Pilipay 3:9 - Wëël Jwøk

⁹ kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

Pilipay 3:9 Iomraidhean Croise

Wïlöölö 7:23

Ni ö Jwøki ni raany gïïa kwøw bëët bäät piny, ki mana täge ri dhaanhø, këël mana këët ri lääy ki gïï wø muuli ki wec maal; gïïögø bëët araanynyi bäät piny. Ni ö Nöa keere ni dööŋe, ki jøøa en buute yi jääy.

1 Nyeye 8:46

«'Ba kany wø bääcge dëërï, kiper mana näk mo bäŋ dhaanhø cøøn mo ba bääyi, ni wëërï ki geni ni cïbï geni ceŋ nyïïmän, ni ö geni ni magi ya nyïïmänni ki tøŋ ni kïthge geni yïth ŋøøpge, kany mo bäär wala kany mo cään,

2 Luup Nyeye 32:25

'Ba Edhekaya bäŋ pwøc mo ee dwøgø jï Wuuö Jwøk na kar gïna beer na joode, kiper cwïnye ajïtö ka atöör. Kiper manøgønø, wëëc Jwøk aö bääte ki bäät jø Juuda ki jø Jerucalem.

2 Luup Nyeye 32:31

'Ba këël kanya ö jiyi ki røk kwääri mo Babiløn, na jääŋŋi baŋe ni pëënynya eni ki ŋïï mana rëëm ec na tägö yi ŋöömö mare, ena wec Jwøki keere ni Jwøk päänynya eni kiper nee luup moa en cwïnye bëët nee ŋäc Jwøki.

Luup Dïpööy 7:20

Ka adïëri møn, bäŋ dhaanhø mo mare adïëri bäät piny kany, mo bëëdö ni tïïya gïn mo beer cooth, ni ba bääyi.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 53:6

Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Mathiew 9:13

Cou ni kwanynyu tier gïna caan Jwøki na kööe, na ‹A manynya mëër, ni kaala olämme.› Kiper a ba ööi naa cwøla jøøa beyø, 'ba a öönynya jø raay.»

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 10:10

Kiper dhaanhø wø jïëy ka cwïnye ni läwi jïëc ni mare beer. Ni caan mare ki dhee, ni läwi piem.

Wëëlö Mana Göör Pøølli Baŋ Jø Röm 16:7

Määthu Andarönika ki Junia na näk jø powa, jøøa ena øt twöc ki geni. Gena jiy mo nyeŋge lïëŋ dï nyïïatwieli, ni ge ena ri Krictø naa poodi.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

2 Körin 5:17

Kiper manøgønø, ni näk mo dhaanhø ena dëër Krictø, eno cwääö ni nyään. Ni ö bëëtö mana näk oruuö ni aae, ni tïm jammi bëët ni nyärö.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 2:16

ŋäcwa ni dhaanhø ba jïëc Jwøki ni mare beer ki køør tïïe moa en ri ciik Jwøk, 'ba beeye ki køør ŋäädhe ni en ri Jecu Krictø. Këël waani, waana jïëy ni ŋääthwa Krictø Jecu, kiper nee wa jïëc ni marwa beer ki køør ŋäädhe ni en ri Krictø, ni paa ki køør tïïe moa en ri ciik Jwøk. Kiper bäŋ dhaanhø mo jïëc ni mare beer ki køør tïïe moa en ri ciik Jwøk.

Tiet Ciik 27:26

« ‹Acïëni oen bäät ŋato ba wëëk ciik moi thur karge ki køør mano ba kïth ge bäät tïïc.› «Køøre ojøl jiyi bëët, ni köge, ni ‹Kare!›

Pilipay 3:6

Nee kiper tïïc mana tïïa ki cwïnya bäre, aana gëëmö ka acooŋ Jwøk. 'Ba ni näk mo beeye kiper bëënynyö man wø en køør Ciik Jwøk, bäŋ ajäla dëëra.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

Tayta 3:5

øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

Ibaru 6:18

Kiper nee øøni na reŋ kar køny nee cwïnynyø cømø døc ki man maaø ŋäädhe mar yi nyïm mana møør nyïmmø, ki køør gïïögø na ariiø yøø na näk ba maar daaø, gïïa näk ba løny jï Jwøk ki man caan luup mo patha adïëri rege.

Jeemeth 3:2

Kiper ø bëët, ø wø bääö ki gïï mo thööth. 'Ba nee da dhaanhø mo ba bääyi ri gïï wø care, ena dhaanhø mo bäŋ gïn mo gwäyi jïre, ni maara lønyø jïre ki man män dëëre bäre ki raay thuwø.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

1 Jøøn 3:4

Jiy bëët mo wø bääö wø dhala ciik Jwøk. Kiper bääyö beeye dhal ciik Jwøk.