Pilipay 2:9 - Wëël Jwøk

⁹ Kiper manøgønø, ena thïïŋ Jwøki ni røøny gø, ni mooc gø ki nyeŋ mo dwøŋŋa eni dï nyeŋ bëët moa näk ocaaø.

Pilipay 2:9 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Dut Pwøc 110:1

Aydheea 52:13

Wuuö Jwøk aköö, ni «Ka adïëri møn, dhaanhnha na näk yaa jierø, jammi otïïe na karge, eno tïmö ni ena maal wïth jammi bëët, no owøørø ni kare dwøŋ døc.

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 17:11

'Ba kawaane a ba en piny këët, 'ba bee geni ni en piny, ni aani, a ööa baŋï. Awuuö, ï na en kur keerï, gwøk geni ki køør nyeŋŋï na teek na näk iï cïbö jïra, nee tïmge na aciel, kaawat marø na nägø aciel.

Jøøn 17:12

Kanya pooda buutge, gena gwøa ki nyeŋŋï na näk iï cïbö jïra. Ni koora geni, ni bäŋe ya aciel dïge mo orwäänyö, 'ba beeye o ränynyö keere na rwäänyö, kiper nee moa en yi wëël Jwøk nee thur karge.

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

Epeca 1:10

Ni manøgø ee cooŋø ki cwïnye nee tïïe kanyo ö kanya wäŋŋi noo thur kare, kiper nee jammi bëët dwal dëëre, mo maal ki mo piny.

Köløcia 1:18

Ni beeye eni na Wïc jï dëël na näk acooŋ Jwøk. Ni beeye eni na nut wïlöölö, ni beeye eni na kwøŋ duu wøk ki yi thøø. Kiper manøgø nø, nee nyeŋŋe tïme ni lïëŋŋa eni dï jammi bëët.

2 Thecalönika 1:12

kiper nee nyeŋ Kwääyø ma Jecu nee tïme ni jiem ka køøru, ni ö uuni ni jiemi ki køøre, ki køør met ec mar Jwøk marø ki Kwääyø ma Jecu Krictø.

Ibaru 1:4

Ni tïm kare ni dwøŋŋa eni ki nyïïatwiet maal, kaamar nyeŋŋe ni lïëŋ dï nyeŋge.

Ibaru 1:9

'Ba ï mëër ki bëëtö mo beer niï män ki raay; kiper manøgø nø, Jwøk na näk Jwøï ïïna jøre ki maar met ec, ni kaala mar nyïïawäätu.»

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 2:9

'Ba ø neeta Jecu, ŋata tïïc ni thiinhnha eni ki nyïïatwiet maal ki kany mo thiinh kiper nee thøø bele kiper jiy bëët, ki køør met yi Jwøk. 'Ba ennø, ø neeta eni no orøønyø ka ajiem ki wödö kiper thøwa leth na jwøre.

1 Piter 3:22

ŋata aa maal, ni en bäät cwïï Jwøk, ni bëët nyïïatwiet maal, ki kwääri, ki teek bäre ni ge leŋa dwøre.

2 Piter 1:17

Kiper kanya ö eni na wëëgi wøør ka ajiem mana käl baŋ Jwøk na näk Wuuö, kanya ö dwøra öö ki baŋ Kwääy ajiem na bäŋ teeŋe na caan gïn kipere, ni «Man beeye Wääda, ŋata mëëra ki gø, na met yia ki mare,»

3 Jøøn 1:7

Kiper beeye nyeŋ Krictø na aage wøk kipere, ni bäŋe gïn mo ege lwørø ceŋ jøøa kuc luum Jwøk.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.

Mana Nyooth 5:12

mo köö ki dwøl mo päl, ni «Røma Nyidiel na 'näk, ki man wëëk teek eni, ki kwär, ki leec wïc, ki dööŋ-kar, ki wödö, ka ajiem, ki pwøc.»