Pilipay 1:8 - Wëël Jwøk

⁸ Kiper Jwøk beeye ni ŋäc mara, naa lääŋŋa uuni døc ki mëër mana en jï Krictø Jecu.

Pilipay 1:8 Iomraidhean Croise

Jööp 16:19

'Ba ennø, lïŋi mara ena maal, ni bee eni ni wø ŋøl luumma.

Aydheea 16:11

Kiper manøgønø, aana bëëdö naa kïïna gïr Möap ki cwïnya kaamar ŋat wø jwøk jwøk-thøø ki thoom; ni bëëda naa kïmmö kiper Kir-Ërë.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Luk 1:78

ki køør met yi Jwøk marø na jwør can marø, ni ö bäätø ki maal kaawat man wø cööt øwi,

Wëëlö Mana Göör Pøølli Baŋ Jø Röm 1:9

Kiper Jwøk beeye ni ŋäc mara, ŋat wø tïnynya ki cwïnya bäre ki ri luumma nyään na met mar Wääde, naa wø cøøra nyeŋŋu cooth ki yïth laam 'moa, naa ba kääŋi.

Wëëlö Mana Göör Pøølli Baŋ Jø Röm 9:1

'Ba a caana gïn ma adïëri ki nyeŋ Krictø, naa ba caan tööt, ni beeye gïn mo ŋääa ki cwïnya ki køør Jwïëc Jwøk na en kur keere,

2 Körin 13:9

Kiper yïthwa met kany wø jääkwa ni teegu. Ni wa wø lämö kiper nee bëëtö maru thur kare ni beer.

2 Körin 6:12

ni yïthwa ba diir ki uuni, 'ba beeye uuni na yïthu diir ki waani.

2 Körin 7:15

'Ba Tayta cwïnye puta tïmö ni ena baŋu kiree, kany wø par gïru na leŋŋu dwøre karubëët, kanya pänhnhu eni ki lwär, ni dëëtu kwanynyi.

Galeecia 1:20

'Ba luup moi ni gööra baŋu ii, nyïm Jwøk, a ba caan tööt.

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 4:19

U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

Pilipay 2:1

'Ba ni näk ŋäyu ni da cøm cwïny ki ri Krictø, ki mëër ni tïïö cwïnynyu, ni uuno kuut ri Jwïëc Jwøk, ni da met ec ki pänh cwïny kiper jø møøk mo you joodø,

Pilipay 2:26

Kiper ena tïmö ni lääŋŋa uuni bëët, ni cwïnye opädhö kiper mana wïnynyu gø ni eni tuu.

Pilipay 4:1

Kiper manøgø, nyïïmera, u na mëëra ki uuni, ni cwïnya lääŋŋa uuni, u na tïïc yia ni met, na gïr ajiem jïra, cuŋŋu nou teek ki ri Wuuö, u no omëëya.

Köløcia 2:1

'Ba aani, a manynya man ŋäyu gø, ki man näk maa lääŋŋa u døc ki cwïnya bäre, ki jøø ni en Leeyödicia yøø, ki jø møga bëët moa näk a poot kärge joodø.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

1 Thecalönika 2:5

'Ba wa kär cäänö ni wa mwøtha uuni ni wa lwøra japu ka atade, kaawat mana ŋäyu gø, ni Jwøk beeye lïŋï marwa.

1 Thecalönika 2:8

'Ba kiper mana mëërwa ki uuni døc, yïthwa met ki man nywaaø luumma nyään na met mar Jwøk ki uuni na aciel. Ni patha luum Jwøk keere, 'ba këël dëëtwa kiree, kiper uuna tïmö ni peru leth jïwa døc.

2 Timöthi 1:4

Kany wø para jwøk marï na jwöŋï, cwïnya puta äpö ki wärre ki cääŋŋe ki man neena ïïni, nee cwïnya mïnne.

Piliman 1:12

A duua eni baŋï, keda a jääŋŋa cwïnya kiree.

Piliman 1:20

'Ba ka adïëri møn, coka, a manynya met yiï nee jooda ki ri Wuuö. Wëëk cwïnya mïnnö ki ri Krictø.

1 Jøøn 3:17

?'Ba ni näk da ŋat mo jïre da jap piny ni neen coki ni can, ni mec waŋe ki gø, mëëc Jwøk bëëde cwïnye nidïï?