Odheea 7:14 - Wëël Jwøk

¹⁴ Ge ba jwöŋi dëëra ki jwøk mo käla yïth cwïnyge kany wø gööge ko oduuru kwör niine moge. Kany wø lämge kiper caammi ki kwøk nyïïomøki, dëëtge ŋarge ŋarø, ni wecge aani.

Odheea 7:14 Iomraidhean Croise

Bwøth Wøk 32:6

'Ba na tïme na amöölla cøøn gena put päny maal ni cïpge ko olämme mo wø waaŋ, ni känge ko olämme mo wø duunni ki mëër; ni ö jiyi ni pïge piny ni cämge ni mäthge, ni öge maal ni mielge.

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Aydheea 52:5

Kiper manøgønø, Wuuö Jwøk aköö, ni «?Ennø, agïne noo tïïa kany? Kiper jiya akäl jaak ki gïn mo bäŋ tiere, ni ö jiyi moa käär geni ni bëëtge ni ge kwöŋŋö bäätge, ni nyeŋŋa bëëdö ni di janynyø cooth ki yïth nïne bëët.

Aydheea 65:14

Ka adïëri møn, jiya geno bëëdö ni ge wär ki dudi ki met ec ki cwïnyge bäre, 'ba uuni, uuno bëëdö nou jwöŋö ki gootø mana en cwïnynyu, ni gööu ko oduuru ni cwïnynyu opädhö.

Jeremaya 12:2

Beeye ïïni na piith geni kaamar jaath, ni këëlge tietge piny; ni døøŋge ni jïtge ki nyïëdi. Gïrï wø carge carø ki dhøkge jaak, 'ba ki cwïnyge, karge bäär ki ïïni.

Jeremaya 3:10

'Ba këël na bëët coki ma Juuda na raac ni gïïögø bëët ŋääe, eni na Juuda kär duu baŋa ki cwïnye bäre, 'ba mare beeye cwøk keere.» Luummögø caana Wuuö Jwøki.

Wëël Kïmmö 2:18

Jiy ajwöŋö ki cwïnyge bäre jï Kwäärö Wuuö Jwøk. Wui, jø kiir Dhayan, beerra man bëët pï nyeŋŋu ni muulö waŋcäŋ ki wäär kaamar naam. Kär dëëtu jwömmu ko oduuru, ni ba wëëgu pï nyeŋŋu cuŋŋö.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Odheea 13:6

Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Odheea 13:9

«Wui, jø Icriel, man bee ränynyö maru, kiper uuna tïmö nou gëëmö ki aani, a na kunyi maru.

Odheea 3:1

Køøre Wuuö Jwøk aköö jïra, ni «Ciï ni cäŋï mëër marï nyoothø jï cïïï, këël na bëëde ni mëër ki cwøw møøk ni bëënna käp. Beerra man mëërï ki gø, kaawat mana tïïc Wuuö Jwøki ni bëëde ni mëër ki jø Icriel, këël na bëëtge ni ge lämö ki juu møøk, ni ge mëër ko omøki moa no omiiø na dhøgi na näk ocïbö no olämme.»

Odheea 8:2

Jø Icriel ge wø jwöŋö dëëra ni köge, ‹Wui, ï na Jwøwa, ï ŋäcwa!›

Amøc 2:8

Ni buutge buut gïï wø waaŋ olämme bäätge, ni ge buta yïth abïïe moa lwør na dïgïti; ni mäthge øt jwøge ki kwøk nyïïomøki mo jøøa näk bäätge ocämmö ki jammi.

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

Jeemeth 4:3

'Ba u wø pëëö møn, ni ba mëëgi uuni, kiper u pëëö ka pïëc mo patha kare, nou manynya gïïa reyø wø nieŋ cwïnynyu køørge nee yïthu mïnge.

Jeemeth 5:1

'Ba ööu nø, u no okwär, ni jwöŋu ni rëëdu kiper gïïo leth moo ö bäätu.

Pïëmme 9:27

Køøre jø Cekam aci yïth pwöth ni putge kwany ki nyïïomøki, ni biicge ge, ni nywøpge gø na køøŋø, ni tïïge ka ajwöm met ec; ni dønyge yi øt jwøk marge, ni beeye jwøk man wø wøørge, ni cämge ni mäthge, ni täkge ki man jøøŋge Abimëlëk.