Pilipay 3:6 - Wëël Jwøk

⁶ Nee kiper tïïc mana tïïa ki cwïnya bäre, aana gëëmö ka acooŋ Jwøk. 'Ba ni näk mo beeye kiper bëënynyö man wø en køør Ciik Jwøk, bäŋ ajäla dëëra.

Pilipay 3:6 Iomraidhean Croise

2 Camiel 21:2

'Ba jø Gibien ge paa jø Icriel; gena jø Amör moa no odööŋ ni kwøw. 'Ba kar kaace, jø Icriel geno tudö ki luubö ki jø Gibien nee jø Gibien ba 'näkge. 'Ba Cøøl apääre ki man dïïr wïthge ki køør këëny mana en cwïnye ki geni, ni ge näänne jø Icriel ki jø tuuŋ Juuda.

2 Nyeye 10:16

Ni kö Jiyu, ni «Øøni ø aay na aciel nee gïno tïïa ki cwïnya bäre kiper Wuuö Jwøk nee neenï.» Køøre ena put aay ki eni na aciel ki yi jääy mare man wø tut okweenynyi.

Luup Dïpööy 7:16

Kär beer marï kaathï, ni ba kaathï leec wïc marï. ?Aŋø, ï raanynyï riï jaak kiper ŋø?

Ciik Kiper Dïlämme 13:16

'Ba ni näk mo rïŋö mana no ocwäny wøk dëëre odøø piny ni neebuuth ni tar, ŋatøgø wär døø baŋ dïlämi.

Mathiew 23:25

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø penya ŋää awal ki ŋää athäänh, 'ba yïthge päŋ ki møt ki rääö.

Mathiew 5:20

Kiper a cäänna uuni, ni näk bëënynyö maru, bëënynyö mar dïpööye mo ciik Jwøk ki mar jø Paricith ba kaale, u ba doo døny yi buya käl maal na bäre bäre.

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Moa Tïïc Nyïïatwieli 21:20

'Ba na wïnyge gø, Jwøk apwøcge. Ni köge ki eni, «Neenï nø, cöökwa, da jiy mo ojïëy dëët jø Juuth mo jïtö ki kume mo thööth, mo ge bëëdö ni cwïnyge caya ciik Jwøk døc.

Moa Tïïc Nyïïatwieli 22:5

Ni manøgø ŋäc Kwääy Lammi Mana Dwøŋ ki jaae bëët moa en dï jiy. Ni bee geni na lwøra weeli baŋge moa göörge baŋ nyïïmëëkge moa en Damacka, ni cøøa kuna øømma jø wø caath køør Jöör Lam manøgø, nee ge käla yi Jerucalem ni geno twöö, nee ge jääl.

Moa Tïïc Nyïïatwieli 26:5

Ni ŋäcge ki kany mo bäär, ni dege caanø onää ge caya gø, ni bëëtö mara ena køør jøøa en ri jöör lam marwa mana teek døc, ni aano bëëdö ni aana ŋat Paricith.

Moa Tïïc Nyïïatwieli 8:3

'Ba Cøøl acooŋ Jwøk araanynye, ni duunye yïth uudi bëët ni maaŋŋa cwøw ki mään ni kïth geni øt twöc.

Wëëlö Mana Göör Pøølli Baŋ Jø Röm 7:9

Kiper dïkwøŋ kanya bëëda ni bäŋ ciik Jwøk mo ŋääa, a bëëdö naa kwøw. 'Ba kanya ö mana cem Jwøki, raay acär, ni thøøa.

1 Körin 10:32

Kär cwïny jø Juuth, ki cwïny jø mo patha jø Juuth, wala cwïny jø acooŋ Jwøk, wëëgu ränynyö,

1 Körin 15:9

Kiper thiinhnha kara døc dï nyïïatwieli, naa patha orømø ki man cwøl aani ni nyïïatwiel, kiper aana gëëmö ka acooŋ Jwøk.

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

1 Timöthi 1:13

këël na kwøŋa bëëtö naa caanna eni, naa pääta eni, naa tïïö ki gïï mo reyø bääte. 'Ba aana kønye kiper na kuua mana tïïa na kära jïëy.

Pïëmme 6:30

Køøre jø paanøgø gena ö baŋ Jöac ni köge, ni «Käl wäädï wøk nee thøøe ennø, kiper eni gïn wø cïp olämme bääte mana näk otïïö kiper jwøk, ni beeye Baal, araanynye, ni ö jaadha näk ocaa ri jwøk, ni beeye Acara, na näk ocwöth piny buut gïn wø cïp olämme bääte manøgø ni ŋøt gø piny.»