Pilipay 3:8 - Wëël Jwøk

⁸ Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

Pilipay 3:8 Iomraidhean Croise

1 Nyeye 14:10

« ‹'Ba kiper manøgønø, ka adïëri møn, aani, a känna bäät jø dhi ødï, ï na Jeröbäm, ki gïn mo leth, ni nääa cwøw bëët moa käl dhi ødï moa en dï Icriel, këël laaŋe, ni jwiea jø dhi ødï wøk, kaawat man wø ö dhaanhe wø jwieø juu wøk, këël man wø thumge wøk bëët.

2 Nyeye 9:37

ni ö rïŋ dëër Jedhebelli ni tïme kaamar wär mo oleeŋ piny yi ŋööm Jedhriel, ni put tïmö ni bäŋ ŋat mo ŋec gø ni man beeye Jedhebel.› »

Jööp 20:7

eni ränynyö na bäre bäre kaamar laac-døøŋŋø mare. Køøre jiy moa wara ŋäc gø ge pëëö, ni ‹Nyeni en kaa?›

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Milkiya 2:3

Neennu, nyïïu jääla jäälö, ni wëëga täärnyïmmu rwøth ki weenynye mo lääy moa cïp no olämme, ni put uuni wetø ki gø na aciel bëët.

Kwään Jiy 14:30

bäŋ dhaanhø aciel dëëtu mo ö yi ŋöömma kööŋa kipere nou bëëdu yie; 'ba beeye Kalëp o Jöpöni ki Jøcua o Nun keerge noo ci yie.

Luk 1:43

?Aŋø, gïn owëëk aani nidïï, ki man ö mii Kwääya na dee ö baŋa?

Luk 11:20

'Ba ni näk cer Jwøk beeye wø riema anäge wøk ki gø, beeye buc Jwøk na ö bäätu.

Jøøn 14:20

'Ba dïcäŋöca oŋäyu naa ena ri Wära, ni enu raa, ni ena røgu.

Jøøn 14:7

Onää a ŋäyu, Wära dou ŋääö thuwø. 'Ba køør man ennø, tïme ni ŋäyu, ni you nø neen.»

Jøøn 16:3

'Ba gïnögø otïïcge kiper na kucge Wuuö ki aani bëët.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 20:13

Ni köge jïre, ni «?Nyijøøe, agïnaŋø ni jwøgï?» Ni løgi ya dhaaŋŋøgø jïge, na «A jwöŋi kaper dëër Kwääya na kälge, ni kanya kïthge gø yie kuua.»

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Wëëlö Mana Göör Pøølli Baŋ Jø Röm 8:18

Kiper yaa caarø ni gïï leth ni nut ii ba doo rømø ki man pääri ka ajiem mano nyooth jïïø.

Wëëlö Mana Göör Pøølli Baŋ Jø Röm 8:39

wala gïï mo ena maal, wala gïï mo ena piny tiet ŋøøm, wala gïn mør jaak dëët moa näk ocwääö bëët, bäŋ gïrpiny aciel dïge mo doo maara lønyø jïre ki man pää øøni ki mëëc Jwøk ni en dëër Krictø Jecu na näk Kwääyø.

1 Körin 2:2

Kiper yaa cooŋø ki cwïnya ni bäŋ gïn mo ŋääa dïïu, 'ba beeye Jecu Krictø keere, eni na 'näk bäät jaadha no odëëdö.

1 Körin 9:10

?Luummögø ba caane kaperø kiree? Ogöörö kiperø møn, ni ŋat wø purö, doo purö ni ee ŋäädhö, ni ö ŋat wø dïn beel, ni dïne ni ee ŋäädhö ni eni jïtö ki kure.

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Galeecia 1:16

kanya tïm yie ni met ki man nyooth Wääde jïra, nee gïre køba jï juurre bëët, bäŋ ŋat mo yaa pëënynyö ka acaara.

Epeca 4:13

këël mano dwätø karøbëët na aciel ki ri ŋäädhe ki ŋäc man ŋääø O Jwøk, ni døøŋŋø, ni thurø karø kaamar Krictø ni wø näk othur kare,

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;

Pilipay 3:12

Naa ba caan gø ni moøgø bëët onø ö jïra, wala aano nø thur kara. 'Ba dëëra yaa maa, nee tïïa na mara, kiper Krictø Jecu aana nø tïïe na mare.

Pilipay 3:7

'Ba aani, gïïögø bëët na wara beyø jïra ataa kiper nyeŋ Krictø.

2 Timöthi 4:6

Kiper kara acäännö ki man tïïc aani no olämi, ni kar tïŋŋö mara anø cäännö.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

1 Piter 2:7

'Ba ki jïïu, u no ojïëy ni ŋäädhu, pere letha jïïu. 'Ba ki jï jøø ni kär jïëy yøø, «Beeye kïnnögø ki dëëre na kwier dïgëëte, na tïmö ni beeye pïëmi mar gøøt,»

2 Piter 1:2

Met ec ki bëët-mëër bëëde ni päl bäätu ki man ŋäyu Jwøk døøc, ki Jecu na näk Kwääyø.

2 Piter 1:3

'Ba teege na näk teek Jwøk, jap kwøw bëët ki jap bëët jöör Jwøk awëëk øøni ki køør mana ŋääø eni, ŋata cwøl øøni ya ajieme ki beenynye.

2 Piter 1:8

'Ba ni näk gïïögø mou, ni cwïnynyu päŋ ki ge, ge tïïya uuni nou ba jägö nou patha jiy mo bäŋ gïn mo ege duuö, nou ŋäya Kwääyø ma Jecu Krictø.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.

1 Jøøn 1:3

'Ba gïna neenwa na wïnywa, wa køpa gø jïïu thuwø, kiper nou dwätu ki waani na aciel. 'Ba dwätö marwa, wa dwäti ka Wuuö ki Wääde ma Jecu Krictø.

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.