Odheea 9:3 - Wëël Jwøk

³ U ba bëëdö yi ŋööm Wuuö Jwøk këët; u døøa Ijep, u na jø tuuŋ Ipariem, ni cämu ki caammi mo ba waany ya Aciria.

Odheea 9:3 Iomraidhean Croise

1 Nyeye 9:7

aani jø Icriel käla wøk ki yïth ŋøøm moa cïba jïge, ni ö øtø mana näk yaa nø cïp kur keere kiper nyeŋŋa ni leeŋa gø wøk nyïma. Køøre nø, jø Icriel ge tïmö ni gena jø wø ŋäät dëëtge, ni bëëtge ni gena gïr waac yïthakic wïth juurre bëët.

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 2:7

'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Wëël Kïmmö 5:6

Ceŋwa acïpwa jï jø Ijep ki jï jø Aciria, nee wa jïtwa ki cam man koorwa jwïëcwa ki gø.

Edhikiel 4:13

Ni kö Wuuö Jwøki, ni «Kaawat manøgøøni, jø Icriel ge cämö ki cam mo ba waany kanyo riema ge yie yïthakic wïth juurre.»

Daniel 1:8

'Ba Daniel acuuŋö ki cwïnye ni eni dëëre ba dee døøc mo ba waany ki cam mar nyeya ki køøŋø man wø maadhe. Kanyøgø eni ŋata bëëdö na wïth jø kööre akwaae kiper nee eni wec ki man ba døøc dëëre mo ba waany ki jöö manøgø.

Odheea 11:11

Geno ööi ki Ijep kaamar weny, ni öge ki ya Aciria kaamar akuyi; ni ge ööi ni dëëtge kwanynyi. Køøre geno wëëga pïïn piny yïth mïëri moge. Luummögø caana aani, a na Wuuö Jwøk.

Odheea 11:5

'Ba kiper mana kweerge ki man luuge nyïmge baŋa, ge døøa yi laŋ kaawat mana bëëtge yi ŋööm Ijep, ni tïmge ni ge ena tier nyeny Aciria.

Odheea 7:11

'Ba jø tuuŋ Ipariem gena tïmö kaamar akuuru ma acaara mare thiinh, mo ba cädö na wøp. Geni jø Ijep cwølge cwølø ennø, ni ge cäŋa døø baŋ jø Aciria.

Odheea 7:16

Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 9:6

Uuni, u këël doo päär wøk nou ŋwieya ränynyö, u mak jø Ijepi maa ni gwaarge uuni, ni ö jø Mempici ni putge uuni 'näk ni koonyge uuni. Japa perge leth moa näk tïïc ka gwel-bïrö, bäätge tuy ko oŋöön; ni ö yïth oduŋkaare mou ni tucge ki koodhi.

Ciik Kiper Dïlämme 18:28

'Ba ni näk mo ŋöömmögø tïïyu tïïö ni ba waany, u tïïa tïïö nou kwiere kaawat mana kwier wïth juurre moa bëëdö yie dïkwøŋ nyïmmu.

Ciik Kiper Dïlämme 20:22

« ‹'Ba uuni, gwøgu ciik 'moa bëët ki luup ŋøl 'moa bëët, ni kïthu ge bäät tïïc, kiper nee ŋöömmo kïtha u yie noo bëëdu yie, nou ba tïïa nou kwiere.

Ciik Kiper Dïlämme 25:23

« ‹'Ba ŋöömö ba dwøk pwödhö nee put bëëtö na bäre bäre. Kiper ŋöömö beeye mara, a na Wuuö Jwøk, ni ni bëëdu ki aani en, u bëëdö kaamar wëëlle.

Amøc 7:17

«Kiper manøgø nø, gïna caan Wuuö Jwøki beeye en, ena köö, «ni ‹Cïïï otïmö na kääbi dï pääny, ni ö wäätï ki nyïïï ni nääi ri leny, ni ö ŋøømmi moï ni rømi ni pääŋŋi jï jø møøk, ni ö ïïni ki dëërï ni thøøï yi ŋöömö mo path. Ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Mikiya 2:10

Uuni, u ööa maal ni aayu nou mak ka tøŋ, kiper kany ba tïmö na kar bëëtö maru, kiper mana tïïyu gø ni ba waany ni ränynye, ni tïme kaamar ŋwellø mo bäŋ køny mo joode.

Moa Tïïc Nyïïatwieli 10:14

'Ba Piter aköö, ni «Jïra bäär, Kwäärö, kiper a poot kär cämö ki gïn mør jaak bäre bäre, wala gïn mo ba waany.»

Tiet Ciik 28:63

'Ba kaawat man bëët Wuuö Jwøki ni yie met ki uuni en, ni bëëtö maru ee tïïö ni beer, nou ee tïïö nou thööth, Wuuö Jwøk yie otïmö ni met ki man raany uuni thuwø, ni dïïr wïthu. U cööde wøk ki yi ŋöömmo cou yie enø nou lwørru na maru.

Tiet Ciik 28:68

'Ba kaa mana wäŋŋa nou ba døø Ijep këët, Wuuö Jwøk uuno dwøk Ijep ki yïth baabuure. 'Ba kanyo pïïyu kaace, uuno ci baŋ nyïïmännu nee u ŋeewge, nou tïmu ni uuna laaŋe jïge, ni beege u na cwøw ki mään bëët; 'ba otïmö ni bäŋ ŋat ŋeew uuni.»

Tiet Ciik 4:26

Dïcäŋi en maal ki piny otïmö ni beege gïïo ŋäc luummi en yïthakiyø ki uuni kiper gïno raac noo pïï dëëtu. Ni näk gïna caan Wuuö Jwøki ba leŋŋu, u laara thumö kany mo cään en wï ŋöömö mano cou yie nee lwørru na maru løø Naam Jördan løøga. U ba bëëdö ki kany mo bäär yi ŋöömö manøgø këët, 'ba u put ka thöör na bäre bäre.

Jøcua 23:15

'Ba kaawat mana ö Wuuö Jwøki na näk Jwøu na wëëk luup bëët thur karge moa beyø na caane kiperu, eni na Wuuö Jwøk thuwø gïï mo leth di kälö bäätu ni näk uuno bääyö, këël mano dïïr wïthu yi ŋöömmi ni beer en, ni beeye ŋöömma cïbe jïïu, eni na Wuuö Jwøk na näk Jwøu.