Odheea 8:10 - Wëël Jwøk

¹⁰ 'Ba këël na bëëtge ni dëëtge ege gath wøk dï wïth juurre, aani, ge cäŋa ka cooŋ kanya ciel, ni ö geni ni putge gïï mo leth jwør cer nyeya mana teek.

Odheea 8:10 Iomraidhean Croise

2 Nyeye 14:26

Kiper Wuuö Jwøk caannø mar jø Icriel bëët mana leth na caan geni ki gø, ni beege jiy bëët këël laaŋe, ajoode, ni bäŋe ŋat mo kønya ge.

2 Nyeye 17:3

'Ba Calmanëcër nyeny Aciria aöö ni këëde ka Awcë, ni ö Awcë ni put tïmö ni ena tiere ni cïpö ka ajwäk jïgø.

2 Nyeye 17:4

'Ba ajoot nyeny Aciria na Awcë gëëmö, kiper Awcë ajääk baŋ Cööe nyeny Ijep ki jiy nee eni køny, ni kweere ki man cïpe ka ajwäk jï nyeny Aciria, kaawat man wø cïbe ki yi cwiir cooth. Kanyøgønø, ena mak nyeny Aciria ni kïth gø yi øt twöc.

1 Luup Nyeye 5:26

Kiper manøgønø, Jwø Icriel atïïö cwïny Puul nyeny Aciria, ni beeye Tiglat-Pilëëcër, ni mak ge ki tøŋ ni käl geni, ni beege jø tuuŋ Ruben ki jø tuuŋ Gaat ki thääŋ jø tuuŋ Maneeca, ni kïth geni ya Alay ka Abör ka Ara ki bäät Naam Gödhan, ni putge bëëte yie këël dïcäŋi en.

Aydheea 10:8

Kiper ena köö, na «?Aŋø, kwääc lwaae mo leny 'moa, paa nyeye bëët?

Aydheea 30:2

Gena kweer ki man pëënyge aani, ni cige Ijep nee göökge ri Peerø nyeny Ijep nee ge køny, nee Ijep tïme na tïpö bäätge man gwøk geni.

Aydheea 36:13

Kanyøgø kwääy lwaa leny aput ö maal ni rwääye ki dhi Ibaru ni dwøre ee tïŋ maal ni kööe, ni «Uuni, wïnynyu dwør nyeny Aciria na dwøŋ.

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Edhikiel 16:33

Jiy bëët mo wø gath dëëtge ki käp, ge wø di cunnö ki gwel, 'ba ïïni, ï cïpö ki muuce jï omëërri moï jaak niï ŋeewa geni ki man öge baŋï ki kwöra enge yïthge bëët, ni käbï ki ge.

Edhikiel 16:37

kiper manøgønø, aani a öö ni cooŋa omëërri moï ni wø jïtï ki met ec ki ri niine ki ge, ni beege jø wø mëërï ki ge bëët, këël jø wø mänï ki geni. Aani, ge cooŋa cooŋø ki kwöra enge yïthge bëët, ni pwödha abïïnï wøk dëërï nyïmge ni putge dëërï bäre neetø niï bëëdö ka dëërï.

Edhikiel 22:20

Kaawat man wø ö gwel-bïrö ki nywïëny møøk ma teeŋi wø kïthi ya dhaanhe yi maac ni leenya ge, aani thuwø u cooŋa cooŋø ki wëër mara, ni beeye wëër mara ni wø liel kaamar maac, ni kïtha u dï pääny ni jääla uuni ka ajäla mo caala man wø leeny nywïënyö.

Edhikiel 23:5

«'Ba Ööla ena cäŋ bëëtö ni gatha dëëre ki käp kanya nø tïme na cïïa, ni eni bëëdö ni rïïŋö køør omëërri moe, ni beege jø leny mo jø Aciria,

Edhikiel 26:7

«Kiper man beeye luumma caan Kwäärö Wuuö Jwøki, ena köö, ni ‹Aani, Nabukedenecör nyeny Babiløn na näk nyeny nyeye, käla kälö ki wï-piny, ni käädö ko okwëënyi, ki jïëth okwëëc leny, ki jø wø këëdi ki bäät okwëënyi, ki jø leny mo thööth nee öge kuna raanyge Tayar.

Daniel 2:37

Wui ï na nyeya en, beeye ïïni na nyeny nyeye. Jwø maal käädö mar nyec, ki teek, ki thwønh, ka ajiem acïbe jïrï,

Odheea 10:10

Kanyo manynya gø jaak, ge jääla jäälö; wïth juurre cooŋa cooŋø ki man tïïge ki gïn mo raac dëëtge, ni jääla ge kiper raay moge na thööth.

Odheea 12:2

Wuuö Jwøk ena bäät man lööe ki jø Juuda, eni nyïïkwaac Jeekap di jäälö ki køør uutjïëthe moge, ni cool kwör dëëtge ki køør tïïe moge.

Agëë 2:6

«Wuuö Jwøk, eni na wïth jammi bëët, aköö, ni ‹Ki kany mo thiinh, aani, maal ki piny, ki näpa døøŋŋø, ki ŋøøm moa no otal cäŋa ka jäŋŋö ki yie aciel keere.