Pilipay 2:6 - Wëël Jwøk

⁶ Kiper eni, këël na rööme ki Jwøk, bëëtö mare na näk röömi ki mar Jwøk käre caarø ni beeye gïna dee maa ki teek.

Pilipay 2:6 Iomraidhean Croise

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Aydheea 8:8

Køøre pïï kwönna dï Juuda bäre ni muulö ki dïëre bäre na jwïëö, këël mano päŋe noo këët cwaak, këël mano ö were moe noo gaaŋge na løle ni put ŋööm Juuda bäre thaar, ni beeye ŋöömö marï, ï na Imanuwel.»

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 10:30

Aani ki Wuuö, waana acielø.»

Jøøn 10:33

'Ba aløk jø Juuthi jïre, ni «Paa per tïïc mo beer noo këërwa ïïni kipere, 'ba beeye per ajaany. Kiper ïïna dhaanhø mo nëëna waani, ni tïïyï riï na Jwøk.»

Jøøn 10:38

'Ba ni näk maa tïïya geni, këël u bäŋ doo jïëy ni ŋääthu aani, jïëyu ki tïïe, kiper nee ŋäyu ni ci cwïnynyu ni Wuuö ena raa, ni ena ri Wuuö.»

Jøøn 14:28

Awïnynyu na kööa jïïu, na ‹A aay, ni duua baŋu.› Onää u mëër ki aani, yïthu doo mïnnö, kiper a cøøa baŋ Wuuö. Kiper Wuuö dwøŋŋa eni ki aani.

Jøøn 14:9

Ni kö Jecu jïre, «?Aŋø, a kär bëëdö ki uuni ki kany mo bäär? ?A poot kuyï en, Pilip? Ŋat maa ee neenø, Wuuö ee nø neen. ?Aŋø ni kööï, ni ‹Nyuth wa Wuuö›?

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Jøøn 5:18

'Ba gïna ö jø Juuthi na kääth mana en cwïnyge kipere, ni ge caya man 'näkge gø, beeye kiper mana cwøl Jwøk ni wänni, ni päär ree ni ena aciel ki Jwøk, ni paa kiper mana dhal luum cäŋ jwömö keere.

Jøøn 5:23

kiper nee jiy bëët tïmge ni ge wøøra Wäädö, kaawat man wø wøørge Wuuö. 'Ba ŋat wø ba wøør Wäädö, Wuuö na jääŋ eni ba wøøre thuwø.

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 1:6

'Ba kanya käl wääde na näk kaa piny, ena köö, ni «Beerra man ö nyïïatwiet maalli mo Jwøk bëët ni wøørge eni.»

Ibaru 1:8

'Ba mar Wäädö, ee caanø, ni «Ï na Jwøk, wälu marï obëëdö këël na bäre bäre; ni ŋøl ma adïëri otïmö ni beeye athøny kwär mar buyï.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.