Pilipay 2:7 - Wëël Jwøk

⁷ 'Ba dëëre adwøk piny, ni tïme ni mare rømi ka bëët laŋ, ni nywöli ni nëëna dhaanhø.

Pilipay 2:7 Iomraidhean Croise

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Aydheea 49:3

Ni kööe ki aani, ni «Ï na Icriel, ïïna dhaanhnha, ni wø nyoodha ajiem mara ki dëëre.»

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Dhekaraya 3:8

« ‹Wui ï na Jøcua, ni bee ï na Kwääy Lam Mana Dwøŋ, cek ïthï ki nyïïawäätï moø no opï piny buutï yøø, ni beege jøøa näk nyuuthe kiper gïïo tägi yi nyïm. Kiper ka adïëri møn, aani dhaanhnha na caal lwinh jaath 'käla kälö.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 12:18

na «Adïëri møn, ŋat tïïc mara na jiera, ni beeye omëëya, ŋata met yia ki mare, Jwïëya okïtha bääte, ni beeye eni noo køp luum ŋøl luup mo beer mar Jwøk jï wïth juurre.

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Maak 9:12

Ni kööe jïge, ni «Ilaaja kwøŋa öö møn, ni dwøga jammi bëët kwörge. ?'Ba agïnaŋø na göör kiper Wär Dhaanhø thuwø? Beeye ni eni gïï mo leth mo thööth dee jwørø ni caanni.

Luk 22:27

?Aŋa nø, ni kare dwøŋŋa eni, beeye ŋat wø näk opï piny kar cam, wala ŋat wø tïny gø? ?Aŋø, patha ŋat wø näk opï piny kar cam na kare dwøŋŋa eni? 'Ba aani, a ena dïïu naa tïnynya jø møøk.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Wëëlö Mana Göör Pøølli Baŋ Jø Röm 1:3

Ni luummögø na nyään na met enø beeye luubö kiper Wääde na nywöli na dhaanhø ki ri nyïïkwaac Deebit.

Wëëlö Mana Göör Pøølli Baŋ Jø Röm 15:3

Kiper këël Krictø kär cädö kiper dëëre keere. Kaawat mana göörï, na «Ajøøŋ mar jøøa jøøŋ ïïni apänh bääta.»

Wëëlö Mana Göör Pøølli Baŋ Jø Röm 15:8

Kiper a cäänna uuni ni Krictø atïmö na ŋat tïïc mar jøøa näk odaŋø, ni nyootha gø ni Jwøk luumme adïëri ni wëëga gïïa buuk jï kwäre thur karge,

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

2 Körin 13:4

Kiper ena 'näk bäät jaadha no odëëdö ni jääk, ni cäŋ kwøwø ki køør teek Jwøk. Kaawat manøgø thuwø, waani, wa jägö ki ree, 'ba waano kwøw ki eni ki køør teek Jwøk, nou tïnywa.

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,

Pilipay 2:6

Kiper eni, këël na rööme ki Jwøk, bëëtö mare na näk röömi ki mar Jwøk käre caarø ni beeye gïna dee maa ki teek.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 13:3

Lääŋŋu jøøa no otwöö, kede u ena yi twöc ki geni. Ni lääŋŋu jø wø caanni, keda u di caannø thuwø.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.