Wëëlö Mana Göör Pøølli Baŋ Jø Röm 1:14 - Wëël Jwøk

¹⁴ 'Ba aani, mana daa tïïö jï jøøa no okwänynyö ki jï jøøa näk kär kwänynyö, ki jï jøøa wïthge leer ki jøøa wïthge ba leer, bäŋ daa maara wec.

Wëëlö Mana Göör Pøølli Baŋ Jø Röm 1:14 Iomraidhean Croise

Pwöc Leec Wïc 1:22

ni «?U na näk acaara maru thiinh, a këël kany mo nyïëdi nø noo bëëdu nou mëër ki bëët thïnh acaara? ?Naa këël kany mo nyïëdi nø noo bëët jø abuua ni yïthge met ka abuua, ni bëët jøøa wïthge känni ni ge kweeyø ki kwänynyö?

Pwöc Leec Wïc 8:5

U na acaara maru thiinh, kwänynyu ki riek waŋ; ni u na wïthu känni, kwänynyu ki leec wïc.

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Luk 10:21

'Ba yi caannøca, Jecu yie amïnnö ki ri Jwïëc Jwøk na en kur keere, ni kööe, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar. Kiper beeye mana manynyï ki met yiï, Awuuö.

Moa Tïïc Nyïïatwieli 22:21

«'Ba ena köö ki aani, ni ‹Tïŋŋï, kiper ïïno jääŋŋa kany mo bäär baŋ juurre.› »

Moa Tïïc Nyïïatwieli 28:2

'Ba jøøa bëëdö kaace met ec mo dwøŋ døc anyoothge jïwa. Kiper waana ämge ki maac ni pänhge wa bëët, kiper køth atïmö ni pädhö ni piny da köö.

Moa Tïïc Nyïïatwieli 28:4

'Ba na ö jøøa en kaagø na neenge thwöl ni lïërö cere, gena cäänö keerge, ni köge, ni «Nyenøgø dïnääy møn. Këël na bødhe ki naam, kär wec Jwøki nee kwøe.»

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 1:22

'Ba na köge ni wïthge leer, gena tïmö na bøøre,

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 12:16

Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

Wëëlö Mana Göör Pøølli Baŋ Jø Röm 13:8

Kär dee pïïdö mar ŋat mør bäätu, 'ba tïme ni beeye mëër keere ki man mëërru ki røgu. Kiper ŋat wø mëër ki ŋat mør, ciik Jwøk ee thöörö.

Wëëlö Mana Göör Pøølli Baŋ Jø Röm 16:19

Teeŋ ka man bëët mwölli maru ni ŋäc jø bëëti ni mïn yia ki maru, a doo manynya man bëëdu thuwø ni wïthu leer ki man laaru gïno beer ŋäc, ni kuyu raay.

Wëëlö Mana Göör Pøølli Baŋ Jø Röm 8:12

Kiper manøgønø, nyïïmera, mana døø tïïö nø, ø ba doo bëën jap wø many dëëlli ki man bëëdø ni ø tïïya gïï wø cac dëëlli.

1 Körin 14:11

'Ba ni näk dhøøca kuua, a tïmö ni aana jur jï ŋata cäänö, ni tïm ŋatøca na jur ki jïra.

1 Körin 14:16

?Ni näk paa enøgønø, ni näk miï pwøya Jwøk ki jwïëyï, ŋat mo path okööe nidïï, ni «Enøgønø» ki køør met iï na dwøgï, ni gïïa carï kuue?

1 Körin 2:13

'Ba luupögø caanwa na luup mo ba pöö ka leec wïc mar dhaanhø, 'ba pöö Jwïëc Jwøk, ni wø nyooth moa näk adïëri na näk mo Jwøk jï jø wø en Jwïëc Jwøki cwïnyge.

1 Körin 3:18

Kär dee ŋat mo cøøk ree keere. 'Ba ni näk da dhaanhø dïïu mo dëëre ee caarø ni wïïe leer pinyi en, wär eni tïme kaamar bøøl, nee wïïe tïme ni leer na adïëri.

2 Körin 10:12

'Ba dëëtwa ba dewa päärö ki jø wø nyooth dëëtge, wala wa døøya dëëtwa mo röömi ki geni. 'Ba kany wø päänyge dëëtge ki ŋat mør ni päänyge dëëtge keerge, bäŋa gïn mo ŋäcge.

2 Körin 11:19

Kiper uuni, ïthu wø laaru ka cek jï bøøre, u ni wø ŋäc jammi bëët.

Köløcia 3:11

'Ba ki ri bëëtö manøgø, bäŋ ŋat mo jeeny ni ena ŋat Gïrïïk, wala ŋat Juuth, wala ŋat mo odaŋø, wala ŋat mo kär daŋø, wala jur, wala jøw mo otaaø, wala laŋŋø, wala ŋat mo bëëdö ka wïïe; 'ba Krictø ena wïth jøøgø bëët, ni en cwïnyge bëët.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.