Pilipay 1:7 - Wëël Jwøk

⁷ Wøp jïra ki mana caara gïnögø kiperu bëët. Kiper gïru ena cwïnya u bëët, kaawat mana dwätu ki aani ri met yi Jwøk, këël ki yi twöc mara, ki piem luumma nyään na met nee cuŋŋe ni teek.

Pilipay 1:7 Iomraidhean Croise

Moa Tïïc Nyïïatwieli 20:23

'ba tiirra man wø køp Jwïëc Jwøki na en kur keere jïra yïth mïëri bëët, ni tööc ki jwør gïï mo leth ena nyïma.

Moa Tïïc Nyïïatwieli 21:33

Kanyøgø kwääy dïkuye acøø ni mak gø, ni cïpe ki dwøl, ni eni twöc ko oguudi ariiø. Ni pëëe, ni ena ŋa, na agïnaŋø na tïïe.

1 Körin 13:7

Mëër rïëpa jammi bëët, ni jïëc jammi bëët, ni ŋääth jammi bëët mo poot ena nyïm, ni jïëny jammi bëët.

1 Körin 9:23

Ni moøgø bëët tïïa kaper luumma nyään na met, kiper naa tïma ni da kara ri bëënynye.

2 Körin 3:2

'Ba uuni ki dëëtu, uuna wëël ŋïï marwa mo ogöör cwïnywa, ni wø kwaan jø bëëti ni ŋäcge gø.

2 Körin 7:3

Aani, gïnögø ba caana naa jääla uuni. Kiper akwøŋa caan ki man näk mo wa lääŋŋa uuni ki cwïnywa, ki man thøø na aciel wala man kwøø na aciel.

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Epeca 3:1

Ni beeye na ööa, a na Pøøl, na tööny Krictø Jecu kiperu, u na juurre.

Epeca 4:1

Kiper manøgønø, a na tööny Wuuö, a kwaya uuni ki man bëëdu ki bëëtö mo orømø ki cwödö mana cwøl uuni kipere,

Epeca 6:20

luumma tïma ni aana kar dhøk kipere ni bëëda yïth oguudi en. Lämu kipera kiper nee luummögø køba døøc ni cwïnya da cer keda mana daa gø caanø.

Pilipay 1:12

Nyïïmera, a manynya uuni man ŋäyu gø ni gïna tägö dëëra atïmö møn ni tïïya luumma nyään na met ni nyaai.

Pilipay 1:13

Ni puti ya dïkuye moa kurö ŋäc, këël jø møga bëët, naa twöc kaper Krictø.

Pilipay 1:14

Ni ö thööth nyïïmëëe ni tëënge ki ri Wuuö kiper twöc mara, ni tïmge ni ge teek døc ki man caange luum Jwøk ni bäŋ lwär.

Pilipay 1:5

Ni met ec mara wø dwøga dwøgø kiper na dwätu ki aani ri luumma nyään na met, ki mana täge ki dïcäŋa wïnynyu gø yie, këël kawaane en.

Pilipay 2:22

'Ba beeny Timöthi ŋäyu, kaawat mana bëëde ni tïïö ki aani na aciel ri luumma nyään na met, ni eni bëëdö keda nyilaal mo ena buut wänni.

Pilipay 4:14

'Ba uuna tïïö ki gïn mo beer jïra, na kønynyu aani ki gïna leth na pïï dëëra.

Pilipay 4:15

'Ba u na jø Pilipay, ŋäyu ki dëëtu ni kanya täk luumma nyään na met dïïu, kanya wiia Macedönia, bäŋ acooŋ Jwøk mo ocïpö ki gïrpiny jïra, 'ba beeye u keeru.

Pilipay 4:3

Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

Köløcia 4:18

'Ba määdhe man en, gööra aani ki cera kiree, a na Pøøl. Caarru gïr tiimme ni en cera en. Met yi Jwøk bëëde bäätu.

Köløcia 4:3

Ni lämu kiperwa thuwø, kiper nee wa jäm Jwøki ki jöö man køpwa luum Jwøk ki gø, ni køpwa gïr Krictø na näk tiere okwøŋ kan, ni beeye gïn twöc aani kipere en.

1 Thecalönika 5:5

Kiper uuna wäät tar bëët, ni uuna wäät cäŋ, ni ø paa mo wäär, wala mo muudhö.

2 Timöthi 1:8

'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

2 Timöthi 2:9

ni beeye luummögø na nyään na met ni jwøra gïï ni leth ii kipere, ni aano twöö ko oguudi kede aana kuu. 'Ba luum Jwøk patha otwöö.

Piliman 1:13

Aani yia doo met døc ki mana dee bëëdö kany buuta, naa tïnynye na karï, kany ena øt twöc en kiper luumma nyään na met.

Ibaru 3:1

Kiper manøgønø, nyïïmera, u na en kur keeru na mo Jwøk, ni nywaak cwönna öö ki maal, caarru gïr Jecu, na näk Nyïïatwiel na Kwääy Lam Mana Dwøŋ mana jïëø ki gø.

1 Piter 4:13

'Ba yïthu mïnge kaawat man bëëdu nou nywaaga gïïa leth na jwør Krictø, kiper nee yïthu mïnge ni ŋeethu kanyo nyooth ajiem mare.

1 Piter 5:1

Kiper manøgønø, a köömma jaak acooŋ Jwøk ni en dïïu, ni näga jaa thuwø, na ŋata neen gïïa leth na jwør Krictø, naa nywaaga ajiem mano nyooth.

2 Piter 1:13

'Ba yaa caarø ni beer jïra kany pooda naa poot kwøw ki dëël man en, ki man jiia uuni naa para wïthu,

1 Jøøn 3:14

Ŋääø ni øøna pööth wøk ki yi thøø ni cøø yi kwøw, kiper mana mëërø ki nyïïmëëe. 'Ba ŋat wø ba mëër, poot ena yi thøø.