Odheea 8:7 - Wëël Jwøk

⁷ Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Odheea 8:7 Iomraidhean Croise

Wïlöölö 41:23

Ni ö jööth abäy møøk ma abïriiø mo otal mo nyeŋge omat mo owaaŋ cäŋŋi, ni tucge køørge.

2 Nyeye 15:19

'Ba Puul nyeny Aciria aöö nee këëde ki jø Icriel, ni ö Menaëmmi ni cïpe jï Puul ki gwet-bïrö mo peek mare beeye rumme ma kuma aciel mo røm ka rumi mana cwøl ni kikar kiper nee eni køny Puulli nee tier nyec mare këët piny ni teek.

2 Nyeye 15:29

'Ba ki yïth nïne moa bëët Peka ni ena nyeny Icriel, Tiglat-Pilëëcër nyeny Aciria aöö ni mak päänye moa cwøl ni Ijöön, ki Abël-Bëëth-Maika, ki Janöa, ki Këdëc, ka Adhör, ki ŋööm Gelät ki ŋööm Galili, ni beeye ŋööm jø tuuŋ Naptali bäre; ni mak jiy ki tøŋ ni kïth ge ya Aciria.

Jööp 4:8

'Ba mana ŋääa, jø wø bëëdö ni ge puura raay, ki jø wø bëëdö ni ge piitha gïï mo reyø, nyïï gø kacge kaaø.

Pwöc Leec Wïc 22:8

Ŋat wø piith raay, gïï mo leth okaae, ni ö teek mar wëërri mare ni ränynye.

Luup Dïpööy 5:16

'Ba manøgø beeye gïn mo raac døc thuwø. Kaawat mana ö eni na nywøli ni bäŋ gïrpiny jïre, eni poot thøw thuwø na ennø nø. ?Aŋø, agïnaŋø noo duue nø ki man ö dhaanhe ni ööl ree jaak ki tïïc en, ni caala man many jamø nee mak?

Aydheea 17:11

ni ciellu gø ki kal dïcäŋo piithu gø yie, ni noo tïme na amöölla, gïïa piithu puta døøŋŋø ni ŋøøkge, kanyo kaay bäŋ gïn mo joot, ni ö dïcäŋeca ni tïme na cäŋ täwe ki rääm mo leth.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Wëël Kïmmö 5:2

ŋøøm moa cïpï jïwa akäl jø møøki, ni ö mïëri mowa ni tïmge na mo wëëlle.

Odheea 2:9

«Kiper manøgønø, beel 'moa wara warø baŋe ni 'käla ge kanyo ciekge, ni wara køøŋŋa na met ni 'käla gø dïcäŋo kee. Aani thuwø abïï cuup mara ka abïï lïïna mara, moa cïba jïre nee dëëre uume ki ge kiper wääth-dëël mare, wara warø baŋe ni 'käla ge.

Odheea 7:9

Teek marge alwør jøøa pathi ni bäŋ gïn mo ŋäcge, këël mana tuc wïthge ki lwaar ni poot kucge.

Odheea 9:16

Jø tuuŋ Ipariem ge caala jaath mo lweedi moe otal. Ge ba jïti këët ko obwöre. 'Ba ge këël doo jïtö ko obwöre, obwöre moge na perge leth jïge nääa nääö.»

Neeyam 1:3

Wuuö Jwøk ba laar wëër, ni eni teek mare dwøŋ; 'ba Wuuö Jwøk jø raay ba wiie ni ba jääle. Kany wø cäädhe, piny puta jïtö ka apwøyaweerø ka atuunna, ni tïm pøølli na tør mar tiete.

Agëë 1:6

Uuna bëëdö nou pïïdhö ki gïï mo thööth, 'ba atïmö ni duua mo nøk. U bëëdö nou cämö, 'ba u ba jäŋ. U bëëdö nou mädhö, 'ba u ba røm. U ruuö ka abïïe, 'ba dëëtu ba murri. U mägö ki jap kwäk mou, 'ba kïïce mou bëëdö kede otuc.»

Galeecia 6:7

Kär dëëtu cøøgu. Jwøk ba maar cøøgø. Kiper gïn wø piith dhaanhe, beeye wø cäŋ kayø.

Galeecia 6:8

Kiper ŋat wø piith gïï wø many dëëlli, beeye ränynyö noo kaae. 'Ba ŋat wø piith gïï wø many Jwïëc Jwøki, kwøw mana näk adïëri mo bäŋ cuŋŋe na en ri Jwïëc Jwøk okaae.

Tiet Ciik 28:33

Caammi mou moo ciek yi ŋöömmu, ki gïïa jootu ki køør öölö maru, ocam jiyi møøk mo dëëtge kuyu; 'ba mano jootu keere beeye thiel piny ki caannø cooth.