Odheea 7:16 - Wëël Jwøk

¹⁶ Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

Odheea 7:16 Iomraidhean Croise

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 3:10

'Ba këël na bëët coki ma Juuda na raac ni gïïögø bëët ŋääe, eni na Juuda kär duu baŋa ki cwïnye bäre, 'ba mare beeye cwøk keere.» Luummögø caana Wuuö Jwøki.

Jeremaya 42:18

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, räny cwïny mara ki wëër mara 'käla bäätu kanyo pïïyu Ijep, kaawat mana käla wëër mara bäät jøøa bëëdö Jerucalem; ni tïmu ni uuna gïr acïëni, ni jiy cwïnyge böö ki gïno tägi dëëtu, ni tïmu na gïr ajøøŋ na gïr abuua; ni kany ba jootu këët.

Edhikiel 23:32

«'Ba man beeye luumma caan Kwäärö Wuuö Jwøki kiperï, ena köö, «na ‹Athöönh gïna leth mar coku maathï maadhø, ni beeye athöödhi mo dwøŋ mo yie laac; jiy oŋeethi bäätï ni buuge ïïni, kiper mana näk mo opääŋö døc.

Edhikiel 36:20

Kwöra cige yïthge bëët dï wïth juurre, ge bëëdö ni ge pääta nyeŋŋa na en kur keere, kiper jiy cäänö kiperge, ni ‹Moøgø beege jic Wuuö Jwøk ni ee cäŋ mänö yøø ki man bëëtge yi ŋöömme.›

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Odheea 11:5

'Ba kiper mana kweerge ki man luuge nyïmge baŋa, ge døøa yi laŋ kaawat mana bëëtge yi ŋööm Ijep, ni tïmge ni ge ena tier nyeny Aciria.

Odheea 11:7

Gena reeth ri man løøge ŋäthge wøk ki aani, 'ba ge këël doo jwöŋö dëëra, a na Jwøa Dwøŋ ni en Maal, ge ba kønya.

Odheea 6:4

Wuuö Jwøk aköö, «?Wui, jø tuuŋ Ipariem, agïnaŋø noo tïïa ki uuni nø? Wui, jø tuuŋ Juuda, agïnaŋø noo tïïa ki uuni nø? Kiper mëër maru caala pøøl mo amöölla, ni caala thööy ni wø laar rwäänyö.

Odheea 7:13

Otïmö ni leth jïge, kiper mana paanyge rege buuta! Ränynyö oen bäätge kiper mana gëëmge ki aani! Gena manynya ki man piema geni, 'ba gena tïmö ni ge cara tööt kipera.

Odheea 9:3

U ba bëëdö yi ŋööm Wuuö Jwøk këët; u døøa Ijep, u na jø tuuŋ Ipariem, ni cämu ki caammi mo ba waany ya Aciria.

Odheea 9:4

U ba kuny piny këët ki muuce mo kwøŋ jï Wuuö Jwøk; olämme mou yi Jwøk ba tïïe ni met. Caammi mo wø cïpu no olämme caala mo wø cïp bäät thøø; ni jiy bëët moo cam ge tïmö ni ba waany. 'Ba caammi mou otïïyu kiperu keeru, ni ba kïthu ge yi Øt Wuuö Jwøk.

Odheea 9:6

Uuni, u këël doo päär wøk nou ŋwieya ränynyö, u mak jø Ijepi maa ni gwaarge uuni, ni ö jø Mempici ni putge uuni 'näk ni koonyge uuni. Japa perge leth moa näk tïïc ka gwel-bïrö, bäätge tuy ko oŋöön; ni ö yïth oduŋkaare mou ni tucge ki koodhi.

Milkiya 3:13

Wuuö Jwøk aköö, ni «Uuna cäänö ki luup mo teek dëëra. «'Ba uuna köö, na ‹?A luumma ŋø na caanwa dëërï?›

Milkiya 3:14

«Ni kööu, ni ‹Ki man tïny Jwøk beeye gïn mo bäŋ tiere.› Ni kööu thuwø, na ‹?Agïnaŋø na jootwa ki køør mana gwøkwa ciik moe, wala ki køør mana bëëtwa ni wa kïmmö nyïm Wuuö Jwøk, eni na wïth jammi bëët?

Mathiew 12:36

'Ba a cäänna uuni, ni dïcäŋo ŋøl luup yie, luup bëët mo wø caan jiyi ni bäŋ tietge jaak, ocäŋ døø wïthge.

Luk 8:13

'Ba moa päth kany mo da kïdi, ge caala jø wø laar jïëy ki met ec kany wø wïnyge luum Jwøk; 'ba jïge bäŋ lweedi, ni ge jïëy ka kany mo thiinh keere. 'Ba kany wø dee päänynyö, ge wø laara døø cään.

Jeemeth 3:5

Kaawat manøgønø, leep a thääŋ dëël mo thiinh, 'ba eni töödö ka gïï mo døøŋŋø. Neennu, paap bäre wø waaŋa maaci mo thiinh.

2 Piter 2:8

Kiper ŋatøgø na beer enø cwïnye na leer wø ränynyö cooth ki gïïa näk patha karge na wara tïïcge, ni wø neete ni wø wïnynye.

Mana Nyooth 13:5

'Ba Läänögø omooø ki dhøk mo cara luup atöör ki luup mo reyø døc mo janynya Jwøk. Ni eno wëëk man cääne ki cuum mare ki dwäde ma pïëraŋween kurriiø.