Odheea 9:13 - Wëël Jwøk

¹³ 'Ba jø tuuŋ Ipariem ajooda ni ge bëëdö ni tietge okëët piny yi ŋöömö mo beer kaamar jø Tayar. 'Ba ennø, obwöre moge bwöthge wøk kuna nääi.

Odheea 9:13 Iomraidhean Croise

2 Nyeye 15:16

Kanyøgø Menaëm acäŋ tïŋŋö ki Tirja, ni tuk Tipca ni raany gø ki jiy moa en yie bëët, ki mïëri moa en deŋŋe, kiper mana ö jøøgø na kweerge ki man cïpge ceŋge jïre. Ni ö eni ni riet yïth mään bëët moa näk yïthge da jiy.

Jööp 27:14

Eni këël mo wääte thööth, ge thöör opëëllö thöörö ki 'näk, ni ö nyïïkwaaye ni bëëtge ni ge ba jïti ki cam mo orømø kiperge.

Jeremaya 7:15

Ni riemma uuni buuta kaawat mana riemma nyïïmëëgu ma nyïïkwaac Ipariem.› » Luummögø caana Wuuö Jwøki.

Jeremaya 9:21

Kiper thøø kare anø cäännö, ni nø pïïe dhøk awëërnyeŋŋi moø, ni døny kwöra näk ogeerø ni teek, ni thöör obwöre dï paac, ni thöör cwøw moa teek kwör acooŋe.

Wëël Kïmmö 2:22

Ïïni jiy acwølï kipera kaawat man wø cwøl jiy cäŋ ajwöma, ni ö lwärri mo dwøŋ ni ciel aani dïër. Yi cäŋ wëër mar Wuuö Jwøk bäŋ ŋat mo obøth wala mo okwøw. Jiy moa gwøa na piidha, wïthge adïïr nyimänni mara.

Edhikiel 27:3

Caanï jï pääny Tayar, paana en deŋ naama dwøŋ ni wø gädhö ki wïth juurre mo thööth mo wø en bäät naama dwøŋ, ni kööï jïre ni man beeye luumma caan Kwäärö Wuuö Jwøk, ena köö, « ‹Wui, pääny Tayar, ïïna köö niï mïërö døc.

Odheea 10:14

Kiper manøgønø, okiera mar leny tägö dëët jø pou, ni ö kwör leny mou moa teek ni raanynyi, kaawat mana ö Calmen na raany Bëëth-Arbel ri leny, kanya ö mëëe na nyadhi na aciel ko obwöre moge.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Odheea 13:8

Aani, a päära bäätu kaamar cwieny mo nyïïe okälö, ni puta u cöötö ki kööthu. U cama camø ni puta u thöör, kaawat man wø tïïc ŋuuwi ma maath, ni puta u cöötö kaawat man wø tïïc cwienynyi.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 9:16

Jø tuuŋ Ipariem ge caala jaath mo lweedi moe otal. Ge ba jïti këët ko obwöre. 'Ba ge këël doo jïtö ko obwöre, obwöre moge na perge leth jïge nääa nääö.»

Amøc 7:17

«Kiper manøgø nø, gïna caan Wuuö Jwøki beeye en, ena köö, «ni ‹Cïïï otïmö na kääbi dï pääny, ni ö wäätï ki nyïïï ni nääi ri leny, ni ö ŋøømmi moï ni rømi ni pääŋŋi jï jø møøk, ni ö ïïni ki dëërï ni thøøï yi ŋöömö mo path. Ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »