋ, ka atöör, ki dïlweel.

Tiet Ciik 27:16

« ‹Acïëni oen bäät ŋato døøc wänni ki menni mo jööt.› «Køøre ojøl jiyi bëët, ni köge, ni ‹Kare!›

Tiet Ciik 7:10

'Ba kwöre wø coole coolø dëët jø wø män ki eni, ni put wïthge dïïr. Eni ba ruu ki man cool kwöre dëër ŋat wø män ki eni.

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

2 Timöthi 3:2

Kiper otïmö ni ŋati man nø mëër ka ree, ni jiy mëër ka jammi, ni ge töödö, ni ge koorrø, ni dhøkge ŋaam, ni wïthge teek ki jøøa nywøl geni, ni bäŋ met ec mo maarge dwøgø, ni luum Jwøk kucge.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

Jeemeth 3:5

Kaawat manøgønø, leep a thääŋ dëël mo thiinh, 'ba eni töödö ka gïï mo døøŋŋø. Neennu, paap bäre wø waaŋa maaci mo thiinh.

Jeemeth 4:16

'Ba maru atïmö na atöör ni bäŋ gïn mo ŋäyu. 'Ba teeŋ atöör manøgø bäre raac.

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.