Odheea 9:6 - Wëël Jwøk

⁶ Uuni, u këël doo päär wøk nou ŋwieya ränynyö, u mak jø Ijepi maa ni gwaarge uuni, ni ö jø Mempici ni putge uuni 'näk ni koonyge uuni. Japa perge leth moa näk tïïc ka gwel-bïrö, bäätge tuy ko oŋöön; ni ö yïth oduŋkaare mou ni tucge ki koodhi.

Odheea 9:6 Iomraidhean Croise

2 Nyeye 13:7

'Ba jø leny mo wø cäädhi ki bäät okwëënyi moa dööŋ jï Jeyöakac, kwäänge ba pöödhi ki kwään jiy ma pïërabïïc, ni kwään jïëth leny mo wø tut okwëënyi ba pöödhi ka apaar, ni kwään jø leny mo wø këëdi ki piny ba pöödhi ki kume apaar, kiper gena 'näk nyeny Arammi, ni nyør geni ni ŋethge kaamar tør.

Pwöc Leec Wïc 24:31

ni neena pwöth no otuy ki koodhi bäre, ni dï pwödhö bäre ouum akatanyøŋŋi, ni kiir kïdi mana en lakge opädhö.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 19:13

Kwääri mo Dhöän gena tïïö ki jap bøøl, ni ö kwääri mo Mempic ni maaŋ wïthge; ni ö dïbwöthe mo wïth tuŋi moge na caal kïn gøøt ni bwøthge Ijep ki jöö mo ba thïïŋ.

Aydheea 27:12

'Ba noo tïme na dïcäŋeca, Wuuö Jwøk tägö ka ajäla mare kaawat man wø dïn beel, ni tägi ka Naam Upareeti këël mano pïïe waŋ naam mar Ijep. Wui, jø Icriel, uuno cäŋ cooŋ kanya ciel, nou käli na aciel aciel.

Aydheea 32:13

ki ŋööm jiya na näk yie otuy ko otwel ki koodhi. Kare møn, kïmmu kiper mïëri moa näk bëëdö ni yïthge da met ec, ki päänya näk yie päŋ ki met ec.

Aydheea 34:13

'Ba koodhi otuy yïth uut koor moge moa no ogeerø ni ena maal, ni ö otwelli ko odhäŋŋe ni tucge yïth päänye moge moa no ogeerø ni teek; ni put tïmö na kar bëëtö jï othööe, na kany noor tule yie.

Aydheea 5:6

Tïïa tïïö ni tïme na pwödhö mo oränynyö. Jer omøki moe wïthge ba goor, ni tietge ba puur; 'ba otwel ki koodhi oput tuuö yie. Ni köömma pöölö nee ba pädhe na køth bääte.»

Aydheea 7:23

'Ba noo tïme na dïcäŋeca, kany ma kar jer omøki ma kuma, mo duunnö ki gwet-bïrö ma kuma, odööŋ ni tuya otwel ki koodhi yie.

Jeremaya 2:16

Ni ö jø Mempic ki jø Thapinac ni loonyge eni, ni gwäärge wïïe wøk.

Jeremaya 42:22

Kiper manøgønø, wär putu ŋäc ennø nou di nääö ko opëëllö, ni thøwu ki käc ki täw mo leth, kanyo manynyu nou cøøa yie enø nou bëëdu yie.»

Jeremaya 44:1

'Ba dwøl man aö bäät Jeremaya kiper jø Juuth bëët moa bëëdö Ijep, na bëëdö Migdöl ki Thapinac ki Mempic ki thääŋ ŋööm Ijep ma Patröc, ni kööe,

Jeremaya 44:12

Aani, jø Juuda moa dööŋ thööra thöörö møn, moa näk wïthge ege këël ri ööny Ijep nee bëëtge yie, ni thumge Ijep bëët ki thøø, ni ge 'näk ko opëëllö ni thøwge ki käc. Ki mano täge ki jiy moa kwörge bäŋgø këël mano pïïe ri jøøa kwörge døøŋŋø, geno 'näk ko opëëllö, ni thøwge ki käc, ni tïmge na gïr acïëni, ni cwïny jiy böö ki gïno tägi dëëtge, ni tïmge na gïr ajøøŋ, na gïr abuua.

Jeremaya 44:13

Ni jääla jøw bëëdö Ijep kaawat mana jääla jø Jerucalem, ni 'näk geni ko opëëllö, ni thøwge ki käc ki täw mo leth.

Jeremaya 46:14

«Gøøu piny Ijep, ni gøøu gø piny Migdöl, ki Mempic ki Thapinac, ni kööu, ni ‹Maaŋŋu kwöru, ni jegu rou, kiper jø mïëri moa karge cään ki uuni bëët athöör opëëllö.›

Jeremaya 46:19

Wui, u ni wø bëëdö Ijep, japu wär twöyu, kiper u di maaø ki tøŋ ni kïth uuni paac mør. Kiper Mempic ränynyö ni neeruuth, ni bäŋ ŋat mo bëëdö yie.

Edhikiel 30:13

«'Ba man thuwø beeye luumma caan Kwäärö Wuuö Jwøki, ena köö, «ni ‹Aani, juuga reyø raanynya raanynyø, ni ŋuuda lam mo kït gïï wø lam moa en Mempic. Bäŋ dïbwödhi këët mo bëëdö Ijep; aani, lwär jääŋŋa jääŋŋö bäät ŋööm Ijep bäre.

Edhikiel 30:16

Ijep waaŋa waaŋø ki maac, ni ö gïn mo leth ni päth bäät Pëlucëm. Kiir Tëbic otoor piny, ni ö Mëmpici ni ba ö wøk yïth japa leth.

Odheea 10:8

Kwör lam moa en bäät thuuri mo Awën, na näk bee kwör wø tïï jø Icrielli yïthge ki raay, di raanynyø. Koodhi ko otwel tuy yïthge ni uumge gïï wø cïp olämme moge bäätge. Køøre nø, ge köö jï kïte, ni «Rïëpu wa!» Ni köge jï thuuri, ni «Buŋŋu wa!»

Odheea 11:11

Geno ööi ki Ijep kaamar weny, ni öge ki ya Aciria kaamar akuyi; ni ge ööi ni dëëtge kwanynyi. Køøre geno wëëga pïïn piny yïth mïëri moge. Luummögø caana aani, a na Wuuö Jwøk.

Odheea 2:6

'Ba kiper manøgønø, øt jööre cïëga cïëgö ki koodhi; ni geera deŋŋe ki kiir nee øt jööre ba joode këët.

Odheea 7:11

'Ba jø tuuŋ Ipariem gena tïmö kaamar akuuru ma acaara mare thiinh, mo ba cädö na wøp. Geni jø Ijep cwølge cwølø ennø, ni ge cäŋa døø baŋ jø Aciria.

Odheea 7:13

Otïmö ni leth jïge, kiper mana paanyge rege buuta! Ränynyö oen bäätge kiper mana gëëmge ki aani! Gena manynya ki man piema geni, 'ba gena tïmö ni ge cara tööt kipera.

Odheea 7:16

Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 9:3

U ba bëëdö yi ŋööm Wuuö Jwøk këët; u døøa Ijep, u na jø tuuŋ Ipariem, ni cämu ki caammi mo ba waany ya Aciria.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Jepaniya 1:11

Wui, u ni wø bëëdö kwör gath, gööu ko oduuru! Kiper jø gath mou bëët di raanynyø, ni ö jø wø rumö ki gwet-bïrö ni ränyge.

1 Camiel 13:6

'Ba kanya ö jø Icrielli na ŋäcge gø ni gïn mo leth ööa bäätge, ni bëëtö marge tïmö ni teek, jiy rege akange yïth uut kïte, ki yïth abuŋŋe moa døøŋŋø, ki yïthakic kïte, ki kwöra no otïïö na kwör gwøk røk, ki yïth buri.