Odheea 8:13 - Wëël Jwøk

¹³ Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 8:13 Iomraidhean Croise

Bwøth Wøk 20:3

«Kär dee juu møøk jïrï këët nyïma.

Bwøth Wøk 32:34

'Ba ennø, ciï ni bwødhï jø Icriel kanya näk yaa caanø jïrï. Ka adïëri møn, nyïïatwiel maal mara ojääŋŋa nyïmï; 'ba kanyo tïme na kar ŋøl luup, kar kaaca nø bääyö marge oŋøla bäätge.»

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Aydheea 1:11

Wuuö Jwøk aköö, no «?Olämme mou na thööth kønyge ŋø kipera? Aana jøøm ko olämme mo wø waaŋ bäre mou moø ni thööth yøø, ni beege olämme mo nyöök rööm ki dwäle mo dhäk. Yia ba mïnni ki rem mo rwädhe ki mo nyïïdïëk, wala rem atëëe.

Jeremaya 14:10

'Ba mana løk Wuuö Jwøki kiper jøøi ii beeye en, ena köö, ni «Jøøi ii, ge mëër ka wïïrö køør juu møøk, ni dëëtge kärge mänö ki wääth køørge. Kiper manøgønø, ge ba jïëa, a na Wuuö Jwøk, ni ennø, bääyö marge bëëdö ni ŋääa, ni jääla geni kiper raay moge.»

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Edhikiel 29:16

Ijep ba tïmö këët na kany ŋääth jø Icrielli, 'ba jø Icriel wïthge oparge ki bääyö marge mana wara ŋääthge Ijep. Ni putge gø ŋäc ni bee aani na Kwäärö Wuuö Jwøk.› »

Odheea 11:5

'Ba kiper mana kweerge ki man luuge nyïmge baŋa, ge døøa yi laŋ kaawat mana bëëtge yi ŋööm Ijep, ni tïmge ni ge ena tier nyeny Aciria.

Odheea 12:11

'Ba pääny Gelät yie da raay; ka adïëri møn, jiy moe atïmö ni bäŋ karge. Ki yi Gëlgela dhäk moa näk rwädhe di cïbö no olämme. 'Ba gïï wø cïp olämme moge bäätge otïmö kaamar kïte mo ocooŋ yi pwödhö.

Odheea 4:9

'Ba gïno tägi bee en, dïlämme jääla jäälö na aciel ki jiy kiper uutjïëthe moge, ni cunna geni ki køør tïïe moge.

Odheea 5:6

'Ba këël ge doo aay ni ge käädö ki dïëk ki dhäk, ni ge manynya Wuuö Jwøk, eni ba jootge, kiper ree ee nø paany dïge.

Odheea 6:6

Kiper aani, yia wø met ki mëër mo ba jøøl ni kaala olämi man wø cïp, ni yia wø met ki man ŋäc aani, ni kaala olämi man wø waaŋ bäre.

Odheea 7:11

'Ba jø tuuŋ Ipariem gena tïmö kaamar akuuru ma acaara mare thiinh, mo ba cädö na wøp. Geni jø Ijep cwølge cwølø ennø, ni ge cäŋa døø baŋ jø Aciria.

Odheea 7:16

Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

Odheea 7:2

'Ba ba caarge ki cwïnyge ki man näk mo japa reyø na tïïcge bëët wïïa para parø ki ge. Ge bëëdö ni geno ciel raayi moge dïër; ni raay moge ena nyïma naa raŋŋa geni.

Odheea 9:6

Uuni, u këël doo päär wøk nou ŋwieya ränynyö, u mak jø Ijepi maa ni gwaarge uuni, ni ö jø Mempici ni putge uuni 'näk ni koonyge uuni. Japa perge leth moa näk tïïc ka gwel-bïrö, bäätge tuy ko oŋöön; ni ö yïth oduŋkaare mou ni tucge ki koodhi.

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Odheea 9:9

Uuna døny yïth raay døc, ni caala mana tïïc yi Giba; 'ba Jwøk wïïe opare ki rääö maru, ni jääl uuni kiper raay mou.

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Amøc 5:22

Këël u doo cïpö jïra ko olämme mo wø waaŋ, ki muuce mo beel, a ba jïëy ki geni; këël lääy mou moa näk olør mo wø cïpu no olämme kiper mëër, jïge ba neena.

Amøc 8:7

Wuuö Jwøk ni wø jït jic Jeekapi ka atöör kipere akööŋ dëëre keere, ni kööe, ni «Røk gïïa tïïcge bëët bäŋ gïn mo wïïa wïl ki gø.

Luk 12:2

Bäŋ gïrpiny mo ouumö mo ba cäŋ nyoothø, wala gïrpiny mo okanø, mo ba cäŋ jootø.

1 Körin 11:20

'Ba kany wø cooŋŋu dëëtu kanya ciel, atïmö ni paa cam mar Kwäärö ni wø cammu.

1 Körin 11:29

Kiper ŋato wäro cämö ni mädhe ni bäŋ gïn mo ee caarø kiper dëërögø, cam mare ki maath mare käla ajäla bääte.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

Tiet Ciik 28:68

'Ba kaa mana wäŋŋa nou ba døø Ijep këët, Wuuö Jwøk uuno dwøk Ijep ki yïth baabuure. 'Ba kanyo pïïyu kaace, uuno ci baŋ nyïïmännu nee u ŋeewge, nou tïmu ni uuna laaŋe jïge, ni beege u na cwøw ki mään bëët; 'ba otïmö ni bäŋ ŋat ŋeew uuni.»

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.