Wëëlö Mana Göör Pøølli Baŋ Jø Röm 1:16 - Wëël Jwøk

¹⁶ Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 1:16 Iomraidhean Croise

Aydheea 53:1

?Aŋø, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?

Jeremaya 23:29

?Aŋø, a na Wuuö Jwøk, luumma ba caal maac, ni caal guduum man wø tøk kïdi na thäŋi?

Maak 8:38

'Ba ŋato wäro wïïe laay ki nyeŋŋa, ki luupa, dï beenhnhø man ni wø kwier luum Jwøk, na jø raay en, Wär Dhaanhø wïïe olaay ki gø thuwø, kanyo ööe ki nyïïatwiet maal moa en kur keerge ka ajiem wänni.»

Luk 9:26

'Ba ŋato wäro wïïe laay ki nyeŋŋa ki luupa, Wär Dhaanhø wïïe olaay ki gø kanyo ööe ka ajieme, ka ajiem Wuuö Jwøk, ka ajiem mar nyïïatwiet maal moa en kur keerge.

Jøøn 7:35

'Ba jø Juuth acäänö yïthakicge keerge, ni köge, ni «?Ŋati, a kanya ŋø cøøn noo ci yie, ni eni ba joodø en? ?Aŋø, eni manynya man ci baŋ jø Juuth moa näk okeethø dï jø Gïrïïk, nee jø Gïrïïk pwönynye?

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Wëëlö Mana Göör Pøølli Baŋ Jø Röm 10:17

Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.

Wëëlö Mana Göör Pøølli Baŋ Jø Röm 15:19

ki teek mar ŋïïce ki gïï mo rëëma ec, ki køør teek Jwïëc Jwøk na en kur keere. Ni køba luumma nyään na met mar Krictø dï paac bäre, ni tägi ka yi Jerucalem këël mana këët Ilirikam.

Wëëlö Mana Göör Pøølli Baŋ Jø Röm 15:29

Ni ŋääa ni kanyo pïïa buutu, päl gwïëth mar Krictø okäla.

Wëëlö Mana Göör Pøølli Baŋ Jø Röm 2:9

'Ba da gïï mo leth ki gïï mo reyø mo pïï dëët jiy bëët mo wø tïïc gïno raac. Ni tägi ka jø Juuth këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 4:11

Ena daŋ na ŋïï wala nyuudhi mar bëënynyö mana joode ki køør ŋäädhe kanya poode ni kär daŋø. Ni gïnögø tïïc kaper nee tïme na kwar jø wø jïëy ni ŋääthge bëët ni ge patha odaŋø, kiper nee ge jïëc Jwøki ni marge beer na enøgønø.

1 Körin 15:2

ni beeye mana piem uuni ki køøre, ni näk mo you maa ni teek. 'Ba ni näk ba magu ni teek, ŋäädhe maru tïmö ni bäŋ tiere.

1 Körin 2:2

Kiper yaa cooŋø ki cwïnya ni bäŋ gïn mo ŋääa dïïu, 'ba beeye Jecu Krictø keere, eni na 'näk bäät jaadha no odëëdö.

1 Körin 2:4

Ni dwøra na cääna ki gø, ki dwøl mana køba, kära caanø naa møøtha uuni ki luup mo riek waŋ, 'ba Jwïëc Jwøk ki teek ee nyoodhø,

1 Körin 9:12

?'Ba nee jø møga da kurge mo beer jïge ki man lwørge gø baŋu, ba kadha marwa? 'Ba këël na näk enønø, kurwa na doo beer jïwa ki man lwørwa gø baŋu awecwa, ni tïmwa ni wa jwøra gïïa leth, kiper nee bäŋe dïdëët mo kïthwa jöör luumma nyään na met mar Krictø.

1 Körin 9:18

?Mana beer nø na mëëk aani agïnaŋø? Mana beer na mëëk aani beeye ni kany wø køba luumma nyään na met, bäŋ jammi mo cwøla, ni ba pëënynya kura na doo beer jïra ki pëënynyö ri luumma nyään na met.

2 Körin 2:12

'Ba kanya cøøa Tarööa kuna køba luumma nyään na met mar Krictø, jööra atïmö ni ŋaam ki nyeŋ Wuuö.

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

2 Körin 9:13

Kiper tïïögø nyootha bëëtö maru, ki man näk mo uuno tïmö nou jiema Jwøk ki køør mana leŋŋu luumma nyään na met mar Krictø na jïëyu, ki man cïpu ki muuce mo thööth ki bäth ec kiperge ki jø møga bëët,

Galeecia 1:7

'Ba luummögø paa luumma nyään na met. 'Ba da jø møøk mo kiera wïthu, ni ge manynya man wiilge luum Krictø na nyään na met.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

1 Timöthi 1:11

kaawat pwöc mana en ri luumma nyään na met mar Jwøø ajiem na näk ogwïëdhö na wëëk aani.

2 Timöthi 1:12

Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

2 Timöthi 1:16

'Ba bäth-ec mar Wuuö en bäät po Onecipera, kiper aana kønye kwöre mo thööth. Ni wïïe kär lääö ko oguudi 'moa.

2 Timöthi 1:8

'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

Ibaru 4:12

Kiper luum Jwøk beeye gïn mo kwøw ni tïïö, ni betha eni ko opëëllö mo lage ariiø, ni cööbö këël man wø pääŋ kwøw ki jwïëy, ki mut ki maar cuu, ni ŋäya acaany cwïny ki mo wø many cwïnynyi.

1 Piter 4:16

'Ba ni näk da ŋat mo jwør gïï mo leth kiper mana näk ena dhaanh Krictø, kär wïïe lääö. 'Ba Jwøk wär jieme ki køør nyeŋŋøgø.