Pilipay 4:9 - Wëël Jwøk

⁹ 'Ba tïïyu gïna kwanynyu, ki gïna jootu, ki gïna wïnynyu, ki gïna neennu baŋa. 'Ba Jwø wø cïp bëët-mëër, obëëdö ki uuni.

Pilipay 4:9 Iomraidhean Croise

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Mathiew 7:21

«Patha jiy bëët mo wø köö ki aani, ni ‹Kwäärö, Kwäärö,› noo døny yi buya käl maal, 'ba beeye ŋat wø tïïc mana many Wära ni en maal.

Luk 6:46

«?Aŋø ni wø cøøru aani, ni ‹Kwäärö, Kwäärö,› ni ba tïïyu gïï wø caana jïïu?

Luk 8:21

'Ba ena kö jïge, ni «Mera ki nyïïmera beege jø wø wïny luum Jwøk ni kïthge gø bäät tïïc.»

Jøøn 13:17

Ni näk mo gïïögø ŋäyu, uuno gwïëth kany wø tïïyu geni.

Jøøn 15:14

Uuna nyïïawääta ni näk mana caana jïïu tïïyu tïïö.

Jøøn 2:5

Ni kö menni jï jø tïïc, ni «Noo dee gïn mo caane jïïu, wär tïïyu.»

Moa Tïïc Nyïïatwieli 9:6

'Ba ö maal ni ciï pääny; gïno tïïyï ocaan jïrï.»

Wëëlö Mana Göör Pøølli Baŋ Jø Röm 15:33

Jwøk ni wø cïp bëët-mëër bëëde ki uuni bëët. Enøgønø.

Wëëlö Mana Göör Pøølli Baŋ Jø Röm 16:20

'Ba Jwøk ni wø cïp bëët-mëër, Ceethan olaar ŋiith tietu. Met ec mar Kwääyø ma Jecu Krictø bëëde bäätu.

1 Körin 10:31

Kiper manøgønø, ni näk mou cämö wala u mädhö, wala gïn wäro tïïyu jaak, wäru tïïyu bëët nou jiema Jwøk.

1 Körin 14:33

Kiper Jwøk paa Jwø wø kier wïc, 'ba beeye Jwø bëët-mëër.

1 Körin 4:16

Kiper manøgønø, a köömma uuni ki man ŋwaallu mara.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

Tiet Ciik 5:1

Køøre Modhe jø Icriel bëët acwøle, ni kööe, «U na jø Icriel, cegu ïthu ni wïnynyu ciik ki luup ŋøl moo caana jïïu dïcäŋi en. Pwönynyu rou ki geni, ni gwøgu geni døc, ni kïthu geni bäät tïïc.

Pilipay 3:17

Nyïïmera, ŋwaallu mara, u bëët. Ni neetu jø wø bëëdö ki teeŋ bëëtö mana jootu baŋwa.

Pilipay 4:7

'Ba leec cwïny man wø cïp Jwøki, na näk ba løny ki par, cwïnynyu ogwøe ka acaayu ki ri Krictø Jecu.

1 Thecalönika 1:6

Ni tïmu nou ŋwaala marwa ki mar Wuuö, ni jïëyu luummögø yïth gïïa leth døc, ni yïthu met ki met ec mana cïp Jwïëc Jwøki na en kur keere.

1 Thecalönika 2:14

Kiper uuni, nyïïmera, uuna tïmö ni maru röömi ki mo acook Jwøk moa en yi Judia ki nyeŋ Krictø Jecu. Kiper gïïa jwørru baŋ jø pou aciel ki moa jwørge baŋ jø Juuth,

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

2 Thecalönika 3:4

Kiper Wuuö ewa ŋäädhö døc kiperu, nou tïïya mo wø caanwa jïïu, ni uuno put bëëtö nou tïïya ge.

2 Timöthi 4:22

'Ba Wuuö bëëde cwïnyï, ni bëët met eci bäätu.

Jeemeth 1:22

'Ba bëëdu ni uuna jø wø tïïc luum Jwøk, ni ba tïmu nou wïnynya luubö keere nou cøøga dëëtu.

2 Piter 1:10

Kiper manøgønø, nyïïmera, putu cwïnynyu cïp ri cwödö mana cwøl uuni ki gø ki mana jier u, nee tïme na adïëri. Kiper ni näk gïnögø tïïyu tïïö, u ba maara pädhö.

1 Jøøn 3:22

ni gïn wäro pëënynyø joodø joodø baŋe, kiper man bëëdø ni ø gwøga gïïa ceme, ni ø tïïya gïï wø met yie ki ge.