Odheea 9:15 - Wëël Jwøk

¹⁵ 'Ba Wuuö Jwøk aköö, ni «Tïï gïï mo reyø atäkge Gëlgela; ni puta männö ki geni kaace! 'Ba kiper rääö mar japa tïïcge, ge riema wøk yi ŋöömö mara, ni ba mëëya ki geni këët; kwääri moge bëët gena jø ageem.

Odheea 9:15 Iomraidhean Croise

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Jeremaya 11:15

Jiy 'moa moa mëëra ki geni atïmö ni tïïö ki raay mo thööth. ?Aŋø, a teega ŋø ni en jïge ki man cääthge yi øtø mara? ?Aŋø, olämme moge mo wø cïpge, ränynyö marge dege paanya piny bäätge, nee bëëtge ni ge kanynyø?»

Jeremaya 12:8

Jiya atïmö kaamar ŋuu mo bëëdö paap, ni öge ni märge bääta kaamar ŋuu. Kiper manøgønø, aana tïmö naa män ki geni.

Jeremaya 15:1

'Ba Wuuö Jwøk aköö jïra, a na Jeremaya, ni «Këël Modhe ki Camiel doo cuŋŋö nyïma ni kwaacge aani kiper jøøi ii, cwïnya ba daa løøa baŋge. Riem geni wøk nyïma, nee aacge.

Jeremaya 3:8

'Ba ki køør bëët käp mar Icriel, eni na caal dhaagø mo cwïnye ogaa wøk, ena riemma, kaawat man wø ö dhaanhe wø göön cïïe ki wëël apääk; 'ba ajooda ni coki ma Juuda na raac kär lwäyö, ni ö eni thuwø ni bëëde ni tïïya tïï käp.

Jeremaya 5:5

Aani, a cøøa baŋ jøøa kwörge døøŋŋø, ni cääna ki geni, kiper geni, jöör Wuuö Jwøk, Jwøk marge, ki ciik moe ŋäcge.» 'Ba geni thuwø, gena kweer ki man bëënge Wuuö Jwøk, ni kweerge ki man jïëcge pwöc moe.

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Edhikiel 23:18

'Ba kanya bëët nyaanøgø ni käp mare ee täärö nyeŋ jiy ni dëëre ee wii wøk, nyïma aløøa wøk ki gø ki gootø kaawat mana løøa nyïma wøk ki coki.

Odheea 1:6

Køøre Gömër yie acäŋ jïtö ki dhaanhø ni lwaare ki gø na nyakøø. Køøre Wuuö Jwøk aköö jï Odheea, ni «Cak nyeŋŋe ni Lö-ruama, kiper aani bäŋ bäth ec mo nyoodha nyoodhø jï dhi øt Icriel këët, ni ge ba wëënna këët.

Odheea 1:9

Ni kö Wuuö Jwøki, ni «Cak nyeŋŋe ni Lö-ammi, kiper u paa jiya, naa paa Jwøk maru.»

Odheea 12:11

'Ba pääny Gelät yie da raay; ka adïëri møn, jiy moe atïmö ni bäŋ karge. Ki yi Gëlgela dhäk moa näk rwädhe di cïbö no olämme. 'Ba gïï wø cïp olämme moge bäätge otïmö kaamar kïte mo ocooŋ yi pwödhö.

Odheea 12:2

Wuuö Jwøk ena bäät man lööe ki jø Juuda, eni nyïïkwaac Jeekap di jäälö ki køør uutjïëthe moge, ni cool kwör dëëtge ki køør tïïe moge.

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Odheea 4:9

'Ba gïno tägi bee en, dïlämme jääla jäälö na aciel ki jiy kiper uutjïëthe moge, ni cunna geni ki køør tïïe moge.

Odheea 7:2

'Ba ba caarge ki cwïnyge ki man näk mo japa reyø na tïïcge bëët wïïa para parø ki ge. Ge bëëdö ni geno ciel raayi moge dïër; ni raay moge ena nyïma naa raŋŋa geni.

Odheea 9:17

'Ba geni, ge kwier Jwøki mara kwierø, kiper gena kweer ki man cekge ïthge jï gø. 'Ba geno put bëëtö ni ge thääyö yïthakic wïth juurre.

Odheea 9:3

U ba bëëdö yi ŋööm Wuuö Jwøk këët; u døøa Ijep, u na jø tuuŋ Ipariem, ni cämu ki caammi mo ba waany ya Aciria.

Ciik Kiper Dïlämme 26:30

Aani kwör lam mou moa en bäät thuuri raanynya raanynyø, ni ö gïïö ni wø duuŋ gïn wø jïye ŋwääi ni met bäätge ni tøya geni, ni ö dëët jiy moa no othøw ni lööra ge bäät gïïa näk you tieŋø ni wø lammu moa no otøyø, kiper aano nø männö ki uuni.

Amøc 4:4

«U na jø Icriel, cou kar lam maru Bëthël ni putu luumma dhal, ni pööthu Gëlgela thuwø nou meeta adhala maru. Wäro tïme na amöölla cooth, olämme mou wär kïthu kar lam jaak, ni cïpu paac wïth jammi mou ki køør nïne adäk cooth thuwø.

Amøc 5:27

Kiper manøgø nø, u wëëga mak ki tøŋ ni kïth uuni ŋää Damacka.» Luummögø caana Wuuö Jwøki, eni na wïth jammi bëët.

Amøc 5:5

'ba kär näk mou manynya Bëthël, ni ba cou Gëlgela, ni ba pööthu Bëërcïïba; kiper Gëlgela omak ki tøŋ, ni ö Bëthëlli ni tïme ni bäŋ kare.»

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 6:5

U na jiya, ennø, beerra man parru wïthu ki luum gïna caar Balaki nyeny Möap nee tïïe dëëtu ki ri Beelam, ki gïna dwøk Beelammi o Beeyör ni eni kwiera mar Balak. Parru wïthu ki gïïa tägö kanya tïŋŋu Cëthim nou cøøa Gëlgela, kiper nee tïïe mo Wuuö Jwøk na beyø na tïïe nee ŋäyu.»

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Dhekaraya 11:8

'Ba ki yi dwääy aciel, dïkwääc dïëk moa na adäk ariemma. Kiper aana kwierge, ni puta gootø ki geni thuwø;

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.

Moa Tïïc Nyïïatwieli 5:21

'Ba na nø wïnyge gïnögø, gena døny yi kal mar Øt Jwøk Mana Dwøŋ ni cäŋ tuulö, ni pööge. 'Ba kanyøgøøni, Kwääy Lam Mana Dwøŋ aöö ki jøøa en buute, ni cooŋ kwääc løøe ki jaae mo Icriel, ni jääk baŋ jøøa twöc nee ge käli.

Jøcua 10:43

Køøre Jøcua ki jø Icriel bëët moa näk jø leny na cäädhö ki eni gena duu twïër kanya bëëtge yie Gëlgela.

1 Camiel 7:16

'Ba ki yi cwiir cooth eni wø cøøa Bëthël ki Gëlgela ki Micpa, ni ŋøl luup mo jø Icriel yïth päänye moøgø bëët.