Wëëlö Mana Göör Pøølli Baŋ Jø Röm 1:20 - Wëël Jwøk

²⁰ Kiper ki kanya cwääc piny këël kawaane, mo Jwøk na näk ba neen dhaanhe ki waŋe anëënö ni beyø ri gïïa näk ee cwääö, ni beeye teek mare na näk ba cuŋ, ki bëëtö mare ni ena Jwøk. Kiper manøgø nø, røkge ba maarge piem.

Wëëlö Mana Göör Pøølli Baŋ Jø Röm 1:20 Iomraidhean Croise

Wïlöölö 1:1

Wïlöölö Jwøk maal ki piny acwääe.

Wïlöölö 21:33

Køøre Eeberam apïïdhö ki jaath mo cwøl ni temïr Bëërcïïba, ni wøør nyeŋ Wuuö Jwøk kaace, na näk Jwø wø bëëdö na bäre bäre.

Jööp 12:7

«'Ba ennø, pëëny 'lääy niï pwönyge, ni pëënynyï wec maal nee caange jïrï,

Aydheea 26:4

Bëëdu nou ŋäätha Wuuö Jwøk na bäre bäre, kiper Wuuö Jwøk beeye kïn gwøk røk mo bëëdö na bäre bäre.

Aydheea 40:26

Lwïthu ni raŋŋu maal mø. ?Japøge bëët ocwääya ŋa? Bee eni ni wø bëëdö na wïc bäätge ni wø ŋäc kwäänge, ni ge cwøle cwølø bëët ni man nø cwøle ka nyeŋ gø. 'Ba kiper mana näk mo dööŋö mare ki teek mare opöödhö, bäŋ aciel dëët japøge mo rwäänyi.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 5:21

ni ‹Wïnynyu gïn, u na bøøre na wïthu bäŋ acaara, u na jïïu da nyeŋŋi, 'ba u ba nëënö; u na jïïu da ïdhi, 'ba u ba wïnyö.

Jeremaya 51:15

Beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Mathiew 5:45

kiper nou tïmu ni uuna wäät Wääu ni en maal. Kiper eni cäŋ mare wø wëëge tuulö bäät jøøa wïnni ki jøøa mwöl, ni jääŋ køth bäät jøøa beyø ki jøøa reyø.

Maak 10:6

'Ba ki kanya cak piny, Jwøk jiy ‹acwääe na thwønh ki maath.›

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 15:22

Onää a kär öö ni cääna ki geni, doo bäŋ ajäla bäätge. 'Ba kawaane bäŋ jöö mo bøthge ki gø ka ajäla kiper raacge.

Moa Tïïc Nyïïatwieli 17:29

'Ba kawaane kiper mana nägø nyïï Jwøk, ba døø caarø ni Jwøk caala warkey, wala gwel-bïrö, wala kïdi, na gïn wø tieŋ dhaanhe ni ee päärö ki gïn mo ee caarø ki wïïe ki køør riek waŋ mare.

Moa Tïïc Nyïïatwieli 22:1

«Nyïïmera ki wëëga, wïnynyu mara noo caana jïïu en.»

Wëëlö Mana Göör Pøølli Baŋ Jø Röm 1:19

Kiper gïna doo ŋääö kiper Jwøk, ege nø neen, kiper okwøŋ Jwøki nyooth jïge.

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

Wëëlö Mana Göör Pøølli Baŋ Jø Röm 2:1

Kiper manøgønø, ï na dhaanhø, këël mo ïïna ŋa cøøn, kany wø ŋølï luum dhaanhø mør piny, riï ba diï maara piem. Kiper kany wø ŋølï luum dhaanhø mør piny, ï jääla riï. Kiper ïïni ni wø ŋut piny, ï poot bëëdö niï tïïya gïïögø ki dëëtge.

Wëëlö Mana Göör Pøølli Baŋ Jø Röm 2:15

ni manøgø, ge nyootha gø ni moa caan ciik Jwøki ogöör cwïnyge, ni cwïnyge wø cara gø thuwø ni da ciik Jwøk.

1 Körin 1:20

?Age ŋata wïïe leer? ?Na age ŋata näk dïpööy mar ciik Jwøk? ?Age ŋata ŋäc pïëm ki luup yi pinyi en? ?Aŋø, Jwøk leec wïc mar jø piny käre tïïö na luum bøøl?

Tiet Ciik 33:27

Jwøk na nut cøøn beeye eni wø bëëdu ree ni wø gwøk uuni; ni bëëdö ni u ee jølø cooth ki ceŋŋe. Ni beeye eni na riem nyïïmännu wøk nyïmmu; ni caan gø jïïu kiper nee geni thööru.

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.

Köløcia 1:15

'Ba eni na Krictø röömi ka Jwøk na näk ba neen, ni beeye kaa dï jammi bëët moa cwääc.

Köløcia 2:9

Kiper bëët Jwøk bäre bëëdö dëër Krictø.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

Ibaru 11:27

Ni beeye ŋäädhe, na ö eni ni wec Ijep ni kär lwäyö ki wëëc nyeya. 'Ba cwïnye ee maa ni tïme keda neeta Jwøk ni wø ba maar neen.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.