Pilipay 4:3 - Wëël Jwøk

³ Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

Pilipay 4:3 Iomraidhean Croise

Bwøth Wøk 32:32

'Ba ennø, ni näk løny, beerra man wëënnï bääyö marge; 'ba ni näk mo ba løny, akwaya ïïni nee nyeŋŋa raanynyï yi wëëlö mana näk nyeŋ jiyï iï göör yie.»

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Edhikiel 13:9

Aani cera tïŋa maal bäät jø wø tïïc rege na nyïïkuk Jwøk ni jääla geni, jø wø cäänö ki luup tööt ni da gïï mo onyoodhø jïge, ni marge adïëda jaak. Geni, ge tïïa tïïö ni bäŋ karge yïthakic jaae 'moa, ni ba göör nyeŋge piny yi wëël nyeŋ mar jø dhi øt Icriel, ni ba døøge yi ŋööm Icriel na bäre bäre. Køøre nø, ŋäyu ŋääö ni beeye aani na Kwäärö Wuuö Jwøk.

Daniel 12:1

«'Ba noo tïme na kar kaace, Mikaël, eni na nyïïatwiel maal mana dwøŋ ni wø koor jø pou ma jø Icriel, dëëre di thïïŋö. 'Ba kar kaace tïmö na kar jwør gïï mo leth, na gïï mo poot kär kwøŋ tägö cøøn ki mana täge ki kanya täk wï jur këël kar kaace. 'Ba kar kaace jø pou moo nyeŋge joot no ogöör piny yi wëëlö, ge di piemø.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Wëëlö Mana Göör Pøølli Baŋ Jø Röm 16:12

Määthu Taripana ki Taripöca, määra tïïö døc ki nyeŋ Wuuö. Ni määthu omëëya ma Perca, ŋata tïïö ki tïïc mo teek ki nyeŋ Wuuö.

Wëëlö Mana Göör Pøølli Baŋ Jø Röm 16:9

Määthu Urbana ŋat wø tïïö ki øøni na aciel ri Krictø, ko omëëya ma Tayka.

Pilipay 1:12

Nyïïmera, a manynya uuni man ŋäyu gø ni gïna tägö dëëra atïmö møn ni tïïya luumma nyään na met ni nyaai.

Pilipay 1:16

'Ba jø wø køp gïr Krictø ni cwïnyge leer wø tïïcge ka mëër, ni ŋäcge ni aano kïth kany kiper luumma nyään na met ni wø caana.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Pilipay 1:5

Ni met ec mara wø dwøga dwøgø kiper na dwätu ki aani ri luumma nyään na met, ki mana täge ki dïcäŋa wïnynyu gø yie, këël kawaane en.

Pilipay 1:7

Wøp jïra ki mana caara gïnögø kiperu bëët. Kiper gïru ena cwïnya u bëët, kaawat mana dwätu ki aani ri met yi Jwøk, këël ki yi twöc mara, ki piem luumma nyään na met nee cuŋŋe ni teek.

Pilipay 4:2

A kwaya ï na Yudia, naa kwaya ï na Cintike, ki man dwallu cwïnynyu ki ri Wuuö.

Köløcia 1:7

kaawat mana kwanynyu gø baŋ Epapara, omëëcwa, na laŋŋø ki waani na aciel. Ena ŋat tïïc mo oŋäädhö mar Krictø mo kønya waani,

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 17:8

Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.