Piliman 1:7 - Wëël Jwøk

⁷ Kiper aana jïtö ki met ec mo dwøŋ ki cøm cwïny ki køør mëër marï, coka. Kiper cwïny jø Jwøk amïnnö ki køørï.

Piliman 1:7 Iomraidhean Croise

1 Körin 16:18

Kiper cwïnya awëëkge mïnnö døc, kaawat mana wëëkge cwïnynyu mïnnö. Wøørru teeŋ jiy ma yøøgønø.

2 Körin 7:13

Kiper manøgønø, cwïnywa acøm. Ni patha cøm cwïny mana cøm cwïnywa ki gø keere, 'ba yïthwa acäŋ mïnnö døc na neenwa Tayta ni yie met, kiper cwïnye acïbu piny karubëët.

2 Körin 7:4

Aani, cwïnya da ŋäädhe mo päl døc kiperu, naa töödö døc kiperu, ni cwïnya yaa cømø. Këël ni jøøcwa gïï mo leth en, yia poot met døc.

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

1 Thecalönika 2:19

?Kiper agïnaŋø noo ŋääthwa? ?Na agïnaŋø noo mïn cwïnywa kipere? ?Na a rööny mane noo töötwa kipere nyïm Kwääyø ma Jecu, kanyo ööe? ?Aŋø, patha uuni?

1 Thecalönika 3:9

?'Ba a teeŋ met ec mo nyïëdi noo dwøkwa jï Jwøk kiperu kiper met ec mana päl na jootwa kiperu nyïm Jwøø?

2 Timöthi 1:16

'Ba bäth-ec mar Wuuö en bäät po Onecipera, kiper aana kønye kwöre mo thööth. Ni wïïe kär lääö ko oguudi 'moa.

Piliman 1:20

'Ba ka adïëri møn, coka, a manynya met yiï nee jooda ki ri Wuuö. Wëëk cwïnya mïnnö ki ri Krictø.

2 Jøøn 1:4

Yia amïnnö døc na jooda nyïïï møøk ni caatha køør adïëri, keda mana ö Wuue na kööm øøni.