Wëëlö Mana Göör Pøølli Baŋ Jø Röm 1:21 - Wëël Jwøk

²¹ Kiper geni këël na ŋäcge Jwøk, eni kärge wøørø kaawat mana dege Jwøk wøørø, ni met ec kärge dwøk baŋ gø. 'Ba gena rwäänyö ki mana dege caarø, ni tïm cwïnyge ni bäŋ gïn jootge këët.

Wëëlö Mana Göör Pøølli Baŋ Jø Röm 1:21 Iomraidhean Croise

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Wïlöölö 8:21

Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

1 Nyeye 20:23

'Ba jø kööre mo nyeny jø Aram aköö jï nyeya marge, ni «Juuk jø Icriel beege juuk bäät kïte; beeye tiere gø na böötge øøni en. 'Ba ennø, beerra man këëdø ki geni kany ma pwöla, nee ge böötø.

2 Nyeye 17:15

Ni kwierge ciik moe, ki luubö mana tuude ki kwäcge, ki luup moa cem geni ki ge. Ni tïmge ni ge caatha køør juu mo oballe jaak, ni tïmge ni bäŋ karge, ni caathge køør kööŋŋe mo wïth juurre møøk moa en deŋge, ni beege jøøa ö Wuuö Jwøki na kööm geni kiperge ni gïrge kär ŋwalge.

Luup Dïpööy 7:29

Ka adïëri møn, gïna jooda keere beeye en. Jwøk jiy acwääe ni cwïnyge waany, 'ba jiy atïmö ni ge manynya tïïe mo thööth mo riek waŋ.»

Aydheea 60:2

Ka adïëri møn, muudhö bäät piny aume, muudhö mo cøl ena bäät wïth juurre; 'ba Wuuö Jwøk ööa baŋï, ni ö ajiemmi mare ni nëëne bäätï.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

Jeremaya 2:5

Luumma caan Wuuö Jwøki beeye en, ena köö, na «?Agïnaŋø na raac na joot kwäyu baŋa, ni tïïcge karge ni bäär ki aani, ni putge cäädhö køør juu mo oballe jaak, ni tïmge ni bäŋ karge en?

Jeremaya 9:14

'ba ge caatha køør teek wïc marge, ni caathge køør juuga cøøri ni Baalli thuwø, na ö wëëkge na pwönyge geni ki ge.»

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Edhikiel 20:25

'Ba gena wëëga gwøk luup mo ba beyø, ki ciik mo ba cïpi ki kwøw jïge;

Odheea 2:8

Kiper kuue ki man näk mo bee aani ni wø mooc gø ki beel, ki køøŋø mo met, ki maaw, ni wø cïp gwet-bïrö ki warkey ni thööth jaak jïgø, jap wø kønyge dëëtge ki ge ki man jiiŋge jwøge man wø cwøl ni Baal.

Jøøn 3:19

'Ba gïna käl ajäla bäät jiy beeye en; kiper kanya ö tarri piny, jiy atïmö ni ge mëër ka muudhö ni kaala tar, kiper gïïa tïïcge reyø.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Wëëlö Mana Göör Pøølli Baŋ Jø Röm 1:19

Kiper gïna doo ŋääö kiper Jwøk, ege nø neen, kiper okwøŋ Jwøki nyooth jïge.

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

Wëëlö Mana Göör Pøølli Baŋ Jø Röm 11:10

Wär nyeŋge tïïc na cööye nee ba nëënge, ni kööm pëëtge na bäre bäre.»

Wëëlö Mana Göör Pøølli Baŋ Jø Röm 15:9

nee juurre tïmge ni ge jiema Jwøk kiper met yie. Kaawat mana gööri, ni «Ïïno pwøa dï juurre, ni kïtha nyeŋŋï ri dudi.»

Tiet Ciik 28:29

Uuno tïmö nou thäämmö ki dïcäŋ jaak, ni caala man wø thääm cwørri yi muudhö. Ni bäŋ gïn mo beer mo jootu ri jammi mo wø tïïyu bëët. 'Ba gïno jootu keere beeye caannø ki twier jammi mou cooth, ni tïme ni bäŋ ŋat køny uuni.

2 Timöthi 3:2

Kiper otïmö ni ŋati man nø mëër ka ree, ni jiy mëër ka jammi, ni ge töödö, ni ge koorrø, ni dhøkge ŋaam, ni wïthge teek ki jøøa nywøl geni, ni bäŋ met ec mo maarge dwøgø, ni luum Jwøk kucge.

1 Piter 1:18

Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

Mana Nyooth 14:7

Ni cäänne ki dwøl mo päl, ni «Lwäärru Jwøk ni jiemmu gø, kiper kany ŋøl luup yie apïï. Wøørru eni, eni na cwääc maal ki piny ki näpa døøŋŋø, ki kwöra tuul pïïyi ki yïthge.»

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»