Pilipay 1:14 - Wëël Jwøk

¹⁴ Ni ö thööth nyïïmëëe ni tëënge ki ri Wuuö kiper twöc mara, ni tïmge ni ge teek døc ki man caange luum Jwøk ni bäŋ lwär.

Pilipay 1:14 Iomraidhean Croise

Maak 3:3

Ni ö Jecu ni kööe jï ŋata näk cere obäp, ni «Ö nyïm kany.»

Luk 1:74

nee ø pieme ceŋ nyïïmännø, nee lønyø jïïø ki man tïnynyø eni ni bäŋ lwär,

2 Körin 3:12

'Ba kiper mana näk jïwa da ŋäädhe ma enøgønø, wa cäänö ni cwïnywa da cer.

2 Körin 7:4

Aani, cwïnya da ŋäädhe mo päl døc kiperu, naa töödö døc kiperu, ni cwïnya yaa cømø. Këël ni jøøcwa gïï mo leth en, yia poot met døc.

Epeca 3:13

Kiper manøgønø, a kwaya uuni, kär cwïnynyu wëëgu pädhö ki gïr gïï ni leth ni jwøra kiperu en. Kiper ge kännö ka ajiem jïïu.

Pilipay 1:20

Kiper yaa ŋäädhø døc ni wïïa ba doo lää bäre bäre, 'ba cwïnya yaa maa døc kawaane kaawat man wø bëëda cooth, nee Krictø wøør ki dëëra, nee mara kwøw wala thøø.

Pilipay 1:7

Wøp jïra ki mana caara gïnögø kiperu bëët. Kiper gïru ena cwïnya u bëët, kaawat mana dwätu ki aani ri met yi Jwøk, këël ki yi twöc mara, ki piem luumma nyään na met nee cuŋŋe ni teek.

Pilipay 4:1

Kiper manøgø, nyïïmera, u na mëëra ki uuni, ni cwïnya lääŋŋa uuni, u na tïïc yia ni met, na gïr ajiem jïra, cuŋŋu nou teek ki ri Wuuö, u no omëëya.

Köløcia 4:4

Ni lämu kiper nee tiere caana ni beer kaawat mana daa gø caanø.

Köløcia 4:7

'Ba gïïa tägö dëëra bëët, ocaan Taykika jïïu. Eni, ena cöögö na mëërø ki gø, ni ena ŋat tïïc mo oŋäädhö, ni tïïö ka waani na aciel ki ri Wuuö.

1 Thecalönika 2:2

'Ba waani, këël na jwørwa gïï mo leth ni caan wa døc yi Pilipay, kaawat mana ŋäyu gø, cwïnywa amakwa ki ri Jwøk marwa ki man køpwa luumma nyään na met na näk mar Jwøk jïïu, ni waano mänö døc ki man caanwa gø.

2 Timöthi 2:9

ni beeye luummögø na nyään na met ni jwøra gïï ni leth ii kipere, ni aano twöö ko oguudi kede aana kuu. 'Ba luum Jwøk patha otwöö.