Wëëlö Mana Göör Pøølli Baŋ Jø Röm 1:17 - Wëël Jwøk

¹⁷ Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 1:17 Iomraidhean Croise

Edhikiel 18:9

mo eni cäädhi ka køør luup 'moa ni ciik 'moa ee gwøø na kare, teeŋ ŋatøgø nø beeye dhaanhø mo bëëtö mare tiir; ka adïëri møn, eni bëëdö ni kwøw. Luummögø caana aani, a na Kwäärö Wuuö Jwøk.

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.

Kwään Jiy 21:9

Ni ö Modhe ni tïïe ki thwör jwïël ni lïër gø bäät jaath mo ocwöth piny; ni ö jøøa näk okaac thwöre bëët ni jïtge ki køny kanya neenge gø.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Wëëlö Mana Göör Pøølli Baŋ Jø Röm 10:3

'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Wëëlö Mana Göör Pøølli Baŋ Jø Röm 3:21

'Ba kawaane bëënynyö man wø cïp Jwøki onyoodhø ni ciik Jwøk tøør ree, ni beeye na cään ciik Jwøki ki mo nyïïkuk Jwøk kipere,

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 3:3

?Agïnaŋø nø, këël na tïm jø møøki dïge ni ba maar jïëy, bëëtö marge ni ge ba jïëy, Jwøk ni wø ŋääth dee tïïö ni ba ŋääth?

Wëëlö Mana Göör Pøølli Baŋ Jø Röm 9:30

?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe.

2 Körin 3:9

Kiper ni näk Ciik Modhe ni wø cïp ajäla ree da ajiem, ajiem tïïc man wø cïp bëënynyö doo dwøŋŋa eni.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 3:11

'Ba kawaane ajoot, ni bäŋ dhaanhø mo doo jïëö ni mare beer nyïm Jwøk ki køør ciik Jwøk. 'Ba «Ŋat wø jïëc ki køør ŋäädhe, kwøw.»

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

Ibaru 10:38

'Ba dhaanhnha mana beer, okwøw ki køør ŋäädhe, 'ba noo näk mo ree di kwalø, cwïnya ba many gø këët.»