Pilipay 4:1 - Wëël Jwøk

¹ Kiper manøgø, nyïïmera, u na mëëra ki uuni, ni cwïnya lääŋŋa uuni, u na tïïc yia ni met, na gïr ajiem jïra, cuŋŋu nou teek ki ri Wuuö, u no omëëya.

Pilipay 4:1 Iomraidhean Croise

Jööp 31:36

Ka adïëri møn, daa käärö ki göönna, ni kïtha gø wïïa kaamar aduda.

Dut Pwøc 125:1

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Jøøn 8:31

Kanyøgø nø Jecu aköö jï jø Juuth moa näk ojïëy ki eni ni ŋääthge gø, ni «Ni näk mo pwöc 'moa wø kïthu bäät tïïc cooth, uuna bääga møn.

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 2:42

Ni cïpge cwïnyge køør pwöc nyïïatwieli ni dwalge cwïnyge na aciel, ni møø wø pøtge pøtø, ni lämge.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

1 Körin 15:58

Kiper manøgønø, nyïïmera ni nägu omëëya, bëëdu karu nou ba dääŋi, nou tïïya tïï Wuuö cooth, ni ŋäyu ni öölö maru kiper Wuuö ba aay jaak.

1 Körin 16:13

Kuru, ni cuŋŋu nou teek ri ŋäädhe maru. Magu cwïnynyu nou teek.

2 Körin 1:14

keda mana kwøŋu gø kwany ki mo thiinh, kiper nou töödu kiperwa kaawat mano töötwa kiperu dïcäŋo näk cäŋ Kwäärö ma Jecu.

Galeecia 5:1

'Ba øøna pät Krictø, nee ø bëëdö ni øøno pädö. Kiper manøgønø, cuŋŋu nou teek. Ni ba cäŋu jïëy ki bëët laŋ ni caal twöc.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Pilipay 1:8

Kiper Jwøk beeye ni ŋäc mara, naa lääŋŋa uuni døc ki mëër mana en jï Krictø Jecu.

Pilipay 2:16

ni luubö mana en kwøwi ree you maa cwïnynyu, kiper naa tïma naa töödö dïcäŋo näk cäŋ Krictø, ki man näk mo ŋwïëy mara kära ŋwieø jaak, wala raa kära öölö jaak.

Pilipay 2:26

Kiper ena tïmö ni lääŋŋa uuni bëët, ni cwïnye opädhö kiper mana wïnynyu gø ni eni tuu.

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

1 Thecalönika 3:13

Kiper manøgønø nee cwïnynyu tïïe ni ba jøøŋŋi ni ena kur keerge nyïm Jwøø na näk Wääø, yi cäŋo ö Kwääyø ma Jecu ki jiye bëët.

2 Thecalönika 2:15

Kiper manøgø, nyïïmera, cuŋŋu nou teek, nou ŋäya luup moa pwönywa uuni ki ge, kaawat mana wïnynyu dhøkwa, wala moa jootu yi wëëlö.

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

Ibaru 10:23

Beerra man putø ŋäädhe marø mar yi nyïm mana jïëø ki gøøni maa cwïnynyø ni ø ba dääŋi. Kiper wää buuki dwøre ba dak.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 4:14

'Ba na tïme nø, ni jïïø da Kwääy Lam Mana Dwøŋŋa eni, ŋata pöödhö ki dï pøøl na døø maal, ni beeye Jecu, O Jwøk, beerra man putø mana jïëø ki gøøni maa cwïnynyø.

2 Piter 3:17

Kiper manøgønø, omëëya, na tïme ni gïn ŋäyu kany poode en, gwøgu røgu, kiper nee wïthu ba maaŋ cwøk jø wø bääö, ni tïmu nou dääŋö.