Odheea 7:7 - Wëël Jwøk

⁷ Ge bëët, ge bëëdö ni cwïnyge lïëth kaamar këënnö; dïbwöthe moge athöörge ki 'näk, ni ö nyeye moge bëët ni bëëtge ni geno päänhnhö no othøw. Bäŋgø dëëtge mo ocwøl aani.

Odheea 7:7 Iomraidhean Croise

1 Nyeye 15:28

'Ba Nadap anäk Baaca ni läw kar gø na nyeya ri dää cwiiri moa beet Aca na nyeny Juuda.

1 Nyeye 16:18

'Ba kanya ö Dhimri na joot gø ni pääny onø mak, ena døny kar gwøk røk mana teek na en øt nyec, ni waaŋ øtø bääte, ni thøøe.

1 Nyeye 16:22

'Ba jiy moa ci køør Ømri atïmö ni teeka geni ki jiy moa ci køør Tibini o Ginat. Køøre Tibini anäk, ni ö Ømri ni tïme na nyeya.

2 Nyeye 10:14

Kanyøgø Jiyu aput köö jï jiye, ni «Magu geni.» Køøre jøøgø aputge mak ni 'näkge ge bäät buur mana en Bëëth-Ikid. 'Ba kwään jøøgø beege jiy ma pïëraŋween kurriiø; ni bäŋe gø mo ee wiiø dëëtge.

2 Nyeye 10:7

'Ba kanya pïïc wëëlö manøgø baŋge, geni jøøgø na pïërabïriiø na käl dëër nyeya yøø aputge lwør ni 'näkge ge, ni kïthge wïthge yïth gupe, ni jääŋge ge Jedhriel baŋ Jiyu.

2 Nyeye 15:10

'Ba Calum wär Jabëc agëëmö ki Dhekaraya, ni tuk gø piny ni 'näk gø dï jiy, ni läw kar gø na nyeya.

2 Nyeye 15:14

Køøre Menaëm o Gadi atïŋŋö Tirja ni ci Cameria, ni tuk Calum wär Jabëc piny ni 'näk gø kaace, ni läw kar gø na nyeya.

2 Nyeye 15:25

'Ba kwääy jø leny mare ma Peka o Remaliya adwätö ki jø Gelät ma pïërabïïc, ni gëëmge ki eni, ni tukge gø piny Cameria, ge ki Argøp ki Ariie, ni eni ena kar gwøk røk mana no ogeerø ni teek paan dwøŋ, ni puti ya Peka 'näk, ni ö Peka ni läw kar gø na nyeya.

2 Nyeye 15:30

'Ba Awcë wär Ëla agëëmö ki Peka o Remaliya, ni tuk gø piny ni 'näk gø, ni put läw kar gø na nyeya. 'Ba gïnögø atägö kanya tïme na ri cwiiri ma pïërariiø moa bëët Jötham wär Adhariya ni ena nyeny Juuda.

2 Nyeye 9:24

Køøre Jiyu atum mare aput teel døc ni këël Jeyöram ki bäät jaae; ni ö atheerø ni pööth bäät wenynye; ni ö eni ni put ninoot yi jääy mare ni thøøe.

2 Nyeye 9:33

Køøre Jiyu aköö, ni «Lëëŋu nyijøøgø piny.» Kanyøgønø, geni nyijøøgø aputge lëëŋ piny; ni ö remme ni neeker dëër øtø ki dëët okwëënyi. Ni ö Jiyu ni nyør nyijøøgø ko okwëënyi.

Jööp 36:13

«'Ba jøøa näk cwïnyge tøør ri Jwøk, ge bëëdö ni geno gootø; geni ge ba jwöŋi kiper køny kany wø ö Jwøki wø wëëk ge twöc.

Aydheea 43:22

«'Ba ï na Jeekap, nyeŋŋa kärï cwølø. Wui, ï na Icriel, ïïna jøøm ki aani.

Aydheea 64:4

Ki mana käl ya acääŋŋe cøøn, bäŋ jwøk mo owïnynyö wala mo ïth ocieø kipere wala mo oneenø, 'ba bee ï keerï, ï ni wø tïny jø wø koor ïïni.

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Aydheea 64:7

Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Edhikiel 22:30

«'Ba aana määnyö dïge ki dhaanhø mo geer kiir, mo cuŋŋö nyïma kanya no opädhö ri kiir, kiper nee paac ba raanynya; 'ba bäŋ dhaanhø mo yaa joodø.

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Odheea 13:10

?Age nyeya maru ennø, mo løny jïre ki man piem uuni? ?Age dïbwöthe mou moa en yïth päänye mou bëët, na cäänu ki geni ni kööu, ni ‹Wa röönynyi ki nyeya ki kwääri›?

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Odheea 7:10

'Ba këël na bëët jø Icrielli na atöör marge okännö ka ajäla bäätge, ge kär jïëy ki man duuge baŋa, a na Wuuö Jwøk, Jwøk marge; naa kärge manynyø, këël na täk japøge bëët.

Odheea 7:14

Ge ba jwöŋi dëëra ki jwøk mo käla yïth cwïnyge kany wø gööge ko oduuru kwör niine moge. Kany wø lämge kiper caammi ki kwøk nyïïomøki, dëëtge ŋarge ŋarø, ni wecge aani.

Odheea 8:4

Gena röönyö ki nyeye naa kärge pëënynyö, ni röönyge ki kwääri ni bäŋ gïn mo ŋääa kipere. Gena tïïö ki kït gïï wø lam kiper dëëtge, ni tïïcge ka gwet-bïrö ki warkie moge, 'ba geno put ränynyö ki køør japøgø.

Mikiya 2:1

Otïmö ni raac jï jø wø caar gïï mo reyø, jø wø caar tïï gïï mo reyø kany wø enge kwör niine moge. Ni kany wø ruu øwi ka amöölla, gïna caarge wø putge ka tïïc, kiper jïge oløny ni da teek ki man tïïcge gø.