Pilipay 3:1 - Wëël Jwøk

¹ 'Ba mana dööŋ keere nø, nyïïmera, yïthu mïnge ki ri Wuuö. Aani, a ba ööl ki man gööra gïïa kwøŋa göör jïïu, ni beeye gïn mo beer kiperu.

Pilipay 3:1 Iomraidhean Croise

1 Luup Nyeye 15:28

Kanyøgø jø Icriel bëët acanduk man wø nyooth luumma tuut Wuuö Jwøki ki jiy aputge kälö ni ge kwöŋŋö ki met ec, ni ge kudhö ki tuk lääy, ki tuŋi moa näk tïïc ka nywïënyö, na athaliiŋŋi moo jwöŋi ni döötge ena maal tuuŋge tuuŋŋö, ni ge pöödö ki wïth thøme ma teeŋi.

1 Luup Nyeye 16:10

Jiemmu nyeŋŋe na en kur keere; beerra man mïn yïth jø wø cac Wuuö Jwøk.

1 Luup Nyeye 29:22

Kanyøgø gena put cämö ni mäthge yi cäŋ manøgø ki met ec mo dwøŋ døc nyïm Wuuö Jwøk. Ni cäŋge Cølöman o Deebit røønynyø na nyeya ni thïïmge wï gø ki maaw nee tïme na bwödhi nyïm Wuuö Jwøk. Ni ö Dhadök thuwø ni røønyge gø na Kwääy Lam Mana Dwøŋ.

Neemiya 8:10

Ni kö Neemiya jïge, ni «Uuni, cou ni cammu cam mana met døc, ni maathu køøŋø mana met døc, ni cïpu thäkge møøk jï jøøa näk bäŋgø jïge mo ege jiiŋŋø; kiper dïcäŋ man en atïmö ni ena kur keere na mar Wuuö Jwøk ma Kwäärö marø. Uuni, käru kïmmö, kiper met ec mar Wuuö Jwøk beeye teek maru.»

Jööp 22:26

'Ba ka adïëri møn, yiï omïnni ki eni na en teeki jïre, ni wëëgï täärnyïmï løø maal baŋe, eni na Jwøk.

Dut Pwøc 33:1

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 65:14

Ka adïëri møn, jiya geno bëëdö ni ge wär ki dudi ki met ec ki cwïnyge bäre, 'ba uuni, uuno bëëdö nou jwöŋö ki gootø mana en cwïnynyu, ni gööu ko oduuru ni cwïnynyu opädhö.

Jool 2:23

Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Jepaniya 3:14

Wui Dhayan, ï na caal nyakøø, kwöŋŋï ki met ec! Tïŋ dwørï maal døc, ï na Icriel! Beerra man mïn yiï ni kanynyï ki cwïnyï bäre, ï na Jerucalem na caal nyakøø!

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Dhekaraya 10:7

Jø tuuŋ Ipariem geno bëëdö kaamar jø leny mo teek, ni bëëtge ni cwïnyge omïnnö kaamar jiy mo omädhö ki køøŋø. Obwöre moge køny manøgø ojootge ni kanyge; ni ö cwïnyge ni mïnne ki aani, a na Wuuö Jwøk.

Mathiew 5:12

Yïthu mïnge ni kanynyu, kiper gïno mëëk uuni maal dwøŋ. Kiper nyïïkuk Jwøk moa kwøŋ bëëtö nou poodi, acaan jiyi na enøgønø.

Luk 1:47

ni ö cwïnya ni mïnne ki Jwøk na näk Pïëmi mara.

Wëëlö Mana Göör Pøølli Baŋ Jø Röm 5:11

'Ba patha manøgø keere, 'ba ø kanynyø thuwø ki nyeŋ Jwøk ki køør Kwääyø ma Jecu Krictø, ŋata joodø døøn kanya ciel ki køøre.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Tiet Ciik 12:18

'Ba gïïögø ocammu nyïm Wuuö Jwøk na näk Jwøu kanyo jiere, nou cämu ko obwöre mou moa näk cwøw ki moa näk mään, ki jø tïïc mou moa näk cwøw ki moa näk mään, ki ŋat tuuŋ Libay man nø mo bëëdö ka uuni; ni mïn yïthu nyïm Wuuö Jwøk na näk Jwøu ki køør tïïe mou bëët.

Tiet Ciik 16:11

Ni mïn yïthu nyïm Wuuö Jwøk na näk Jwøu, yi kanyo jier Wuuö Jwøki na näk Jwøu noo caa ri nyeŋŋe, ni beeye uuni ki wäätu ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo bëëdö ka uuni.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.

Pilipay 4:8

'Ba mana dööŋ keere nø, nyïïmera, gïn wäro näk adïëri, ki gïn mo orømø ki wödö, ki gïn mo thïïŋ, ki gïn mo bäŋ raay dëëre, ki gïr mëër, ki luubö mo beer, ni näk beege gïï mo met, na gïï mo orømø ki pwøc, caarru gïïögø.

1 Thecalönika 4:1

'Ba nyïïmera, mana dööŋ keere nø, wa kwaya uuni ni wa köömma uuni ki ri Kwäärö ma Jecu, nou bëëdu ki bëëtö mana dou bëëdö ki gøøni, ni tïïyu gïïa met yi Jwøki ki ge, kaawat mana kwanynyu gø baŋwa. Ni putu gø tïïc ni cäätha nyïm kaawat man tïïyu gø enøgø.

1 Thecalönika 5:16

Yïthu mïnge ki yïth nïne bëët.

Jeemeth 1:2

Nyïïmera, yïthu mïnge ki teeŋ gïïo ni leth yøø bëët kany wø pïïcge dëëtu.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

1 Piter 4:13

'Ba yïthu mïnge kaawat man bëëdu nou nywaaga gïïa leth na jwør Krictø, kiper nee yïthu mïnge ni ŋeethu kanyo nyooth ajiem mare.

2 Piter 3:1

'Ba omëëya, kawaane man en beeye riet weeli man gööra baŋu. 'Ba weetøgø karge riet, a tuga cwïnynyu na leer ki ge, kiper mana para wïthu,

1 Camiel 2:1

Køøre Anna Wuuö Jwøk apwøe ni kööe, «Yia atïmö ni met ki køørï, ï na Wuuö Jwøk; ni ö teeki mara ni tïme ni cäätha maal ki køørï, ï na Wuuö Jwøk; aana jïtö ki teek ki man cääna ki nyïïmän 'moa, ni ö yia ni tïme ni met kiper køny marï.