'Ba na jooti ya Pøølli ni jø møøk a jø Cajucith, ni jø møøk a jø Paricith, ena köök døc nyïm kwääc løøe ni kööe, ni «Nyïïmera, aana ŋat Paricith, ni aana wäät jø Paricith, ni beeye kiper ŋäädhe mar duun wøk ki yi thøø ni tïm løøki ni dagø bääta en.»
Ni beeye luum wø ŋääth dhøk uudi mowa na apaar kurriiø nee ci jïge, kany wø tïnyge Jwøk døøc ki wärre ki cääŋŋe. Ni beeye kiper luum ŋäädhe manøgø ni ö jø Juuthi ni lööge ki aani, ï na nyeya.
'Ba kiper mana tïme ni dhi wääth manøgø paa kany mo beer ki man ruu jääyi yie ka arïïa, jiy mo thööth aköö, ni jääy laar aay kaace, ni ege caarø ni kanymør ge pïï Pinik, na näk dhi waath Kariit na näk raŋŋa rege ki jï løø kur pänh-cäŋ bäät cwiic ki bäät caam, nee put bëëte kaace ka arïïa.
'Ba tïŋ maal ki yi thøø da kare kiper jiy bëët. Dïkwøŋ beeye Krictø na bwödhö ki tïŋ maal, 'ba kanyo ö Krictø, beeye kar jøøa en dëëre ki man tïŋ ge maal.
Kiper manøgønø, na tïm cwïnya ni ba maara mak këët, aana jääk baŋu, kiper bëët ŋäädhe maru nee wïnynya, kiper na lwäya ni kanymør ŋat wø pääny jiy, u ee päänynyö, ni tïm öölö marwa no oaay jaak.
'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.
Ni ö määnni ni jootge jicge moa thøw ki køør mana duuge wøk ki yi thøø. Ni ö møøki ni caari, ni kweerge ki man pät geni, kiper nee ge cäŋge duu wøk ki yi thøø, ki kwøw mana beerra eni.