Pilipay 2:2 - Wëël Jwøk

² putu yia døøc mo met na adïëri, ki man bëëdu ki cwïny aciel, ki mëër aciel, ki bëëtö aciel, ni cwïnynyu you dwalø.

Pilipay 2:2 Iomraidhean Croise

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Moa Tïïc Nyïïatwieli 1:14

'Ba jøøgø bëët røkge acïpge køør lam ki cwïny aciel, ki mään bëët, ki Meeri mii Jecu ki nyïïmenni.

Moa Tïïc Nyïïatwieli 2:1

'Ba na tïme na cäŋ Pentikø, bääk Jecu dëëtge ege cooŋø kanya ciel bëët.

Moa Tïïc Nyïïatwieli 2:46

'Ba ki yïth cääŋŋe bëët ge wø cøøa Øt Jwøk Mana Dwøŋ na aciel, ni muunni wø pøtge pøtø uutge, ni ge wø cämö na aciel ni ge ŋeethø ni yïthge met.

Moa Tïïc Nyïïatwieli 5:12

'Ba kanyøgø da ŋïïce mo thööth ki gïï mo rëëma ec ma atïïc dï jiy ki røk nyïïatwieli. 'Ba jøøa jïëy ki Jecu bëët, dëëtge wø cooŋge ya agööl Cølöman.

Wëëlö Mana Göör Pøølli Baŋ Jø Röm 12:16

Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

1 Körin 1:10

Nyïïmera, a kwaya uuni ki nyeŋ Kwääyø ma Jecu Krictø, ni jïëyu ki luumma näk aciel karubëët, ni bäŋe apääk yïthakiyu, ni dwallu cwïnynyu na aciel, ki dwøl aciel.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

2 Körin 2:3

'Ba wëëllöca agööra baŋu kiper nee dïcäŋa daa ö baŋu nee cwïnya ba raany jøøa doo døøc yia mo met, kiper u yaa ŋäädhö døc u bëët, ni met yia beeye met ec maru bëët.

2 Körin 7:7

Ni patha kiper öönynye keere, 'ba beeye kiper cøm cwïny mana cømmu cwïnye ki gø thuwø, kaawat mana køp äp cwïny maru jïwa, ki kïmmö maru, ki mëër maru ki aani. Manøgø yia acäŋ døøc mo met kiree.

Pilipay 1:4

ki yïth laam 'moa bëët, naa wø lämö cooth ni yia met.

Pilipay 2:16

ni luubö mana en kwøwi ree you maa cwïnynyu, kiper naa tïma naa töödö dïcäŋo näk cäŋ Krictø, ki man näk mo ŋwïëy mara kära ŋwieø jaak, wala raa kära öölö jaak.

Pilipay 2:20

Kiper bäŋ dhaanhø mør buuta mo nëëna eni mo cwïnye ena baŋu na adïëri kiper bëëtö maru.

Pilipay 4:2

A kwaya ï na Yudia, naa kwaya ï na Cintike, ki man dwallu cwïnynyu ki ri Wuuö.

Köløcia 2:5

'Ba këël na tøøra buutu ki dëëra en, cwïnya kiree poot ena baŋu, ni yia met kiper na jooda gø nou poot bëëdö karu ni beer, ni ŋäädhe maru dwøŋ ri Krictø.

2 Thecalönika 2:13

'Ba nyïïmera, u na mëër Wuue ki uuni, met ec marwa ba maarwa wec ki man dwøkwa gø jï Jwøk cooth kiperu. Kiper u jiera Jwøki cøøn wïlöölö nou pieme, kaawat mana tïïc uuni nou ena kur keeru ki køør Jwïëc Jwøk, ni ŋääthu gïna näk adïëri.

2 Timöthi 1:4

Kany wø para jwøk marï na jwöŋï, cwïnya puta äpö ki wärre ki cääŋŋe ki man neena ïïni, nee cwïnya mïnne.

Piliman 1:20

'Ba ka adïëri møn, coka, a manynya met yiï nee jooda ki ri Wuuö. Wëëk cwïnya mïnnö ki ri Krictø.

2 Jøøn 1:4

Yia amïnnö døc na jooda nyïïï møøk ni caatha køør adïëri, keda mana ö Wuue na kööm øøni.

3 Jøøn 1:4

'Ba bäŋ met ec mo daa joodø mo kaala man këët, kany wø wïnynya gø ni nyïïa caatha køør adïëri.