Odheea 8:8 - Wëël Jwøk

⁸ «Ennø, jø Icriel anø cam, ni ge ena dï wïth juurre møøk, ni tïmge kaamar gïrpiny mo bäŋ gïn kønye këët.

Odheea 8:8 Iomraidhean Croise

2 Nyeye 18:11

Køøre nyeny Aciria jø Icriel amaae ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

Aydheea 30:14

Ni pädhe kaawat man wø päth daki ni wø peti na thäŋi, ni bäŋ abat mare mo dööŋ mo rømø ki man käär maac ki gø, wala man twøm pïï ki gø yi iith.»

Jeremaya 22:28

Ennø, nyenøgø na Jekönaya enø, atïmö ni caala dak mo othøw mo pere ba leth, na dak mo bäŋ ŋat mo many gø këët, ni beeye na wet eni ki wääte en, ni leeŋ geni yi ŋöömö mo kucge.

Jeremaya 25:34

U na dïkwääye, jwöŋu ni kïmmu; u na jøøa kwörge døøŋŋø, buugu dëëtu ki bur; kiper cäŋ man ŋaal u yie aöö, ni ö uuni ni päänhnhu ni petu kaamar dak mo pere leth mo reep.

Jeremaya 48:38

Yïth uudi mo Möap bëët, ki kwör acooŋe moe, tïmö ni beeye oduuru keere noo wïnynyi, kiper a na Wuuö Jwøk, jø Möap nyadha nyadhø kaawat man wø nyath dak mo bäŋ ŋat mo many gø.

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Jeremaya 51:34

Nabukedenecör nyeny Babiløn powa ma Jerucalem acame, ni raany gø; ni wec gø ni bäŋ gïn mo odööŋ yie, ni bëëde kaamar dak mo yie ŋaam. Jerucalem aløønye kaawat man wø tïïc nyäällö, ni pääŋ yie ki jap gø moa perge leth, ni gøøp yi gø døøc.

Wëël Kïmmö 2:16

Nyïïmän mou bëët dhøkge ajapge bäätu, ni buuge ni ge kaaca lakge, ni köge, ni «Wïthge dïïrwa dïïrö ennø. Ka adïëri møn, man beeye cäŋa koorwa kiperge; waana pïï yie ennø, ni jootwa gø.»

Wëël Kïmmö 2:2

Kwäärö Wuuö Jwøk kwör bëëte bëët mo jic Jeekap araanynye, ni cwïnye käre warø. Kwör gwøk røk moa no ogeerø ni teek yïth päänye mo jø Juuda anyaa piny ki køør wëër mare. Eni buc nyec marge ki kwääri moge aleeŋ yïth ŋøøm ni pääta geni.

Wëël Kïmmö 2:5

Kwäärö Wuuö Jwøk atïmö kaamar nyimän. Eni Icriel bäre araanynye, ni raany kwör gwøk røk bëët mo gø. Eni kiiri mo päänye mo Icriel moa no ogeerø ni teek araanynye, ni ö eni ni meet kïmmö ko oduuru mar jø Juuda.

Wëël Kïmmö 4:2

Wäät Dhayan na beer marge pääri ka warkey mana tøŋ, geno tïmö ni caala dääe nidïï mo wø tïïc dïcwäc dääe ki ceŋge!

Wëël Kïmmö 5:2

ŋøøm moa cïpï jïwa akäl jø møøki, ni ö mïëri mowa ni tïmge na mo wëëlle.

Edhikiel 36:3

Kiper manøgønø, caanï jïge ni kööï ni man beeye luumma caan Kwäärö Wuuö Jwøki, ena köö, ni ‹Kiper mana ö nyïïmän mou na wëëkge ŋöömö maru ränynyö, ni cielge uuni dïër ki deŋŋu bäre, ni tïmu nou ena tiet juurre møga, nou bëëdö ni uuna gïr ajøøŋ dhøkge,

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Wëëlö Mana Göör Pøølli Baŋ Jø Röm 9:22

Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø,

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.