Odheea 8:5 - Wëël Jwøk

⁵ Wui, jø Cameria, kït gïn wø lam na näk otieŋø na nyirøøa yaa kwierø. Wëër mara liel bäät jiy kaamar maac. ?Aŋø, a këël yi wäne nø noo bëët jiyi ni dëëtge ba tïïcge ni waany?

Odheea 8:5 Iomraidhean Croise

2 Luup Nyeye 13:8

«'Ba ennø, uuna cädö ki man ŋäbu ki buc nyec mar Wuuö Jwøk man ni en ceŋ nyïïkwaac Deebit en, ni uuna lwaak mo päl mo buutu da nyïïrøøe mo tïïc ka warkey, nyïïrøøga tïïc Jeröbämmi kiper nee bëëtge na juu mou.

Pwöc Leec Wïc 1:22

ni «?U na näk acaara maru thiinh, a këël kany mo nyïëdi nø noo bëëdu nou mëër ki bëët thïnh acaara? ?Naa këël kany mo nyïëdi nø noo bëët jø abuua ni yïthge met ka abuua, ni bëët jøøa wïthge känni ni ge kweeyø ki kwänynyö?

Aydheea 45:20

«Dwallu rou na aciel ni ööu! Nyänhnhu kany mo cään na aciel, u na wïth juurre moa no obøth. Jiy mo wø käär jenni na juu mo wø lam, ni wø lam juu moøgø ni ba kunyö yøø, bäŋ gïn mo ŋäcge.

Jeremaya 13:27

Tïïe moï moa näk ec raac ki ge døc na tïïyï kwör lam moa en bäät thuuri ajooda, ni beege luui moï, ki tïk mana en riï, ki käp marï. Wui, ï na Jerucalem, otïmö ni raac jïrï! ?A këël kany mo nyïëdi nø noo bëëdï niï ba waany?»

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Jeremaya 48:13

Jø Möap wïthge olää jwøge ma Kemöc kaawat mana ö wïth jø Icrielli ni lääi ya jwøki mana ŋääthge na lamge Bëthël.

Odheea 10:5

Jø Cameria lwäyö kiper gïno tägi dëër gïna no otïïö na nyirøøa mar Bëëth-Awëën. Ka adïëri møn, jiye kïmmö kipere, ni ö dïlämme mo kït gïï wø lam ni gööge ko oduuru bääte kiper mano lwør ajiem mare baŋge noo kïthi paac mør.

Odheea 10:8

Kwör lam moa en bäät thuuri mo Awën, na näk bee kwör wø tïï jø Icrielli yïthge ki raay, di raanynyø. Koodhi ko otwel tuy yïthge ni uumge gïï wø cïp olämme moge bäätge. Køøre nø, ge köö jï kïte, ni «Rïëpu wa!» Ni köge jï thuuri, ni «Buŋŋu wa!»

Odheea 13:2

'Ba ennø, jø dhi øt Ipariem raay atïmö ni meetge bäätge; geni, ge tïïö ki kït gïï wø lam kiper dëëtge, ni tïïcge ka gwel-bïrö, ni tïïya rëëmmö ki jöör riek waŋ. Ni ö luubö man ni caani kiperge na ennø nø, ni «Geni, ge jëëtö ki dhaanhø man cïp olämme, ni nuumge kït gïï wø lam moøgø na no otïïö ni caala nyïïrøøe.»

Odheea 8:6

Kiper japøgø tïïya jø Icrielli! Ni kït gïno no otïïö kaamar nyirøøa enø patha Jwøk; ena gïn mo tieŋa dhaanhe ma rëëmmö jaak. Ka adïëri møn, eni di tøyø ni put petø na thäŋi.

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

Mikiya 1:7

Gïï wø lam yie bëët di tøyø na thäŋi, ni ö gïïa joot bëët ki køør tïï käp yi øt jwøe ni waaŋi ki maac, ni ö gïïa no otieŋø yie bëët ni wø lam ni raanynya geni, kiper gïïögø tïïc ka jap wø joot ki ri käp, ni gïïögø beege ni wø cäŋ wïth juurre tïïö ki jap käp ki ge.»

Moa Tïïc Nyïïatwieli 7:41

Ni tïmge ki kït gïn wø lam mo caala nyirøøa yïth nïrögø ni cïpge ko olämme jïgø, ni mïn yïthge kiper gïïa tïïcge ki ceŋge.

Tiet Ciik 32:22

Kiper wëër mara äpö kaamar maac, ni liele këël mano këët Ciöl, kanya näk kar bëët jwïëc jøøa näk othøw; ni waaŋ piny bäre ki gïïa en yie bëët ni thöör ge; këël kïte na näk tietge okëët piny waaŋe waaŋø.