Pilipay 1:26 - Wëël Jwøk

²⁶ kiper manøgønø, nou jïtu ki jöö man mïn yïthu ki gø dëër Krictø Jecu ki køøra, kiper mano duua baŋu.

Pilipay 1:26 Iomraidhean Croise

Obeec Dudi 5:1

Wui! coka, ni bee ï dhaagø-thiinh mara, aana ö ya ajïniina mara, dwøk 'moa acooŋa, ki jenni 'moa mo wø ŋwääi ni met; aani, ogat kïc ki maar kïc mara acama, ni maadha køøŋ nyïïomøki ki caak 'moa. Wui! nyïïawäätwa, cämu ni mädhu. Wui! omëërri, mädhu ni rømmu.

Jøøn 16:22

'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët.

Jøøn 16:24

'Ba kawaane poot bäŋ gïn mo you pëënynyö ki nyeŋŋa. Pëëu, ocïp jïïu, nee met ec maru kääthe.

2 Körin 1:14

keda mana kwøŋu gø kwany ki mo thiinh, kiper nou töödu kiperwa kaawat mano töötwa kiperu dïcäŋo näk cäŋ Kwäärö ma Jecu.

2 Körin 5:12

Wa ba cäŋ dëëtwa nyoothø jïïu, 'ba wa wëëga uuni atöör kiperwa, kiper nee maar lønyø jïïu ki man duunnu jø wø töödö kiper dëër dhaanhø man ni wøk en, ni patha kiper gïn mo ena cwïnye.

2 Körin 7:14

'Ba ni näk Tayta yaa cäännö naa töödö kiperu, wïïa kär lääö. 'Ba kaawat mana bëët japa caanwa jïïu bëët na adïëri, atöör marwa nyïm Tayta ajoot na adïëri thuwø.

2 Körin 7:4

Aani, cwïnya da ŋäädhe mo päl døc kiperu, naa töödö døc kiperu, ni cwïnya yaa cømø. Këël ni jøøcwa gïï mo leth en, yia poot met døc.

2 Körin 7:6

'Ba Jwøk ni wø cøm cwïny jø wø can, cwïnywa acøme ki køør ööny Tayta.

Galeecia 6:4

Beerra man ö ŋati man nø ni raŋ tïïc mare keere, no orømø. Køøre, gïno tööde kipere oen jïre keere, ni paa kiper mano pääny dëëre ki watge mør.

Pilipay 3:1

'Ba mana dööŋ keere nø, nyïïmera, yïthu mïnge ki ri Wuuö. Aani, a ba ööl ki man gööra gïïa kwøŋa göör jïïu, ni beeye gïn mo beer kiperu.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Pilipay 4:10

'Ba yia amïnnö døc ki ri Wuuö, kiper kawaane wïthu acäŋu caarrø cään, ni kønynyu aani. Kiper aana lääŋŋu møn, 'ba atïmö ni bäŋ jöö jïïu.

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.