Wëëlö Mana Göör Pøølli Baŋ Jø Röm 1:28 - Wëël Jwøk

²⁸ 'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

Wëëlö Mana Göör Pøølli Baŋ Jø Röm 1:28 Iomraidhean Croise

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

2 Camiel 22:27

Tac cwïny marï wø nyoothï nyoodhø jï jø wø bëëdö ni cwïnyge tar; 'ba ï wø bëëdö ni waŋï riek bäät jø wø bëëtö marge ba tiir.

Pwöc Leec Wïc 1:22

ni «?U na näk acaara maru thiinh, a këël kany mo nyïëdi nø noo bëëdu nou mëër ki bëët thïnh acaara? ?Naa këël kany mo nyïëdi nø noo bëët jø abuua ni yïthge met ka abuua, ni bëët jøøa wïthge känni ni ge kweeyø ki kwänynyö?

Pwöc Leec Wïc 1:29

kiper mana bëëtge ni ge män ki kwänynyö, ni kärge jöö man lwäärge Wuuö Jwøk ki gø jierø.

Pwöc Leec Wïc 1:7

Ki man lwäär Wuuö Jwøk beeye täk kwänynyö, 'ba jøøa wïthge känni, ge män ki leec wïc ki pwöc.

Pwöc Leec Wïc 17:16

?Aŋø, ŋat mo wïïe känni, ki man ŋeew leec wïc ki gwel moe, agïnaŋø ni kønye, ni eni wïïe bäŋ acaara?

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 6:30

'Ba geno cwøl na gwel-bïrö mo okwierø, kiper gena nø kwiera, a na Wuuö Jwøk.»

Jeremaya 9:6

'Ba ï na Jeremaya, kar bëëtö marï ena dï jø cwøk, ni geno kweer ki man ŋäcge aani ki køør cwøk moge.» Luummögø caana Wuuö Jwøki.

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Edhikiel 20:25

'Ba gena wëëga gwøk luup mo ba beyø, ki ciik mo ba cïpi ki kwøw jïge;

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Moa Tïïc Nyïïatwieli 17:23

Kiper kanya caadha dïïu ni neena lam maru, kar jëëdhi mør ajooda ki luubö mo ogöörö na ennønø dëëre, ni ‹Jï jwøk mo kuc.› Kiper manøgønø, gïna lammu ni kuyu beeye ni køba jïïu en.

Moa Tïïc Nyïïatwieli 17:32

'Ba kanyøgø na wïnyge luum duun wøk ki yi thøø, ena buu jø møøki. 'Ba møøk aköö, ni «Luummögø ocäŋwa wïnynyö baŋï.»

Wëëlö Mana Göör Pøølli Baŋ Jø Röm 1:18

Kiper wëëc Jwøk onyoodhø ni ööi ki maal dëët jø wø ba wøør Jwøk bëët ki rääö mar jiy na thiel adïëri piny ki køør rääö marge.

Wëëlö Mana Göör Pøølli Baŋ Jø Röm 1:21

Kiper geni këël na ŋäcge Jwøk, eni kärge wøørø kaawat mana dege Jwøk wøørø, ni met ec kärge dwøk baŋ gø. 'Ba gena rwäänyö ki mana dege caarø, ni tïm cwïnyge ni bäŋ gïn jootge këët.

Wëëlö Mana Göör Pøølli Baŋ Jø Röm 1:24

Kiper manøgønø, gena kwier Jwøki ni wii ge yïth gïïa reyø na näk cwïnyge onieŋ køørge, ki man tïïge ki gïï mo patha karge dëëtge yïthakicge keerge.

Wëëlö Mana Göör Pøølli Baŋ Jø Röm 1:26

Kiper manøgønø, gena wec Jwøki ki man bëëtge ni cwïnyge onieŋ ri gïï wø lää wïci ki ge. Ni ö määrge ni wiilge bëëtö mana dege bëëdö ki gø, ni tïïge ki gïï mo ba doo maara tïïc.

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

Epeca 5:4

Kär dee rääc dhøk dïïu, wala luum lal, wala waac mo reyø, gïï wø ba mïërö. 'Ba mana doo beerra eni beeye dwøk met ec jï Jwøk.

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

2 Timöthi 3:8

'Ba jøøgø ge wø kweer ka adïëri thuwø, kaamar Jeene ki Jambare na kwier luum Modhe, ni beeye jiy mo wïthge reyø, ni geno kweer ki jöör ŋäädhe.

Tayta 1:16

Ge wø köö ni Jwøk ŋäcge møn, 'ba ege kwierø ki køør jap wø tïïcge. Ge reyø døc, na jø adhala, ni ge ba rømi ki tïïc gïn mo beer, bäre bäre.

Piliman 1:8

Kiper manøgønø, doo løny jïra ki ri Krictø ki man köömma ïïni ki man tïïyï gïna diï tïïö.

2 Piter 3:5

Ni ge tïïya wïthge no owïl ki gïn en, ni maal nutö cøøn ki køør dwør Jwøk, ni piny käl wøk ka yïth pïï, ni bëëdö dï pïï.