Odheea 9:4 - Wëël Jwøk

⁴ U ba kuny piny këët ki muuce mo kwøŋ jï Wuuö Jwøk; olämme mou yi Jwøk ba tïïe ni met. Caammi mo wø cïpu no olämme caala mo wø cïp bäät thøø; ni jiy bëët moo cam ge tïmö ni ba waany. 'Ba caammi mou otïïyu kiperu keeru, ni ba kïthu ge yi Øt Wuuö Jwøk.

Odheea 9:4 Iomraidhean Croise

Bwøth Wøk 29:40

ni cïp ka muuy mar møø mo pøøth ma rumi aciel ki ri caapiia mo yie da rumme apaar, mo ojääbö ki maaw ma cuŋguthi ariiø, ni cïpï ki køøŋ nyïïomøki ma cuŋguthi ariiø na jëëdhi thuwø kiper nyidiel aciel.

Bwøth Wøk 40:23

Ni ö Modhe ni cïp muunni moa näk nyuuthe bäät tharabëëta manøgø nyïm Wuuö Jwøk ni ee jiiŋŋø na kare, kaawat mana ö Wuuö Jwøki na kööm eni.

Aydheea 57:6

'Ba uuni nø, japa wøørru na en yïthakic kïte moa pøøth deŋ nyeŋ näm, beege noo tïmö na mou, na kuru; ka adïëri møn, uuna cïpö jïge ki muuce mo kwøŋ mo wø køny piny, ni mooyu geni ki muuce mo beel. ?'Ba you caarø ni cwïnya daa warø ki japøge?

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Jeremaya 16:7

Ni bäŋ ŋat mo cïpi ki cam jï jø wø kïmmi ni cøma cwïnyge kiper thøø, ni bäŋ gïn mo di maadhø mo cïbe cïbö jïge ni cøma cwïnyge, ge na wëëkge ki mëëkge thøw.

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Edhikiel 24:17

Ŋurï ki yi cwïnyï ni ba jwöŋï kiper ŋata thøw. Abïï wïc marï bëëde ni iï meen wïïï, ni kïthï war moï tietï; kär täärnyïmï uumï, ni ba cämï ki caammi mo wø jiiŋŋi kiper jø wø kïmmi.»

Edhikiel 24:22

Køøre nø, tïïyu tïïö kaamana tïïa gø; uuno tïmö ni täärnyïmmu ba loopu, nou ba cämö ki caammi mo wø jiiŋŋi kiper jø wø kïmmi.

Daniel 1:8

'Ba Daniel acuuŋö ki cwïnye ni eni dëëre ba dee døøc mo ba waany ki cam mar nyeya ki køøŋø man wø maadhe. Kanyøgø eni ŋata bëëdö na wïth jø kööre akwaae kiper nee eni wec ki man ba døøc dëëre mo ba waany ki jöö manøgø.

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Odheea 7:16

Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Jool 1:9

Muuce mo beel, ki muuce mo kwøŋ bäŋgø mo kïtha yi Øt Wuuö Jwøk këët, ni dïlämme ni wø tïny Wuuö Jwøk, ge bëëdö ni ge kïmmö.

Jool 2:14

?Aŋa ni ŋäc gø? Kanymør ree di løø, ni war cwïnye, ni wëëk køøre ki gwïëth, ni jïtu ki beel ki kwøŋ mo løny ki man cïpu ge na muuce jïre, eni na Wuuö Jwøk, Jwøk maru.

Ciik Kiper Dïlämme 17:11

Kiper jwïëy mo dëël ena ri remø, ni beeye na cïba gø jïïu nee køny bäät gïn wø cïp olämme bääte no okïdi kiperu, kiper beeye ki køør jwïëy ni wø tïm remø no okïdi.

Ciik Kiper Dïlämme 21:17

ni «Caanï jï Aran ni Wuuö Jwøk aköö, ni ‹Ki røk jø wø käl dëërï, këël beenhnhe moge moo ööi, bäŋe ŋat mo dëëre da möönynyö mo nyänhnhö ki man cïp cam no olämi jïra, a na Jwøk mare.

Ciik Kiper Dïlämme 21:21

Ki røk jøw okäl dëër dïlämi ma Aran, bäŋe dhaanhø mo dëëre da möönynyö mo nyänhnhö ki man cïp olämi man wø waaŋ ki maac jïra, a na Wuuö Jwøk. Kiper mana näk da möönynyö dëëre, eni kär nyänhnhö ki man cïp cam no olämi jïra, a na Jwøk mare.

Ciik Kiper Dïlämme 21:6

Geni, ge wär bëëtge ni ge ena kur keerge na 'moa, a na Jwøk marge, ni ba päätge nyeŋŋa, a na Jwøk marge, kiper beeye geni ni wø waaŋ olämme ki maac jïra, a na Wuuö Jwøk, ni cïpge na cam jïra, a na Jwøk marge. Geni, ge wär bëëtge ni ge ena kur keerge.

Ciik Kiper Dïlämme 21:8

Uuni, u jø Icriel, dïlämi wär raŋŋu ni ena kur keere, kiper beeye eni ni wø cïp cam no olämi jïra, a na Jwøk maru. Dïlämi wär bëëde ni ena kur keere ki jïïu, kiper aani na Wuuö Jwøk, na cïp u kur keeru, a ena kur keera.

Amøc 5:22

Këël u doo cïpö jïra ko olämme mo wø waaŋ, ki muuce mo beel, a ba jïëy ki geni; këël lääy mou moa näk olør mo wø cïpu no olämme kiper mëër, jïge ba neena.

Milkiya 2:13

Gïn mør maa cäŋu tïïyö thuwø beeye en; u jwöŋö lak gïn wø cïp olämme bääte, ni tïm pï nyeŋŋu ni øya piny bääte, nou kïmmö kiper mana ö Wuuö Jwøki na ba neen jï muuce mou, ni ba jïëc geni baŋu, ni yie ba met ki geni.

Kwään Jiy 19:11

«Ŋato wäro gut dhaanhø mo othøw bëëdö ki nïne abïriiø ni ba waany, kiper mana jït dëëre ki läbö.

Kwään Jiy 28:2

ni «Gwøgu rou ki man cïpu olämme jïra ki kwöra näk owäŋŋö, ni beeye caammi mo wø cïp jïra no olämme mo wø waaŋ ki maac, na ŋwäänyge met.»

Kwään Jiy 4:7

«Køøre abïï mo kïte caala kït abïcøle opeerge bäät tharabëëta mar muunni moa näk nyuuthe, ni kïthge cäänne ka apät ki kuure bääte, ko ogubääc jëëthe mo kwøŋ; ni muunni mo en bääte cooth bëëdö karge.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Tiet Ciik 26:14

Aani bäŋ gïn mo yaa camø ree kanya bëëda ni bääta da thøø, ni bäŋ gïn mo yaa daa ree kanya bëëda ni dëëra ba waany, ni bäŋ gïn mo yaa cïbö ree kiper dhaanhø mo othøw. Ïïni na Wuuö Jwøk na näk Jwøa, dwørï aleŋa, ni tïïa jammi bëët moa köömmï aani ki ge.