Pilipay 1:25 - Wëël Jwøk

²⁵ 'Ba gïnögø ŋääa døc, ni ŋääa ni aano ruu naa bëëdö dïïu, kiper nou tëënnu, nee yïthu mïnge ri ŋäädhe man,

Pilipay 1:25 Iomraidhean Croise

Luk 22:32

'Ba aana lämö kiperï nee ŋäädhe marï ba ränynye. 'Ba kanyo cäŋï riï løgø, nyïïmeru wär wëëk tëënnö.»

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 20:25

«'Ba kawaane, neennu, ŋääa ni uuni bëët, u na dïïu caadha naa køpa luum buc Jwøk, waŋa ba jootu këët.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:18

Kiper aani bäŋ gïn mør mo caana, 'ba tiirra gïna tïïc Krictø ki raa nee juurre døøc mo jïëy ki køør dwøl ki tïïc,

Wëëlö Mana Göör Pøølli Baŋ Jø Röm 15:29

Ni ŋääa ni kanyo pïïa buutu, päl gwïëth mar Krictø okäla.

Wëëlö Mana Göör Pøølli Baŋ Jø Röm 5:2

Ni beeye ki køøre na jïtø ki karø ri met ec man ni cuŋŋø ree en, ni kanynyø kiper mana ŋäädhø noo nywaaø ajiem mar Jwøk.

2 Körin 1:24

Ni patha ni ŋäädhe maru bëënna waani, 'ba marwa tïïc ki uuni na aciel nee yïthu mïnge, kiper u cuŋŋi nou teek ki ri ŋäädhe maru.

Pilipay 1:24

'Ba ki man bëëda naa kwøw ki dëël man en, beer kaperu.

Pilipay 2:24

Ni yaa ŋäädhö ki ri Wuuö ni aani ki dëëra, aano ööi thuwø kany mo cään.

Piliman 1:22

'Ba maya thuwø, øt wëël wär jiiŋŋï kipera. Kiper yaa ŋäädhö ni aano wëëk ööny baŋu ki køør laam mou.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.