Wëëlö Mana Göör Pøølli Baŋ Jø Röm 1:1 - Wëël Jwøk

¹ Aana Pøøl na laŋ Jecu Krictø ni göön baŋu ki wëëlö en. Ni aano cwølø naa tïma na nyïïatwiel, ni aano cïp kur keera kiper luumma nyään na met mar Jwøk,

Wëëlö Mana Göör Pøølli Baŋ Jø Röm 1:1 Iomraidhean Croise

1 Luup Nyeye 23:13

'Ba wäät Amram beege Aran ki Modhe. 'Ba Aran acïp kur keere kiper tïï jammi moa en kur keerge, ni bee eni ki wääte, ki nyïïkwaaye, nee gïn wø jïye ŋwääi ni met nee wø waaŋe nyïm Wuuö Jwøk, nee bëëde ni tïnynya Wuuö Jwøk, ni gwëëdhö ka nyeŋ gø na bäre bäre.

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Jeremaya 1:5

ni «Kanya poodï niï poot kära cwääö ec, ï yaa jierø; ni kanya poodï niï poot kär nywølø, ï yaa cïp kur keere na mara, ni tïïa ïïni na nyikuŋ Jwøk kiper tiet mïëri.»

Maak 1:14

'Ba kanya nø twöc Jøøn, Jecu aluuny ö yi Galili, ni køpa luum Jwøk na nyään na met.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 15:15

U ba cwøla ni uuna laaŋe këët. Kiper laŋŋø gïn wø tïïc kwääye kuue. 'Ba uuna cwøla ni uuna nyïïawääta, kiper jammi bëët moa wïnynya baŋ Wära anyoodha jïïu.

Jøøn 15:20

Kär wïthu wïl ki luumma caana jïïu, ni ‹Laŋŋø ba dwøŋŋa eni ki kwääye.› Ni näk maa ege caannø, uuno caange thuwø. 'Ba ni näk luumma ege gwøø, luummu ogwøkge thuwø.

Moa Tïïc Nyïïatwieli 13:9

'Ba Cøøl, ni wø cwøl ni Pøøl thuwø, na cwïnye päŋ ki Jwïëc Jwøk na en kur keere, jï ajwønnøgø aneene døøc,

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Moa Tïïc Nyïïatwieli 21:40

'Ba na nø jïëc gø nee cäänne, Pøøl acuŋŋö bäät thudhi ni tïŋ cere maal ni jooga jiy. 'Ba na nø lïŋge bëët, gena cäänne ki dhi Ibaru, ni kööe,

Moa Tïïc Nyïïatwieli 22:21

«'Ba ena köö ki aani, ni ‹Tïŋŋï, kiper ïïno jääŋŋa kany mo bäär baŋ juurre.› »

Moa Tïïc Nyïïatwieli 22:7

Ni pädha ni wïnynya dwøl mo cäänö ka aani, ni ‹?Cøøl, Cøøl, aŋø ni gëëmï ki aani en?›

Moa Tïïc Nyïïatwieli 26:1

Kanyøgø Agaripa aköö jï Pøøl, ni «Ïïna wec nø ki man caanï marï.» Køøre Pøøl cere atïŋ maal ni caan mare, ni kööe,

Moa Tïïc Nyïïatwieli 26:14

Ni putwa pädhö bëët, ni wïnynya dwøl ni cäänö ka aani ki dhi Ibaru, ni ‹?Cøøl, Cøøl, aŋø ni gëëmï ki aani en? Beeye gïn mo leth kiperï ki man cäpï gïï mo cööba ïïni.›

Moa Tïïc Nyïïatwieli 27:23

Kiper yawïtïn kiree, nyïïatwiel maal mør mar Jwøk, ni näga dhaanhnhe en ni wø wøøra, acuŋŋö buuta.

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 1:5

ŋata jïtwa ki met ec ki køøre ki twiel man tïïcwa jiy nee jïëcge ni ŋääthge, nee nyeŋŋe tïme ni wïnyö dï juurre bëët,

Wëëlö Mana Göör Pøølli Baŋ Jø Röm 1:9

Kiper Jwøk beeye ni ŋäc mara, ŋat wø tïnynya ki cwïnya bäre ki ri luumma nyään na met mar Wääde, naa wø cøøra nyeŋŋu cooth ki yïth laam 'moa, naa ba kääŋi.

Wëëlö Mana Göör Pøølli Baŋ Jø Röm 11:13

'Ba kawaane a cäänö ka uuni, u na juurre. Kiper mana näk aana nyïïatwiel jï juurre, tïïc mara wø jiema jiemø,

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:29

Ni ŋääa ni kanyo pïïa buutu, päl gwïëth mar Krictø okäla.

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

1 Körin 1:1

Aana Pøøl na cwøl nee tïme na nyïïatwiel mar Krictø Jecu ki køør mana many Jwøki, ki cöögø ma Cøtheni.

1 Körin 9:1

?Aŋø, a ba bëën dëëra? ?Aŋø, a patha nyïïatwiel? ?A Jecu na näk Kwääyø kära joodø? ?A uuni, u patha gïïa tïïa ki ri Wuuö?

2 Körin 1:1

Aana Pøøl na nyïïatwiel mar Krictø Jecu, ki køør mana many Jwøki, ki cöögø ma Timöthi. A göönna baŋ acooŋ Jwøk mana en yi Körin, ki jï jø Jwøk bëët moa en dï Akeea bäre.

2 Körin 11:5

Ki jïra, naa ba thiinh ki nyïïatwietøgø ni døøŋŋø yøø.

2 Körin 11:7

?Aŋø, aana bääyö nø, kiper mana dwøga dëëra cään nou cou nyïm, kanya køba luumma nyään na met mar Jwøk ni bäŋ gïn mo yaa cwølø baŋu?

2 Körin 12:11

Aani, aana tïmö keda aana bøøl, 'ba beeye uuni na wëëk aani tïïc gïnögø. Kiper doo naa beeye uuni na doo pwøc aani, kiper aani, kara ba thiinh ki nyïïatwietøgø no okadhø døc yøø, këël na kuc nyeŋŋa.

2 Körin 2:12

'Ba kanya cøøa Tarööa kuna køba luumma nyään na met mar Krictø, jööra atïmö ni ŋaam ki nyeŋ Wuuö.

2 Körin 4:5

Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.

Galeecia 1:1

Aana Pøøl na nyïïatwiel, ni twiel mara ba jooda baŋ jiy ni ba wïnynya baŋ dhaanhø, 'ba jooda baŋ Jecu Krictø, ki Jwøk na näk Wuuö, na tïŋ gø maal ki yi thøø.

Epeca 1:1

Aana Pøøl na nyïïatwiel mar Krictø Jecu ki køør mana many Jwøki. A määtha u na jø Jwøk ni wø ŋääth ki ri Krictø Jecu.

Epeca 1:13

Ni beeye ki køøre na ö uuni thuwø, u na wïny luumma näk adïëri, luumma nyään na met na jootu pïëm ree man piem uuni ki gø, ni jïëyu ni ŋääthu eni, ni mooc uuni ki ŋïï na näk Jwïëc Jwøk na en kur keere, na kwøŋ buuk.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

Tiet Ciik 10:8

'Ba kanya poode ni ge ena lak Kïn Körëp, kar kaaca Wuuö Jwøk jø tuuŋ Libay acïp kur keerge, kiper na acanduk man wø nyooth luumma tuut Wuuö Jwøki ki jiy nee bielge, nee cuŋge nyïm Wuuö Jwøk nee eni tïnyge, nee ge gwëëthge ki nyeŋŋe; ni putge bëëtö ni ge tïïya tïïögø këël dïcäŋi en.

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

Pilipay 2:11

Ni ö lëëpi bëët ni caange gø, ni Jecu Krictø beeye Kwäärö, ni jiemma Jwøk na näk Wuuö.

Köløcia 1:1

Aana Pøøl na nyïïatwiel mar Krictø Jecu ki køør mana many Jwøki, ki cöögø ma Timöthi.

Köløcia 1:25

Ni beeye na ööa na tïma ni aana ŋat tïï gø, kaawat mana wëëgi Jwøki aani kiperu, kiper nee luum Jwøk tïïa ni wïnyö ki pälle bäre,

1 Thecalönika 2:2

'Ba waani, këël na jwørwa gïï mo leth ni caan wa døc yi Pilipay, kaawat mana ŋäyu gø, cwïnywa amakwa ki ri Jwøk marwa ki man køpwa luumma nyään na met na näk mar Jwøk jïïu, ni waano mänö døc ki man caanwa gø.

1 Thecalönika 2:8

'Ba kiper mana mëërwa ki uuni døc, yïthwa met ki man nywaaø luumma nyään na met mar Jwøk ki uuni na aciel. Ni patha luum Jwøk keere, 'ba këël dëëtwa kiree, kiper uuna tïmö ni peru leth jïwa døc.

1 Thecalönika 2:9

Kiper wïthu kär wïl ki tïïc marwa na öölwa døc, nyïïmera. Waana tïïö ki wärre ki cääŋŋe bëët, kiper nou ba öölwa, kanya køpwa luumma nyään na met na näk mar Jwøk jïïu.

1 Timöthi 1:1

Aana Pøøl na nyïïatwiel mar Krictø Jecu ki køør mana ö Jwøki na kööm aani, eni na näk Pïëmi marø, ki Krictø Jecu, ŋata ŋäädhø kiper yi nyïm.

1 Timöthi 2:7

Ni beeye gïna jier aani kipere, naa tïma naa køpa luum Jwøk, ni näga nyïïatwiel, ni aana dïpööy jï juurre, ki man pwönynya geni ki ŋäädhe ka adïëri. 'Ba a caana adïëri, naa ba caan tööt.

2 Timöthi 1:11

Ni beeye luummögø na nyään na met na kwany aani kiper nee køba, ni aana nyïïatwiel ni näga dïpööy.

Tayta 1:1

Aana Pøøl na laŋ Jwøk ni näga nyïïatwiel mar Jecu Krictø, kiper nee ŋäädhe mar jøøa jier Jwøki nee cääth nyïm, ki moa dege ŋääö ra adïëri ni wø kïth jiy jöör Jwøk,

Ibaru 5:4

Kiper dhaanhø, dëëre ba røønye keere, 'ba eni wø cwøla Jwøki, kaamar Aran na cwøl.

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.

Jeemeth 1:1

Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 22:6

Ni köö nyïïatwiel maal jïra, ni «Luupi ii beege luup mo oŋäädhö ni näkge adïëri. Ni beeye Kwäärö Wuuö Jwøk na näk Jwø jwïëc nyïïkuk Jwøk na jääŋ nyïïatwiel maal mare kun nyuth laage gïïo laar tägö.»

Mana Nyooth 22:9

'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru na näk nyïïkuk Jwøk, ki jø wø gwøk luupögø ni en yi wëëlli en. Wøør Jwøk.»