Pilipay 4:7 - Wëël Jwøk

⁷ 'Ba leec cwïny man wø cïp Jwøki, na näk ba løny ki par, cwïnynyu ogwøe ka acaayu ki ri Krictø Jecu.

Pilipay 4:7 Iomraidhean Croise

Neemiya 8:10

Ni kö Neemiya jïge, ni «Uuni, cou ni cammu cam mana met døc, ni maathu køøŋø mana met døc, ni cïpu thäkge møøk jï jøøa näk bäŋgø jïge mo ege jiiŋŋø; kiper dïcäŋ man en atïmö ni ena kur keere na mar Wuuö Jwøk ma Kwäärö marø. Uuni, käru kïmmö, kiper met ec mar Wuuö Jwøk beeye teek maru.»

Jööp 22:21

«'Ba ïïni, beerra man dwätï ki Jwøk, ni tïïyï bëët mëër ki gø, 'ba noo tïïyï gïnögø, ïïno jïtï ki bëëtö mo beer.

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Pwöc Leec Wïc 2:11

Ŋäc gïn mo beer ki gïn mo raac ïïno koore, ni ö ŋäc tiet luupi ni gwøkge ïïni,

Pwöc Leec Wïc 4:6

Kär leec wïc weyï, eni, ï gwøe gwøø; bëëdï niï mëër ki gø, eni, ï koore koorø.

Pwöc Leec Wïc 6:22

Kany wø cäädhï, ï bwøthge bwødhø; kany wø butï, ï koorge koorø, ni kany wø päyï, ï pwönyge pwönynyö.

Aydheea 26:12

Wui Wuuö Jwøk, bëët-mëër wø cïpa ïïni jïwa; ni tïïe mowa bëët thur karge ka køør køny marï man wø tïïyï jïwa.

Aydheea 26:3

Wui Wuuö Jwøk, ŋat wø bëëdö ni cwïnye ee maa dëërï, mooyï mooø ki jwöm ki yi cwïnye, kiper eni bëëdö ni ŋäätha ïïni.

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 48:22

Wuuö Jwøk aköö, ni «Bëët-mëër bäŋgø jï jø raay.»

Jeremaya 32:16

'Ba kanya nø cïba wëël ŋïëw jï Baruk o Neriya, aana lämö jï Wuuö Jwøk, ni kööa,

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Kwään Jiy 6:26

Wuuö Jwøk jïïu oraŋi ni täärnyïme leer, ni cïp bëët-mëër jïïu.›

Luk 1:79

nee tar cïbe jï jø wø bëëdö yi muudhö, ni bëëdö dhi thøø, ni bwøth øøni ki waŋjöör bëët-mëër.»

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 8:6

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Epeca 3:19

nee mëëc Krictø putu ŋäc, mëëya näk ba løny ki man ŋääi bäre, nee cwïnynyu pääŋe ki beeny Jwøk bäre.

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

Pilipay 1:2

Met ec bëëde bäätu, ki bëët-mëër man wø ööi ki baŋ Jwøk na näk Wääø ki Kwäärö ma Jecu Krictø.

Pilipay 4:19

'Ba Jwøa uuno kønye ki gïïo manynyu bëët, kaawat mana näk eno kwär ka ajiem ki ri Krictø Jecu.

Pilipay 4:21

Määthu jø Jwøk bëët ki ri Krictø Jecu. Uuna määth nyïïmëëe moi ni en buuta ii.

Pilipay 4:9

'Ba tïïyu gïna kwanynyu, ki gïna jootu, ki gïna wïnynyu, ki gïna neennu baŋa. 'Ba Jwø wø cïp bëët-mëër, obëëdö ki uuni.

Köløcia 3:15

Ni wëëgu leec cwïny mar Krictø bwøth uuni ki yïth cwïnynyu, ni beeye gïna cwøl uuni kipere møn, na tïmu na dëël aciel. Ni dwøgu met ec jï Jwøk.

2 Thecalönika 3:16

'Ba kawaane Kwäärö ki dëëre ni wø cïp bëët-mëër, uuno wëëk bëët-mëër cooth ki yïth jammi bëët. 'Ba Kwäärö bëëde ki uuni bëët.

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Mana Nyooth 1:4

Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»